*~][ زمـــن المــوبايلات ][~*

..**..**..**..**..**..



الزمن هــذا صـار مـــن نوعـــهُ فـريــــد

عــجــائـب وغـــرائب بـكـل الــوانــــه

من يوم غــزونا الغـرب بالـشـبح والعنيد

والرهـيب وابــو ليــزر أللي كثيرةٍ غطيانه

وين ماتروح تلقاه مع الجندي لين العـميـد

حتى فرّاش المدرسه وموزّعه على ورعانه

أذا أقـبـل تسمعه مثـل الطيــر له تغريــد

وفـــي المجالــس لــه طنطنـــه بالحانــه

بعض المرات تسمع طــــلال وعبــد المجيــد

ومرات كنهــا كحــــت عنــــز مرضانـــــه

واليوم جابــوا الرسايل وقالــوا تجديــد

للي يبا يراســــل جماعتـــه وصدقـــانــه

رسايــــــل تنرســـــل بدون طابـع بريــــد

تتجــه صــوب اللــــي قافـلاٍ بيبانـــه

وهالرسايل خلــت الأحرار مثل العبيــد

وخـلــت الأبكـــــم يلاحقنــا بلسانـــه

بعضهـــــا علـــى القلب مثل التبريــــد

وبعضهــــا محشـــات ونكــــت ولعانـّـــه

أشغلونــا ياعساهـــم بالجــوع والتشريــد

وتبعــدعنـا جماعــــة ابليـــس واعوانـه



..**..**..**..**..**..**..

.. شو رأيكم بالكلام هذا ..؟!

.. صحيح الجوال له سلبيات وايجابيات ..

.. لكن انا الاحظ ان سلبياته في زمنا هذ اكثر من ايجابياته ..

.. وكثير من يستعمل الجوال لشغلات فاضيه مالها لزمه ..

.. صح والا لا ...؟



.. على العموم .. انا حبيت اشارك بهذه القصيده للتسليه لا غير ..

.. على امل انها تعجبكم ..

.. تحياتي لكم جميعاً ..

.. اختكم ..

.. خفايا الروح ..



61_f1

يزاج الله ألف خير عزيزتي......





والله لو تشوفين هالأيام ولد بعده ما كمل عشر سنين في يده مبايل.....






والله دنيا....الله يستر....

صح لسانك اختي خفايا الروح


وكلامك والله كله صحيح


وليته على الورعان وبس


حتى العماله الوافده معاهم موبايلات


تقبلي تحياتي

نعم صدق كلامك اختي خفايا الروح واشكركي على موضوعك الجميل.

.. مشكورين جميعاً لمروركم الكريم ..

.. والله يعطيكم العافيه ..

.. تحياتي الصادقه لكم ..

.. اختكم ..

.. خفايا الروح ..

صح لسانك
اختي
خفايا الروح
واشكرك
على موضوعك الجميل.
لاتحرمينا ابداعك

تحياتي
ENRIQUE


__________________

مشاركة: *~][ زمـــن المــوبايلات ][~*

[align=center]الله يعطيك العافية

ولا تحرمنا من جديدك[/align]