• سبحان الله وبحمده سبحان الله العظيم

جروح الوقت

⭐️ عضو مميز ⭐️
مراحب فيكم اخواني وأخواتي هذه قصه لبنت دخلت عالم النت

وهي تطلب حل لمشكلتها حبيت اطرحها ليس للحل فقط ولكن

لتكون موضوع نقاش يستفيد منه الكل وأرجوا المشاركه وطرح

أرائكم وتقبلو تحياتي حمد

الان أتركم مع القصه صحيح انها طويله بس

بأمكانكم نسخها وبعد ذلك الرد في وقت لاحق

****************

انا بنت من البحرين عمري 19سنه , دخلت عالم النت وصار لي سنه ,من ضمن الاشياء الي قمت فيها بالنت وهو التعرف على الشبااب بالنت .. ولم تكن علاقاتي معهم تتعدى الاخوه والصداقه كان كل من تعرفت اليه يحترمني واحترمه ويقدر كل شخص الطرف الاخر وكنت دائما احافظ على هذا الشيء وهو الاحترام المتبادل ,كنت وقتها ارفض التعرف على اشخاص من البحرين لكي ابعد المشاكل,لان بلدتنا صغيره وخفت ان يعرف من انا هذا الشخص في يوم من الايام, في ايام العطله الصيفيه كنت منزله لي برنامج ال icq وكان غرضي من ذي البرنامج اني ارسل مسجات لرفيجاتي عن طريقه لان وقتها ماكان معي مبايل ,وماكنت اعرف شي عن ذي البرنامج غير كيف ادز مسج على المبايل , بهذا البرنامج يستطيع الغير ان يبحث عن اسماء الموجودين اون لاين والتحدث معهم كيف مدري وانا كل مره افتح ذي البرنامج يدخل علي كثير بأسماء مختلفه وانا كنت على حسب المزاج او اذا كنت فاضيه مع معي شي اقعد ادردش معهم وكنت وقتها حتى ماعرف كيف اضيفهم باللسته معي في البرنامج والي الان ماعرف ,وكان من ضمن هذيلا الي كنت اسولف معهم شخص من البحرين ,كنت ادردش معه ومع غيره وكنت وقتها ماعرف اميز من الي كنت ومن الي كنت مارد عليه لاني ماكان ذي الشي هامني ,كان ايميلي يطلع عندهم في الخصائص تبعي وقتها انا ابتلشت كل من يجي ويسويل لي ادد على المسنجر , وكان تجيني اضافات كثيره , وانا اعمل لها رفض ,حتى وقتها كنت مره اكلمه عن ذي الشي كيف يعملو لي ادد وانا ماعطيتهم ايميلي اهو خبرني كيف,وسئلته كيف اقدر امحي ايميلي من الخصائص وعلمني , ومره من المرات كنت طفشانه واول مافتحت المسنجر طلعت لي الاضافات بذي الرمه قمت وش سويت قلت ليه ما اقبل ذي الاضافات دامي طفشانه وماعندي شي اسويه ,ومع الايام قمت ادردش مع اصحاب هذيلن الاضافات وطلع واحد منهم هذا الشخص الي علمني كيف امحي ايميلي من الخصائص ,وماكنت وقتها حتى ارد عليه بسرعه وكنت بعض الاحيان اعطيه اقنور ماكاان ذاك الشخص المهم,الباقي سويت لهم دليت من القائمه عندي هوه ليه ماعلمت له دليت مدري.. على الرغم من انه ماكان يمثل لي شي وانا سويت للباقي دليت لاني ماكاان عاجبني وضعي اني اجلس وقتي بس اتعرف ولا ادردش وانا ماخليت الا المحترمين ,ومدري كيف بعد فتره طويله انا عرفته جريب نهاية العطله الصيفيه وكنت وقتها تقريبا طول اليوم انا اون لاين من يدخل يلاقيني , حتى مكانت اعرف يدري ولا يعمل ولا قد اييش عمره ابتدت الدراسه وكان بداية نوع ثاني من الدراسه عندي لاني خلصت المدرسه وابتديت ادرس بمعهد مهني ,طيب مع الايام مدري كيف علاقتي مع ذي الرجال اصبحت اوكيه وصرت عادي اسولف معه وكنت اناديه بخيو وهو يناديني خيتوو بعدها عرفت انه طبيب متدرب بس كم عمره مدري وعرفت