من حضرتك؟

نُ

المديرة العامة
.. عضو مميز ..
قصيده جميله للشاعر / عطا الله فرحان


سو الي براسك ولاتذكر اسباب

لاصرت بايعني توكل على الله

مابيني وبينك مشاريه وعتاب

شف دربك الي جيت منه تدله

ماراح تغلبني لو الحب غلاب

من حضرتك عشان قلبي تذله

في ذمتي لجعلك عبره للاحباب

لين الخلي يتوب عن جرح خله

زلاتك الي مانفع فيها احساب

لاجيت اعددهن ثمانين زله

احرجتني بين القرايب والاحباب

كن الجفا سيف بوجهي تسله

ماكنت اقصر فيك من كثر الاعجاب

يومك تساوي عندي الكون كله

كنت القريب وكلهم كانوا اغراب

حتى القمر لاغاب شفتك محله

خلاص لاترجع ترا خاطري طاب

ابي طرا اللي كنت عايش بظله

رح واعتبرني واحد اذنب وتاب

ماني بثوب تلبسه ثم تمله

مايجتمع بالحب صادق وكذاب

رزقي على الله وانت رزقك على الله
 

بقايا أمل

.. عضو مميز ..
ألاحظك يالعطا تحب هالنوع من المعاني ... اللي تحمل الفراق بعد

الوصل ... والبعد بعد القرب....

كلمات معبرة جدا لوصف الحالة التي كانت وكيف أصبحت الا اني

لازلت اشك ان تكون مشاعر مابعد الحب بنفس صدق مشاعر الحب

اعتقد انه من وراء القلب وليس من صميمه

وتحياتي
 

نُ

المديرة العامة
.. عضو مميز ..
هلا بقايا امل ... انتي تقولين اني احب النوعيه هذي من المعاني ؟؟؟

لكن انا اقول احيانا واحيانا كثيره تفرض علينا اشياء لا نحب حتى مجرد

ان نفكر بها ...... اما ان الكلام من وراء القلب ؟؟؟

انا اسأل لماذا تريدين ان نحب من قلب و نكره من وراء

القلب؟؟؟؟ مع اني اعتقد انه لا يوجد اوجه للقلب فالكره والحب يبنعان

من نفس القلب ............. تحياتي القلبيه لك
 

بقايا أمل

.. عضو مميز ..
الحب والكره ينبعان من نفس القلب

ولكنهما لا يجتمعان أبدا في قلب واحد

فكيف سيجتمعان اتجاه شخص واحد ؟؟
 

user450

.. عضو مميز ..
العطا يسلمووووو

كن الجفا سيف بوجهي تسله

ماكنت اقصر فيك من كثر الاعجاب

يومك تساوي عندي الكون كله

كنت القريب وكلهم كانوا اغراب

حتى القمر لاغاب شفتك محله

خلاص لاترجع ترا خاطري طاب

ابي طرا اللي كنت عايش بظله

رح واعتبرني واحد اذنب وتاب

يسلمو اخوي العطا كلمات ولا اروع في قمه الجمال

كتبت وابدعت وصح لسانك اخوي

وتقبل تحياتي
اخوكم
القلب المحتاس
heart2 heart2
 

المتواجدين حالياً (عضو: 0, زائر: 1)

أعلى