• سبحان الله وبحمده سبحان الله العظيم

نُ

المديرة العامة
⭐️ عضو مميز ⭐️
قصيده للشاعر المبدع و قنبلة الشعر / حامد زيد

الــــــذهـــــب

ياكثر مارافقت خلان واحباب *** وياكثر مافي شدتي هملوني

على كثر مااعدهم : ستر وحجاب *** على كثر مااحتجتهم واتركوني

من صارت الخووه ثمن حفنة تراب *** نفس الوجيه اللي نصوني .. نسوني

من غير ذكر فروق , وعروق , وانساب *** كانوا ثلاثه والثلاثه جفوني

علمتهم وشلون الاهداف تنصاب *** ولما سواعدهم قوت صوبوني

عشاني اصغرهم عمر صاروا احزاب *** عشاني اصدقهم قصيد اظلموني

اللي نجاح اسمي زرع فيهم انياب *** ( حتى النصيحه ) مابغوا ينصحوني

دام العطايا عندهم دين , واتعاب *** والله لو اطلب ذنبهم ماعطوني

طالب نصيحه كني مطالب ارقاب *** وهي نصيحه !! كيف لو زوجوني ؟

كنت اكتب لنفسي مشاريه وعتاب *** ولا ادري ان اللي قروني .. قروني

تضاربت من دوني عقول والباب *** واجد بغوا غيري .. وواجد بغوني

اقفل هدب .. تسهر على شعري اهداب *** كني حبست ارقادهم في جفوني

لو شفتهم واحد يشوفوني اسراب *** ومن وين مالدّوا نظرهم لقوني

اثري وجودي بينهم محرق اعصاب *** ومزعل بعضهم من بعض لو طروني

ياكبري بعيني ونا توي شاب *** واهم كتاب الشعر حاربوني

حتى ولو يهوي على نجمي شهاب *** يكفي ان اسمي كبير بعيوني

قد قال ابوي : ان هبتهم قول : ماهاب *** لو يقدرونك قول : ماتقدروني

مادام قبري محتضن راس مرقاب *** على كثر ماتدفنون ادفنوني

لو مانيب ذيب انهشت عظمي ذياب *** لو ماعرفت اثبت وجودي لغوني

لو ماسكنت وجيههم مت بغياب *** لو ماقدرت امحي ورقهم محوني

اصبحت الاصعب لانهم كانوا اصعاب *** جننتهم لانهم جننوني

ماجيت ابدبل كبدهم شعر وخطاب *** لين ادبلوا كبد الذي خلفوني

ياويل وجهي كن للدمع مخلاب *** ماجف ماه ولااستحى من طعوني

كل ماطرالي منظر مريب وارتاب *** كان الوحيد اللي يحرك شجوني

قبلة صلاه , وذكر , وخشوع , وكتاب *** وامي على سجادة الصلاة دوني

تدعي لي الله يفتح بوجهي ابواب *** تتوسله بالشده .. يكون عوني

من كثر ماخفاقها بالدعا ذاب *** صارت تحس ان زملاي اكرهوني

بشرتها يمه : معي ربع واصحاب *** ماني لحالي واد اللي يبوني

من يوم ماحاز قلمي كل الالقاب *** قلطتهم في دفتري واحفظوني

الله وهبنيهم : بني عم , واجناب *** من يوم جيت اعجبتهم واعجبوني

واعجابهم فيني ماهو بايّة اعجاب *** باسلوبي , بشرحي , بطرحي , بلوني

لو قلت عن نفسي بشر .. صرت كذاب *** بو قلت دمي من ذهب صدقوني

لو كيفهم كان زرعوا دربي اعشاب *** لو بيدهم يتشبهون اشبهوني

من كثر ماصاروا من طبوعي اقراب *** حتى بلبسة شمغهم قلدوني

واجد دعوني واغلقوا دوني الباب *** واكثار ناس ابكي لهم مابكوني

لو طالوا هدمي مناسيب واطناب *** كان وغلاتك من زمان اهدموني

مادام حطوا فيني عيوب واسباب *** جنبت عنهم مثل ماجنبوني

اصلا لو بخوتي شي ينعاب *** ذبحت نفسي قبل لا يذبحوني

انا لو يدي ماكست متني ثياب *** نذر علي لااقطع يدي من متوني

مو عيب اجي مدعو ولا اشوف ترحاب *** العيب لو اني رجعت ان دعوني

مادمت اجي ولا يحسبون لي حساب *** حرمت اجي واللي يبوني يجوني


تحياتي ........... العطا
 

نُ

المديرة العامة
⭐️ عضو مميز ⭐️
.. الله الله الله ..

.. كلمات رهيبه بصراحه ..

.. وتسلم يالغالي .. العطا ..

.. لطرحك هذي القصيده الرائعه ..

.. تحياتي لك ..

.. اختك ..

.. خفايا الروح ..
 

مشاعر

⭐️ عضو مميز ⭐️
الأخ الفاضل000الـــــعــــطـــا

كتبت.... . واصبت ....

في كتباتك ابداع ... وفي فكرك نصاع

... في خيالك آيه ... وفي قلبك غايه ...


اشكرك من قلبي فانت

توصل ما عجز اللسان ان يوصله لمن

يحب وبما يكنه القلب لذلك الحبيب

بتعبيرك الرائع بفكرك الساطع بخيالك الواسع

اخي تقبلي تحيات





اختك000الـــحـــلـــوة
 

نُ

المديرة العامة
⭐️ عضو مميز ⭐️
الغاليه خفايا الروح ... دائما تزيدين المشاركات روعه من نوع خاص

بمرورك وكلماتك الجميله ... تقبلي مني كل احترام وتقدير ... العطا
 

نُ

المديرة العامة
⭐️ عضو مميز ⭐️
الغاليه الحلوة اشكرك من كل قلبي على تكرمك بالمرور على موضوعي

وهذا بحد ذاته يجعل للموضوع طعم خاص ........ تقبلي مني غاليتي كل

تقدير واحترام .......... العطا
 

روح الورد

⭐️ عضو مميز ⭐️
العطا

صح لسانك اخوي

الصراحه قصيده جميله ورائعة

والله يوفقك ولاتحرمنا من

ابداعاتك الرائعة

تقبل خالص تحياتي واحترامي






,,,روح الورد,,,
 

دموع الحزن

⭐️ عضو مميز ⭐️
الله يعطيك العافيه أخوووووووووي العطا



والله هذي من القصائد اللي أحبها وخاصة لما يلقيها حامد زيد.

وهذا الشاعر والله عنده قصائد مرررره حلوووه ونصيحتي اقرووووها


ومشكوووور أخووووي العطا على طرح القصيده وياليت ماتحرمنا من اشعاره


وتنزل كل اسبوع قصيده مميزه.

وتقبل،،،
ت
ح
ي
ا
ت
ي
أخوك / دموع الحزن.
 

نُ

المديرة العامة
⭐️ عضو مميز ⭐️
روح الورد

اشكرك على مرورك الكريم

تحياتي لك .......... العطا
 

نُ

المديرة العامة
⭐️ عضو مميز ⭐️
حبيب قلبي دموع الحزن

شكراً لمرورك

وعلى فكره انا نزلت بالمنتدى لو ترجع له من البدايه كم قصيده لحامد زيد

مقروءه ومسموعه ........ تحياتي لك ..... العطا
 

المتواجدين حالياً (عضو: 0, زائر: 0)

أعلى