اسمه حتى اذكر اني قبل كنت دوم اوكل واحد يعصب بالكلام مع الثاني اذا تكلمنا في موضوع وماعجب احد منا ,طيب في اسبوع من الاسابيع قال لي انا راح اسافر لاميركا بعد يومين من شان اكمل دراسه هناك وراح اجلس 4 سنين دراسه عندهم وكان يقولي مابيج تنسيني اذا رحت هناك وابيج تدزين لي ايميلات تطمنينا فيها عليج طيب قبل يومين من هالسفربالليل طلب مني اني استخدم معه برناج اسمه هوت فون برنامج محادثه صوتيه كان يبي يجرب معي اذا كان شغال ولا لا , لان يقول وقتها ماكان حد من ربعه موجود واهو يبي يعرف اذا كان شغال ولالا قبل لا يسافر لانه يبي يستخدمه مع الاهل اذا راح اميركا لان تكاليف الاتصال هناك تكون اكثر واهو يبي يقلل من ذي الشي بانه يستخدم ذي البرنامج معه من شان يكلمهم فيه , طيب انا في البدايه رفضت بعدين وافقت على ذي الشي وكان ذاك اليوم اول يوم اكلمه في على الهوت فون ,تكلمت معاه وكان كلامه بالمايك غير مره عن بالمسنجر , بالمايك يبان من طريقته بالكلام من نبرة صوته من طريقة القاءه بالكلام انه انسان كبيره وعاقل وفاهم ,طيب باليوم الثاني هم طلب مني اني اكلمه بالهوت فون انا رفضت بس بعدين قبلت بذي الشي لانه قام يقولي انه يعرف اني اكرهه ومدري ايش ,ومن شان لانه قال انه اخر يوم له بالبحرين واخر يوم يسمع فيه صوتي , طيب تكلمت معه ذاك اليوم الين الصبح وكان وااااايد يسئل عني وحسيت من اسئلته كان يبي يعرف منها كيف طريقة تفكيري ,صح في شي بعد ماذكرته واهو انه من اول ماتعرف علي كنت ارفض اني اخبره وش هو اسمي الحقيقي ولا من اي منطقه قلت له كل الي اقدر اقوله لك عمري ومن وين مقدر واذا تبي تعرف اسمي تقدر تناديني باسم ايميلي ولو انه مب اسمي حاول معي وماقلت له الا بعد فترره طووويله كم شهر وانا اعرفه واهو مايدري وش اسمي ولا انا من وين يعني حاليا اقدراقول صار له تقريبا شهرين وشي من عرف بالضبط منو انا وبنت منووو ومن اي منطقه , طيب بذاك اليوم لمى كنت اكلمه على الهوت فون وكان بكرى يكون يوم سفره طلب مني طلب ماتوقعت انه يطلبه واهو انه يطلب رقم مبايلي , قلت له من شان شنو قال من شان اقدر ادز لج مسج اخليج تتذكريني فيه وماتنسيني ومن شان اذا ماقدرت ادخل النت اقدر ادز لج مسج او من شان اذا كنت بالنت وانتي مب موجوده ادز لج مسج من شان تدخلي النت طبعا انا رفضت او وضحت له وضعي كبنت وقلت له وش ينظروا اهما الشباب للبنات اذا توافق وقلت له انت بعد راح تكون نظرتك مثلهم اذا انا وافقت على ذي الشي واهو قام يشرح ويعلل على العموم انا قلت له انا اعرف نفسي ماابعطيك الرقم وقتها قال لي سوري على ذي الطلب بس قال اذاغيرتي رايج ابيج تدزي لي ايميل تخبريني فيه ,طيب انا يوم ثاني خبرت امي بالسالفه كنت ابي اعرف ردها ورايها على الموضوع ولاني احاول اني ما اعمل شي من ورى الوالده ولا شي مايرضي ربي وامي قالت لي ذي الشي غلط ومحد يضمن حد يذي الايام وانتي ماتعرفين الشحص زين مازين وكلام ماله اخر بس قالت لي بالنهايه انا بترك لج القراار انتي بنت كبيره وتعرفين الصح من الغلط وانا قلت لج رايي والشي الصح سويه بس تذكري كلامي قلت لها اوكيه بفكر , ورديت عليه بالايميل وقلت له اني خبرت امي وقالت كذا وكذا بس انا قلت بعطيك الرقم ولو اني مب مقتعه بذي الشي, طيب بعد يومين من سفره حسيت وقتها انه له مكانه عندي وانا كنت اعتبره شخص عادي من النت لا اهميه اذا كان موجود ولا لا...