• سبحان الله وبحمده سبحان الله العظيم

@@بنـــدر@@

⭐️ عضو مميز ⭐️
تعال اقول لك كلمه
انا اسف اذا قصرت في حقك واذا زليت .. انا اسف ومتأسف على حبي واشواقي

انا الغلطان واسمحلي اذا دون القصد اخطيت .. وجيتك حيل متولّه وقلبي عليك مشتاقي


تخيلتك عقب غيبه تجيني بشوق به ظنيت .. تقول الله يا عمري رجعنا البعض عشاقي

تقول اهواك واحبك واعزك كثر ما حبيت .. ولكن خابت ظنوني وزاد رجوعك اعواقي

يا ليتك ثم يا ليتك ويا ليتك نعم يا ليت .. قبل بيعك لا حساسك تبلغني عن افراقي

ترى ما تنجبر روحٍ على روحٍ هواها ميت .. ولا ني جابرك قربي ولا بعدي ولا احراقي

تفضل هذي الدنيا تفضلها ورب البيت .. وخذ معها بقايا روح وفوق الروح اشواقي

ولكن قبل لا ترحل وتاخذ معك ما شليت .. نعم ودي اوضّح معاني اسلوبك الراقي

ترى من حب يتحمل ظروف بوقت به مريت .. ويوفي بالعشق قلبه واشواقه ولذواقي

ولا هو كل من حب قال الله انا حبيت .. بحب بكيفي وكيفي ابا امشي بكل مطراقي

ترى معنى المحبه شئ وانته لا حشى ما اوفيت .. نسيت العهد والذمه وروح المغرم الشاقي

نسيت اللي وفالك في العمر كله ولا داريت .. ولا حسيت بشعوري سعيت ابجد لفراقي

تعال اقول لك كلمه قبل ما انسى بقايا البيت .. ابا اتلاحق على شطوره وابوح ابكل شئ باقي

اباك ابصدق تتحذر اذا جا وقت به واغليت .. وقلبك حب ما لخاطر باحساسه والاشواقي

تحذر مالغدر دامك غدرت فيوم من حبيت .. وغدرك ينقلب ضدك وتذكر لحضه اعناقي

لاني والله ما اسمح لك ترد اليه متى انته شيت .. ولا احلم لحضه ارجوعك ولو كوني بيه ضاقي
 

صدى الاوهام

❤️ نورت تغاريد ❤️
صح لسانك اخوي بندر بصراحه ابداااااااااااااع ما شاء الله عليك


تحذر مالغدر دامك غدرت فيوم من حبيت .. وغدرك ينقلب ضدك وتذكر لحضه اعناقي

بصراحه هالبيت عجبني

تقبل مروري المتواضع

صدى الاوهام
 

الحلاكله

⭐️ عضو مميز ⭐️
انا اسف اذا قصرت في حقك واذا زليت .. انا اسف ومتأسف على حبي واشواقي

انا الغلطان واسمحلي اذا دون القصد اخطيت .. وجيتك حيل متولّه وقلبي عليك مشتاقي


تخيلتك عقب غيبه تجيني بشوق به ظنيت .. تقول الله يا عمري رجعنا البعض عشاقي

قصيده جميله في الاعتذار
صح لسااانك ملايين اخوي
على هالكلمات الراائع
ونتظر المزيد من الابدااع ,,,

تقبل مروري واعجابي ,,
الحلاكله
 

tameem

❤️ نورت تغاريد ❤️
ترى ما تنجبر روحٍ على روحٍ هواها ميت .. ولا ني جابرك قربي ولا بعدي ولا احراقي

بيت عن قصيده
تسلم على هالقصيده
 

المتواجدين حالياً (عضو: 0, زائر: 1)

أعلى