صباح الخير

الموضوع في 'منتدى الالعاب والوناسه' بواسطة معـانـق الـوفـا, بتاريخ ‏17 يوليو 2009.

  1. معـانـق الـوفـا

    معـانـق الـوفـا عضو

    إنضم إلينا في:
    ‏25 مايو 2009
    المشاركات:
    3,481
    الإعجابات المتلقاة:
    121
    نقاط الجائزة:
    0
    صلام عليكم كيفكم اخباركم
    هذي قصه لي
    حبيت اقولها لكم
    مره جيت تعبان تعبان مره
    كنت مع العيال
    هع
    ندشر لين نقول بس
    نمت وكان عندي مدرسه وقتها المهم
    وانام
    لين الصبح
    الا تجي الوالده تقوم فيني
    ياولد قم قم قم
    وانا نايم لا قم ولا قامو هع
    قالت الوالده للوالد جاب كاسة مويه بارده هع
    علي وجهي هع وقمت المشكله عيوني ما افككها الا بزيت فرامل من الغمص
    واقوم واروح للحمام عاد القعدة بالحمام
    توسع الصدر الواحد وده يحطون له بطانيه اسبانيه ولا كمبل بالحمام
    وانا قاعد با الحمام احس اني فنان واغني
    وما اسمع الا اخواني يدقون الباب طق طق اطلع طلعت روحك بس اطلع
    طلعت الا وانا ادور يمين يسار اشوف الوالده وينها هي با المطبخ وقتها وما تسمعو الا صووت فين علي غرفت اخوي الكبير
    وعطيها نوم جنبه توني نايم وتجي الوالده قوم يامحمد قوم قمت وشوف ورقه كاتبها اخوي
    لا اشوفك نايم على المخده اللي بجنبي و يقولو (الاخ العزيز الرجاء عدم الازعاج عندما تقوم من النوم
    ولا تتبيثر وتفتح النور وتسحب الكمبل مع تحيات اخوك صقيق<ألدلع هع) وش اسوي لهاصقيق





    رحت واخذت ثوب قديم عندي مشقق وكنت
    استغله في بعض النوبات باني اقطع منه واكتب بهالقطع براشيم وخليته في الوقت الراهن فوطه
    ودخلت لبيت الراحه وناظرت لوجهي بالمرايه .. والمرايه انا معلق عليها صورة باسكال مشعلاني ويوم
    ناظرت لبسكال وناظرت لخشتي قلت يالله يا ربي بالهااليوم الكريم انك تعوضني بالجنه وناظرت لمعجون
    الاسنان وناظرت لااسناني قلت وشوله انظفها الشين شين ولو يغسل بمعجون واروح وافتح الدش وانسدح
    بالمغطس واخذ لي غفوه ما دريت الا ابوي يرجف علي الباب ويقول ياولد اطلع يا
    ما للطواليع وللطواعين اللي تطعنك ولا تخلص الماء علينا وش عليك ماهو انت اللي بتدفع الفاتوره دفعوك للفقر يا وجه الفقر



    طلعت من الحمام ونظرت الى ابي وفي عيوني دمعه تكاد ان تفر ومرقت من امامه والدموع تتسربل من عيوني
    (على بالي ابكسر خاطره) ما دريت الا هو راجفني بشوته من خارج ال18 وهو يقولي عجل على مدرستك لا بارك الله فيك من ولد
    دخلت للغرفه
    ولبست ثوبي ولبست عقبها شماغي
    عقب ما تكشخت هع
    والحين وقت الفطور ومجهز نفسي للفطور ورح للوالده عاد هي دائم تخدعني وتقول
    ( ياارض احفظي ما عليك وش هالزين يا وليدي)
    وفطرت وكل شي زين
    وعاد الحين ركبت السياره وابي امشي

    طبعا دائما امر على صديقي ابو راسين قبل ما اروح للمدرسه علشان نمر اطرف بقاله
    ونتقاط انا واياه في بكت زقاير
    ودق الجرس الا تطلع اخته العنود يالبي قلبها في هذي الثانيه اللي لخبطت حياتي كلها

