◄◄ .:: [ من يحآول يفهم [ آلآنثى ] غبي ! ] ::. ►►

الموضوع في 'الهواتف الذكية وشركات الاتصالات' بواسطة ودعـــــت جرحكـــــ, بتاريخ ‏15 يوليو 2009.

  1. ودعـــــت جرحكـــــ

    ودعـــــت جرحكـــــ .. عضو مميز .. عضو

    إنضم إلينا في:
    ‏26 فبراير 2009
    المشاركات:
    6,339
    الإعجابات المتلقاة:
    371
    نقاط الجائزة:
    0
    [​IMG]

    *
    شاعرٌ يمزج الأسر بـ اليسر,
    فتأتي قصيدته تحمل الكثير من حدّته وعفويته,
    تقرأه فتعرف يقيناً ان شعره لايستلزم استحضار طقوس ولا شموع تدمع ,
    كل مافي الأمر
    أنه يلتقط لحظة / حالة فيربّيها حرفاً,
    تستسلم له صهوة الورقة, ويشهر قلمه رمحاً يطعن ,
    لكنه لايُريق دماً, بل يُفتّق الصلد عن عُشباً وهيجنة ..

    مجموعة sms

    قال: تبكي !
    قلت: وابكي ..
    واتهور بالبُكا لين تعفي..
    ولين ما يعلن خفوقك لي سلامه..
    تحت رجليك الكرامه !!
    قال: تبكي !
    قلت: وابكي ..
    تدري يعني ويش (وابكي) ؟
    واو: عطف وحزن واشياء بشعوري...
    تكسر العز بحضوري...
    وفعل أبعد ما يكون اسمه: مروّه..
    بس بـ (ابكي) لك.. بقوّه..
    يمكن تحس (الأخوّه)!
    قال: تبكي!
    قلت: وابكي...
    البُـكا لعيون خيك.. ياوخيك.. ما يعيب..
    كان ما عزّك عليها.. وحطك بقدم الربوع..
    لا تخاف من الرجوع..
    يا قطوع:
    سنبلت عيني دموع..
    واطلعت لك (حُب) صافي..
    كان قاله رب خلقه: ماتجوع !
    ;
    قال: تبكي !
    قلت: وابكي..
    | والله اني مابكيت الا عشانك.. مرتين..
    مره بشوفة جبينك من سنين :
    يوم فقت من المرض بيدي مغذّّي..
    التفت اعدّل قياسه.. وشفتك..
    عالبلاط البارد الموحش تعب..
    نايم ٍ نوم متوذّي..
    نايم ٍ نومة حزين...
    والثانيه : هاللحين !!
    قال: تبكي!
    قلت: وابكي..
    ليه ما ابكي ؟
    وانت كل الناس.. يالغالي..
    أمي وابوي.. وعمي وخالي..
    وانت الجمل..
    اللي تواسى للثقال..
    كل الحمول اللي عجز عن حملها رجّال..
    قد شلتها فرد وجموع..
    لعيوني لحالي..
    وليه ما بكي .. وانت تفديني...
    وانا بعد مثلك فداك ...
    وان ما كفيت اورّث عيالي!!

    تـــــابـــــع
    ◄◄ .:: [ من يحآول يفهم [ آلآنثى ] غبي ! ] ::. ►►
     
    جاري تحميل الصفحة...
    آخر تعديل بواسطة المشرف: ‏15 يوليو 2009
  2. ودعـــــت جرحكـــــ

    ودعـــــت جرحكـــــ .. عضو مميز .. عضو

    إنضم إلينا في:
    ‏26 فبراير 2009
    المشاركات:
    6,339
    الإعجابات المتلقاة:
    371
    نقاط الجائزة:
    0
    وين اروح ؟!
    كل ما رحت لمكان
    أتذكر لك جروح !
    وين اروح ؟!
    حزني اسأل.. والـفضا ماهو سموح !!
    وين اروح ؟!
    لك يا دخيل الله قلي وين اروح !
    من كثر ما قلت لك , زعلوا هلك..
    وانتظاري مل وهلك !!
    أسرقك يعني واروح ؟!
    بس وين اروح
    ؟!