وبعد كم يوم شفته اون لاين ..مدري ليه فرخت لمى شفته كثير ...ومدري كيف تجرات وقلت له وحشتنااااا ولك وحشه حتى اهوو ماتوقع اني انا الي دوم اتهاوش وياه اقوله جذي..وسوولفت معه بس مب كثير لانه كان وقتها بزي ودوم اليمى اللحين بزي بس تكلمنا على موضوع الرقم وقال لي انه مسح الايميل لانه مايبي الرقم قال لي ابي منج ومن نفسج تعطيني وابيج تكوني مقتنعه بقراارج مابي قرار سريع ولا بدون تفكير سوي شي انتي مقتعه فيه وانا وقتها فكرت وفكرت مدري هل هيه مشاعري الي خلتني اوااافق وارد وادز له الرقم على الرغم من انه قال خلااص مابيه ولا ايش مدري...طيب مع الايااام كل مره يدخل اسولف ويااه بس كانت سوالفي معه مب كثيره ولا فيها نقااشات لان كان مزحوم بكل شي بعيشته الجديده والدراسه الجديده وكل شي هناك جديد عليه وكذا مره كلمته واهوو هناك على الهووت فون ومع الاياااام كل من عرف انه يحب الثاني وكل من اعترف بذي الشي للثاني بس مدري ليه من يوم حبينا بعض والزعل كل يووم وطرى علينا وانا الي مضايقني ان شي عبر النت وقلت له اني مابي استمر لاني اعرف النهايه انها البعد ورااااااااح يجي يومه واني ابعد اللحين قبل لا اتعلق فيه اكثر وكل محاولاتي للبعد تفشل... بالاول كنت اقول يمكن ذي الشخص يبي يتلاعب بمشاعري بس مع الايام وافعاله تاكدت انه عن جد يحبني ولو كان حبنا عبر النت بس اهووو متعلق فيني ..شخص دوم يطلب مني اقوم بالشي الي فيه مصلحتي شحص يحاول انه يغيرني للافضل ..شحص مجد مشغول بدراسته يجي يكلمني واهو يعمل الهوم ورك تبعه .. شخص ماعنده وقت يدخل المسنجر يدخل من شان يكلمني..اخر مره زعل مني لاني كذبت عليه بخصوص اني اكلم شباب حتى قال لي اذا انتي تحبيني ليه تكلمي غيري يعني انا ما اكفيج وحصلت نقاشات على اشياء ثانيه ..للاسف فقدت ثقته فيني بعد الي صار لاني كذبت عليه مدري والله وش الحل انا من حبيته وانا كل شي عندي متغير قعدتي بالنت بالنسبه لقبل قلت وحتى مليت من النت بدونه على الرغم من قبل اتم من المغرب الين الظهر يوم ثاني بالنت ولا امل وحتى علاقتي مع هلي قمت احسنها من حبيته قمت احاول اتررقب من هلي اكثر وقمت احاول اني اكون افضل بالدراسه وقمت حتى من ناحية ربي احاول اني اقرب نفسي من ربي واني اذكره دوم حتى الاغاني قطعتها وانا الي 24 ساعه الاغاني شغاله عندي كل هذا لاني حبيت وابي اكون ذي الحب ناتجه ايجابي اكثر من سلبي علي احاول ابعد اي شيء يغضب ربي واسوي الي يرضيه لاني ابيه يوفقني مع حبيبي ...حتى حبيبي دوم يسئلني انتي بنت من وابوج من ومن عيلة منو وش يشتغل ابوج وكم عدد اخوانج وخواتج وش يدرسو وش يشتغلوو ومنو اكبر ومنو اصغر ليه برايكم يسئلني ذي الاسئله وكاان دوم يقول لي انتي ماتدري يمكن انتي تكوني زوجتي بالمستقبل محد يعرف وش راااح يصير بكرى واذا اهو مايحبني برايكم ليه بيحاول انه يعدل من عيوبي .. وهل ذي الشي غلط لان العلاقه كانت عبر نت وغلط اني اطورها اكثر من نت وش الحل برايكم ؟