    قلت وانا مستحي لها وين احمد ياعنودين <مسوي ادلع
    قالت يا ولد جيراننا سلم اول وقل صباح الخير قلت صباح الخير
    قالت صباح النور انتظره في البرحه
    يوم جاه ولد في كاس العالم 94 وشوي الا
    ابو راسين جاي وقال هلا صديقي قلت هلا والله بحشاشة جوفي وبااخوي
    ونميش ورحنا المدرسه
    في المدرسه المدرسين يشرحون وانا قلبي ينزف وقاعد افكر بالعنود وهي تقول صباح الخير
    وقاعد اشخبط بالورق
    واكتب ( وان مت فبجنب العنود ادفنوني...واكتبوا على القبرين بيضاء صحيفه)
    خلالالالاص حبيتها يا عالم

    جاء اليوم الثاني وانا من صباح الله خير قايم ومتجهز وقلت يا ولد افطر مبكر وتلاحق وكحل عيونك بشوفة العنود وانا متربع ابفطر الا امييمتي تقولي ماهي بالعاده يا وليدي قايم بدري قلت
    خلاص من اليوم ورايح بتشوفيني مثل هالدياتسه اللي تعوي بهالفجوريات وشوي الا الطوفريه تمشي مليون ووراها صوت ابوي
    وهو يقول اللي يعوي الذيابه يا القرد وهو يوجه كلامه الى اميمتي ويقولها اكيد قايم بدري
    علشان يمر على هالصايع ولد جيراننا ويروحون ويتتنون وخذتني الفزعه
    بغيت ارسله الطوفريه سفري لانه يتكلم على نسيبي ابو راسين اخو العنود بس استخرت وطلعت ابروح اشوف العنود الا هي بتركب الباص وتطالع فيني
    وتخيلت انها تقولي يا ابظااااااااااي يا حياة الشقاء يالعنود نعنبوتس ذبحني حبك بظرف يومين واقعد افكر وانا انتظر ابو راسين وقررت اني اصارحه يوم شفته اقبل
    وحنا نتسحب للمدرسه قلت يا ابو راسين انت صديق عمري وانا في نفسي شئ لابد اني اصارحك فيه قال لا تقول ما معي قطية الدخان
    قلت لا قال لا تقول اني مانيب شارد معك من المدرسة قلت لا ابوك يالداشر هذا اللي هامك قسم لو تدري وش اللي بنفسي يا ابو راسين ان تنقز وتجيب لي كرز دخان قال وش القصه يا مصرقع قلت يا ابو راسين انا طحت بالحب قال وش الحب الحب الحساوي ولا حب القرع ولا حب الجح ولا حب عباد الشمس عندها اضطريت اني اغني له (يا ناس حبيت واحد...واثر المحبه صعيبه...واثر المحبه تبكي..والقلب محدن دري به) قال افااااا هذه نهايتك يا مصرقع تحب لك واحد قلت له ووجع نعنبو حيك يا ابو راسين انا احب اختك العنود قلتها من هنا وانحشت من هنا وهو يطرد وراي ويقول وقف يا مصرقع اذا ما العن سلسفيل جدودك وانا اركض قلت له يا ابو راسين انا احب اختك حب شريف وابتزوجها على سنة الله ورسوله الا يوم وقف وقال اشوى قلت له انا خلاص بدون اختك ما اسوى شئ قال لي يا رجال انت خلقه ما تسوى شئ قلت وشو قال احلىىىىىىىى يا مصرقع تحب اختي وبتتزوجها وابقول صديقي نسيبي الله من الخبال بها البني ادم قال بس اسمع يا مصرقع نبي المهر سيكل صتي 24 ونبيك تشتري لنا مليون كرز دخان <---- سفيه وش نسوي به وهو يخطرف بالكلام قلت له وش السواة يا ابو راسين قال تعال انت وامك وابوك واخطبوها وقالي تصدق يا مصرقع لو تتزوج اختي ابسكن معكم بالبيت <--- ابوك يا البثاره الوكاد اني قررت اني اتوكل على الله واكلم اميمتي وابوي علشان يروحون يخطبون لي العنود حبي الابدي
    رحت للبيت ودخلت على اميمتي وقلت يمه قالت سم يا ولدي قلت يمه ابي اتزوج قالت ووجعن يوجعك انت وابوك متى تزوج هالشايب المخطرف (عاد هالمقطع انا حاطه علشان انتقم من ابوي) قلت لا يا اميمتي انا ودي اتزوج قعدة تضحك واطالع فيها وانا اكلم نفسي قلت عسى ما مليت عينها بس وراتس يا اميمتي قالت يا ولدي وينك ووين الزواج توك تدرس والمستقبل قدامك طويل(الله من زين المستقبل عاد) قلت يا يمه اخاف ان البنت اللي احبها تطير وتروح من بين يدي اقل ما فيها اخطبوها لي تكفين يا اميمتي وكانت يداي ترتجفان ودموعي تنهمر مدرارا مدرارا ونخاريري تتسربل من فتحات خشمي واختلطت بالدموع من اجل العنود يوم شافتني امي على هالحاله قالت بس يا ولدي بس منهي هالبنيه قلت يمه بنت جيراننا العنود تكفين يمه قالت ابكلم ابوك ويجيب الله مطر<--- ويقولون من وين تعلمنا للعربجه