    ..

    | لو على بعض الجروح [ ننوح ]
    نبكي شوي وتنتهي ..
    ننسى مع الوقت .. وتروح..
    لكن.. مع بعادك تعبت..
    إي والذي أبدع حسن وجهك.. تعبت..
    ليه كل ما عدّيت خطوة للبعاد..
    منك.. أحس اني قربت !
    وانت مع ذلك تروح ..
    وتقرّب لبعض الأوادم غبن..
    مدري جبن.. مدري غاوي اتحب التنوع في الجموح !!
    أنا ماعندي كرامة !
    حتى ما عندي جروح ..
    كيف يملك جرح من لا يملك القدرة على البعد ويروح ..
    يوم خنتيني أنا ..
    ياااااااااااااااااااااااا طز فيني ..
    وطز في روح ٍ.. تبي تنسى وتبوح! !


    تـــــابـــــع
     
  3. ودعـــــت جرحكـــــ

    ودعـــــت جرحكـــــ .. عضو مميز .. عضو

    إنضم إلينا في:
    ‏26 فبراير 2009
    المشاركات:
    6,339
    الإعجابات المتلقاة:
    371
    نقاط الجائزة:
    0
    تدرين ؟
    بين السهر والشك والتخمين
    ظلك تلاشى وانتهى
    مثل السنين
    ما عاد باقي لك أثر
    ما عاد ينثرني ألم
    ما عاد يجمعني حنين
    وكل ما بغيت اتذكرك
    ترفض همومي لا تجين !!

    ,

    أنا ماشفت شي
    وشفت شي , من الطفولة شبت !
    خذتني شوفتي من يوم كنت العب مع البزران
    يشوتون الهوا مُتعه,
    وانا للحين مارتبت خطوط الملعب البيضا.
    وجبس الركن والبيبان
    واذا جبت المصيبة ,
    مارجعت القهقرا لو هبت
    أفكر في طريقة أنضرب فيها ولا أنهان

    ,

    لا ولا المنفى عرفته غربةٍ عن موطني !
    اليتيم : اللي تغرّب عن جبين أمه سنين
    والغريب : اللي ينادي له طموحه: (
    يادني
    )!

    ,

    ياحبييي والأماني طيف ثاني ..
    انت الاول س ;
    لاتصبح أناني!!
    ياحبيبي..
    والليال طوال تقطع حيل من يمشي وراها..
    انت الأطول..بس..
    لاتقطع نِـفـَس قلبي معاها !!

    ,

    كان انسان
    كان أقرب من انفاسك
    وكانت روحه احساسك
    وكنتي ريشته وغناه والألوان
    وكنتي في مداه ; وكان !!
    كان انسان
    كان آخر طريقه روحك الخجلى
    وكان الليل سيّد للسهر
    وكان العبد ,مصخي للدهر
    خنجر مشاويره سؤاله / والسواد يسود مايـِجلى ..
    وكان الجرح هّين..
    وضمادته وسيادته ووسادته..
    بعيونك النجلا ..
    وكنتي صنعة الرحمن..
    وكان انسان !!
    ;
    كان انسان..وانتي !!
    كنتي اول باب..وآخر باب..
    كنتي ربعه وناسه..وراس المال والأحباب..
    كنتي سحره اللي ماخذن قلبه مع الألباب..
    وكنتي.. لو دريتي ويش كنتي ؟!
    كان ماينسى أصول ( الأنسنه )..
    يكتب على الجدران..
    كنت انسان ! كان انسان
    ,


    هني الليل
    مايشفق على روحي
    هنيّه مايشوف القلب وجروحي
    ;
    هنيّه
    لو بغيت استرسل الشكوى..
    واغنـّي للنجوم الساهرة ,بوحي ..
    هنيه صدق ..
    مايسمع ولايوحي
    ,
    عمّار ياسيرة جدود ٍ طيبين..
    من وين أبسقيك الحنين..
    وانا االجفاف اللي تلقته السنين بسبعها
    تنكر وتعطي ربعها !!
    واصبرواحسّن طبعها..
    عل وعسى ؟!
    يمكن تحقق أمنياتك..في حياتك...
    وتعيش واحنا ميتين !!