يعني انتم وش تشوفو اني اعمل اني استمر بالعلاقه ولا انهيها ولا ايش وش الغلط وش الصح

وحبيت اقول ان فيه عندنا بالبحرين كذا شخص تزوجو وكانت طريقة تعرفهم على بعض النت وهم بنت خالتي راح تنخطب حاليا من حبيبها وتعرفت عليه من نت واهو معها بالجامعه ...


اتمنى القى الحل باسرع وقت
 

@@بنـــدر@@

⭐️ عضو مميز ⭐️
السلام عليكم...

اخوي حمد اولا اشكرك على هذا الموضوع..

أول شي الكلام مع الجنسين هذا ما يجوز...

والحل هو:ان هالبنت هذي تترك المحادثة مع الشباب وتتقي الله وتتوب اليه توبة نصوحة

وتنظر النصيب لما يجيها..


تحياتي

بندر
 

Mishal

⭐️ عضو مميز ⭐️
هلا اخوي حمد

الصراحه انا ماقريت القصه

لكن زبده الموضوع ان البنت تعرفت على شاب بالنت

هذا خطا والف خطا

فانا اقول المفروض تتركه لانه مافيه خير

وتنتظر نصيبها
 

جروح الوقت

⭐️ عضو مميز ⭐️
  • كاتب الموضوع كاتب الموضوع
  • #4
وانا اتفق معكم في هذا

هذا اكبر الخطأ التعرف على الانترنت

وانشالله هذه البنت تقتنع وتهد هذا الشاب المراهق


وتقبلو تحياتي لكم اخوكم حمد
 

دموع الحزن

⭐️ عضو مميز ⭐️
السلام عليكم وحمة الله وبركاته..


والصلاة والسلام على سيد المرسلين سيدنا محمد عليه وعلى صحبه أفضل الصلاة وأتم التسليم.... أما بعد

الى كل اخت مسلمه كبري عقلك اذا تقولي في علاقات نجحت من النت فانا اقول في علاقات مو بس ما نجحت بل حتى دمرت وهلكت احد الطرفين....

سؤال فقط اسئليه سؤال وأن شاء الله ترتاحي قوليله:: انت تبي تتزوجني؟؟؟؟


اذا قال : ايوه،، قولي يلا تقدم واخطبني... إذا قال ::: لا ،، قولي اقلب وجهك

هنا حتتأكدي هو يحبك والا لا...

المشكله في البنت عارفه ان هذا اللي تسويه خطا وأكبر خطا بس ما بيدها حيله تعرفوا ليه؟؟؟؟؟؟

بسبب الفراغ العاطفي داخلها.. وبسبب صاحبتها أو بشكل عام اللي حولها

والبعض الواطي من الشباب يستغلها استغلال سلبي... ويدمر حياة البنت من دون احساس


وتقبلوا،،،
ت
ح
ي
ا
ت
ي
أخوكم / دموع الحزن.
 

المتواجدين حالياً (عضو: 0, زائر: 1)

أعلى