    رحت لغرفتي وقعدت انتظر امي تجيب الخبر من ابوي ويوم قعدت شوي الا واسمع رجفة ابوي للباب وهو اللي يجي ويعلقني مع ثوبي ويرفعني الى مستوى وجهه ويعطيني هذيك الخضراء اللي ناشبه بحلقه وهو يقول نعنبوا حيك يالداشر وين انت ووين الزواج(انا نفسي افهم هو ليه يكرهني) قسم يا مصرقع يا لو ما عقلت وما شلت هالامور عن راسك وما انتبهت لدراستك اني لا اخلي وجهك ملاهي يلعبون فيها اخوانك <--- بيفتح فرع لملاهي الحكير بوجهي وهو اللي يطلقني وهو اللي يطلع ويقفل الباب بقوه ويقفل وراها احلامي مع العنود واقعد اصيح واصيح واصيح وجت امي تواسيني قلت يا يمه شكلي مانيب ولدكم <-- يمكن انك اخو ابو راسين ليه هالمعامله وليه هالظلم في حق مراهق كل ذنبه انه حب بعنف وحب حب شريف حرام عليكم يا ويلكم من الله وهي اللي تبكي وتطلع من الغرفه تصدقون حتى البرصي اللي ساكن معي لقيته يبكي ويقول مالهم حق اهلك عندها قررت قرار خطير

    قررت اني انتحر واضع حد لمعاناتي والمي وتعاستي وحبي للعنود

    يوم جاء يوم الخميس وانا اللي ارقى للسطح والبيت ما فيه احد اميمتي مسيره وابوي ماهو في البيت واخواني ما عندك احد واقفل باب السطح وارقى على الجدار وااشر بيدي للعالم اللي تحت ويتجمهرون العالم ويكلمون الشرطه ويكلمون الدفاع المدني واشرت لهم بيدي وقلت وداعا قالو وش بتسوي قلت ابنتحر قالو لالالا لا تسويها ويجي ابو راسين ويقول يا صديقي لا تسويها من يقط معي بالدخان من بعدك ويجيبون اميمتي وتقعد تبكي وتقول لي تهون عليك اميمتك تخليها بلحالها من بعدك يا جنيني قلت ايه انا هنت عليكم ورفضتم تزوجوني حبيبتي العنود ويروحون الشرطه ويجيبون ابو العنود ويفهمونه الوضع ويجيب معه العنود ويقولي يا مصرقع تعوذ من ابليس يا ولدي وانزل وازوجك العنود قلت تهك علي ما انا بنازل وتقعد تبكي العنود وتقول انزل يا مصرقع بابي انت وامي انزل يا حبيبي من لي غيرك بهالدنيا قلت لها (خلالالاص من حبكم يا زين عزلنا...ما عاد لي في هواكم شف او راده...اللي شبكنا معك يا حلو يخلصنا....يكفيني اللي حصل ما ستحمل زياده) ااااااااااااه ويلالالالالاه تررررم اااه ويلالالاه تررررم وتقعد تبكي العنود وتبكي امي ويبكون رجال الدفاع المدني الا على جيت ابوي يوم شافوه العالم جاي وهم اللي يكلمونه ويقولون له ولدك راقي للسطح بينتحر زوجه العنود واخلص وامام هالموقف الدرامي قال ابوي تدرون وش قال انزلوا تحت اعلمكم وش قال