    ,

    حزين
    وكثر مافيني ألم ودموع
    أحسد الدمعتين اللي على خدّك !!
    حزين
    وكثر مالمت الفقر والجوع...
    أحس إن الطيور تموت في يدك !!
    حزين
    وكثر ما قلنا بلاش رجوع...
    أشوفك بـ(الرجوع).. وخطوتك قدّك !!


    تـــــابـــــع

     
  4. ودعـــــت جرحكـــــ

    ودعـــــت جرحكـــــ .. عضو مميز .. عضو

    إنضم إلينا في:
    ‏26 فبراير 2009
    المشاركات:
    6,339
    الإعجابات المتلقاة:
    371
    نقاط الجائزة:
    0
    وايه اشمك !
    واذكر الرعشة
    تضميني وانا خايف لاضمك !
    واذكرك لما نسيتي وحدتك وانتي معاي
    وكيف كان الكون كله ما يهمك !!
    حيل كنتي تقربين
    وحيل كنت اخاف من نفسي عليك
    كيف كنتي تشعلين النار باطرافي .. وانا ماسك يديك
    وكيف كنت آخاف من نفسي أضمك !
    ورغم هذا أعترف لك :
    كنت اشمك !!!

    ,

    تدرين وش معنى (
    الهدية
    )؟!
    يعني: انتي تذكريني ..
    وهذا أكبر شي ممكن اطمحه صدق ويجيني ..
    يعني: إنتي تذكريني ..
    يعني: وش باقي نبي ,مما نبي ..
    وانتي اول مطلبي ..
    وآخر احلامي يجي مثل الهدية ..
    من صبية !

    ,

    تدرين مرَّات البُكا يِعَرِبْ جُمَل ..
    ويِسِدْ[ أحْيَانَا ] فَرَاغَاتَ الجَوَابُ.. ويِكْتِمِلْ..
    مُو كِلْ مِنْ يَبَكِيْ يُمُوُتْ !..
    ولا كِلْ حِزْنك يَِكْسِرَ الصَوُتْ بـ سُكُوتْ..
    يِمْكِنْ يِكُوُنَ الحِزْنْ [ أَحْيَانَاً ] : أَمَلْ !

    ,

    طيفه اللي ماتخلا يوم عنّي
    جا يغـنّي:
    (
    ريحة الغربة قــَرَف
    )
    ورحت أغنّي :
    هوّن الدنيا تهون ..
    واترك الأحلام تمشي في هواها..
    كن..كما تطلب / تكون...
    وقبل ماكمّل كلامي..
    باس كوعه.. وانصرف !!

    ,

    يا...
    سُلاف
    ..
    ليت لي روح ٍ تشوف ولا تشاف..
    كان أجيك !!
    كان ما ضقتي وأنا مدري !!
    كان ما بلل عيونك دمع
    وعيوني جفاف !
    ,


    تدرين
    ؟!
    يااااا.. أم "الهوى" والأكسجين..
    البارحة ضج الحنين..
    ما نمت ,همت
    وزاد نبضي واستمال الغصن لعيونك وله
    مال يابنت الحلال
    وصار رمش العين يطرف أسئله :
    كيف ما كنتي معي..؟
    كم بقى لي بوجعي ؟
    من سواك اللي يحرض أدمعي ؟
    يا لماذا ؟ وين هذا ؟
    كيف ماشوفه وهو بين أضلعي ؟؟
    البارحة يام الهوى والأكسجين
    ضج الحنين
    حسيت بك فيني هنا
    وكرهت كل اللي بعدني عنك يا كل العمر
    وحبيتني للمره الأولى
    حسيتني للمره الأولى
    من الـ(
    سبعة) سنين !!


