• سبحان الله وبحمده سبحان الله العظيم

حاكم العشاق

⭐️ عضو مميز ⭐️
عابرة سبيل
هذه القصيدة للشاعرة ..عابرة سبيل..رحمهاالله ترثي نفسها واللتي كتبتها بخط يدها أثناء مرضها تخاطب فيها زوجها.وسوف أسرد لكم كلتا القصيدتين:

ترى الذبايح وأهلها ما تسلينـــــــــــــــــي
....................وأنا أدري إن المرض لا يمكن علاجـه
أدري تبي راحتي لا يبعد عينــــــــــــــي
....................حرام ما قصرت ايديك في حاجـــــــــــه
إخذ وصاتي وأمانه لا تبكينـــــــــــــــــي
.....................لو كان لك خاطر ماودي إزعاجـــــــــه
أبيك في يديك تشهدني وتسقينــــــــــــــي
.....................وأمانتك لا تلجي جسمي في ثلاجـــــــه
لف الكفن بيديك وضف رجلينـــــــــــــي
......................ما غبرك أحدً حسناه واحراجــــــــــــــه
أبيك بالخير تذكرني وتطرينــــــــــــــي
......................إيجيرني خالقي من نار وهاجــــــــــــه
سامح على مـــــــا جرى بينك وبينــــي
......................أيام أمسي عدل وأيام منعــــــاجـــــــــه
عيالي همي وأنا اللي فيني يكفينـــــــــي
......................علمهم الدين تفسيره ومنهــــــــاجـــــــه
 

حاكم العشاق

⭐️ عضو مميز ⭐️
رد الزوج:::

حاولت أنام وحاربت عيني النــــــــوم
............وجريت صوتً مثل صوت الذيابه
الجفن كنه صار ضايق ومهــــــــزوم
...............ودموع عيني مثل رس السحابه
على وليف قالو اليوم مرحــــــــــــــوم
...............فارق وراح وما تهنى في شبابه
زرت القبور اللي على بعضها ارسوم
..............وخطيت رسم فوق ذيك النصابه
قلبي من الدنيا عليه مرســــــــــــــــوم
..................والرسم توه عقب خط الكتابه

أحبها أحبها،،،،،،،،،،،،،،،،،،،،،،،،،،،،،،،،،،،،،،،،،،،،،
،

احبها مير القدر صـار مقســـــــوم
.....................ويحبها كل الأهل والقرابه
الموت أخذها واودع القلب مثلــــوم
.................جرح عميق ما يداوي صوابه
الموت اخذ شجعان وارخوم وقروم
..............وأخذ رسول الله وباقي الصحابه
 

المتواجدين حالياً (عضو: 0, زائر: 1)

أعلى