    يا مصرقع يا ولدي لا بغيت تطمر من السطح اطمر على راسك وانتبه تطمر على رجولك اخاف لامنك طمرت على رجولك تتكسر ونبلش فيك لكن

    لامنك طمرت على راسك بتموت على طول صباح الخير
     
    جاري تحميل الصفحة...
  2. {وَح‘ـٍـٍـٍدَڪَ آبِيِـڪَ »

    {وَح‘ـٍـٍـٍدَڪَ آبِيِـڪَ » عضو

    إنضم إلينا في:
    ‏1 يوليو 2008
    المشاركات:
    16,360
    الإعجابات المتلقاة:
    205
    نقاط الجائزة:
    0
    ههههههههههههههههههههههههههههههههههههههههه
    ملاهـي الحكير ليهـ انت وين عايش خخخخخخ

    وقسمـ انكـ مصرقع يا محمد هع
    ربي يعطيكـ الفعافيهـ
    ولا حيمرنا من مواضيعكـ المصرقعه
    لكـ ودي
     
  3. معـانـق الـوفـا

    معـانـق الـوفـا عضو

    إنضم إلينا في:
    ‏25 مايو 2009
    المشاركات:
    3,481
    الإعجابات المتلقاة:
    121
    نقاط الجائزة:
    0
    دوم يارب الضحكه
    عايش با مكه هع
    ويعافيك علي هيك مرور منوره
    ولا يحرمني من شوفتك يا الغاليه

     
  4. هوبا تاتا

    هوبا تاتا .. عضو مميز ..

    إنضم إلينا في:
    ‏15 أغسطس 2008
    المشاركات:
    20,552
    الإعجابات المتلقاة:
    105
    نقاط الجائزة:
    400
    تهى تهى تهى
    والله ظالمينك اهلك
    يا رب تتزوج العنود
    ههههه
    اقول هذى قصه حقيقيه
    ولا كنت تحلم
    ههههههههههه
    يسلموو قلبو وسلم لى على العنود وابو راسين
    بس ليش ما انتحرت؟
    ههههه
     
  5. معـانـق الـوفـا

    معـانـق الـوفـا عضو

    إنضم إلينا في:
    ‏25 مايو 2009
    المشاركات:
    3,481
    الإعجابات المتلقاة:
    121
    نقاط الجائزة:
    0
    اهي اهي شفتي كيف الظلم
    هه
    دوم الضحكه يارب
    لا والله تقدري تقولي من الخيال هع
    الله يسلمك ياقلبو
    هه
    الوالد حطمني خلاني اتراجع عن قراري هع
     
  6. "-عــاشق و مــفــارق-"

    "-عــاشق و مــفــارق-" .. عضو مميز ..

    إنضم إلينا في:
    ‏14 يناير 2009
    المشاركات:
    2,752
    الإعجابات المتلقاة:
    37
    نقاط الجائزة:
    0
    ككككككككككككككككككككككككككككككككك
    في وجهك يالدب

    الله يرجك البنت صغيره توه في الابتداااائيه الله يرجك يامحمد

    كيف بالله لو شاافتني :)
    ههههه

    الله يرجك قول اميين

    يعطيك العافيه على هالخيااااال الحلو ياحلو :)
     
  7. معـانـق الـوفـا

    معـانـق الـوفـا عضو

    إنضم إلينا في:
    ‏25 مايو 2009
    المشاركات:
    3,481
    الإعجابات المتلقاة:
    121
    نقاط الجائزة:
    0
    ههه
    دوم يارب الضحكه مو يوم
    الله يرج شيطانك بس هع
    الله يعافيك قول امين
    تسلم حبيب مرورك ولا احلى
     

الاعضاء الذين يشاهدون محتوى الموضوع(عضو: 0, زائر: 0)