    تـــــابـــــع

     
  5. ودعـــــت جرحكـــــ

    ودعـــــت جرحكـــــ .. عضو مميز .. عضو

    إنضم إلينا في:
    ‏26 فبراير 2009
    المشاركات:
    6,339
    الإعجابات المتلقاة:
    371
    نقاط الجائزة:
    0
    ثلاثيني ..
    وانا اقول الحكي وش فيه يدمع ..
    من طرف عيني !!
    وانا اقول الصدر والحنجرة
    ماهم على ديني !!
    تضيق انفاس والكلمات تتوقف
    واثاريني ثلاثيني ؟!
    تفلت الصبر من عديت سخط الجامعة
    واثاري من ثمان سنين، ما خلصت: يا ديني ؟!
    وانا كنت احسب الفرصة طريق عبور
    اعدي خطوتي للنور..
    واقول الله يا دنيا : كفى زيني
    واثاريني ثلاثيني ؟
    غريبة يا دموعي ..
    انا ماكنت احسب اني ضعيف وهزل
    ولا كنت اعتقد لحظة
    دقيقة يأس تنهيني !!
    ولكني اكتشفت اني ثلاثيني !!!

    ,

    تكرهيني؟ ما أظن
    تعشقيني ؟ ما أظن
    بس كل اللي أعرفه
    ان فـ غيابك .. أحن !
    وانك اقرب ما خلق ربي لقلبي
    وان فـــ حضورك..
    أجن
    !!

    ,

    في ذمتك.. تبي تروح ؟
    في ذمتك ؟؟
    تتركني لحالي وانا المثخن جروح ؟
    الله معك
    ماني لحوح !!

    رووووح

    يا أطيب وجع واشهى ألم
    مسموح !
    الله يصبرني بصوتك والخيال
    واستحضره بالذاكرة مبحوح !!
    الله يساعدني على حال جسدي
    جثة بليا روح !!
    رووووح !!


    ,

    والله اكذب..
    لا
    تروح !!
    طفل متسمر على بابك ويكذب
    بس يبكيك بوضوح !!
    كل ما مرَّه (
    بني آدم
    ) على بابك تلعثم !
    صاح بالعالم حزين :
    لا تخلونه يبوح !!!


    ,

    جعلك الغيرة !!
    جعل ما يحرق فؤادك غير حبي
    وان تماديتي لقتلي
    قلت : خيره !!


    ,

    لو تدري الناس باوجاع المحبة
    كان ما حبت !
    كان ما صار الجفا
    كان كل قلوب خلق الله تربت !!


    ,

    اليوم ما حاسبت قلبي بس هزيته
    وتساقطوا كل خلاني من اطرافه !!
    ما كان قصدي أهزه
    بس حسيته
    يحتاج رعشة غلا والناس خوافه !!


    ,

    لا
    تنام
    شف معي ذيك السحابة فووووق
    تحمل لك كلام
    نجمتين وصبح واحلام ومواويل وغرام
    أكتبك فيها
    واغنيها معك برد وسلام
    بس تكفى
    لا تنام
    !
    ;
    لو غفيت
    غاب وعيي في مسا فقدك وحنيت وعنيت..
    إنت ماتدري ? زوايا البيت بغيابك تبيت !!
    وتذكرك لوك نسيت !
    وتحمل لبعدك ملام
    بس تكفى.. لا تنام !


    ,

    بس حلني
    بابكي عليك
    وما عليك !
    ما جيب ذكراك بخطا
    واتذكره.. بيديك..!
    حتى ولو جابوك عندي
    يسألون: شفيك..؟
    بجاوب عيون الحيارى فيك.. وانسى من أنا !
    واكذب عليهم مو عليك !
    واقول : (
    انا مابيك
    )
    بس حلنيبابكيك..!
    ;
    بس حلني بابكي عليك..
    واسلم الرايه عيوني وانتهيك..
    واستسمحك واسامحك..
    وانسى "طعم" ملامحك..
    وارمي ورق..
    واحرق صور
    وانثر رمادك واوعدك :
    مـ احتاج لك
    مـ اشتاق لك
    مـ اغليك
    بس حلني بابكيك !


    ,

    أوادعك
    على أمل ما وادعك !
    قدامك الشمس وضيا وجهك.. وانا :
    أمشي على ظلك واعد خطاك كني تابعك !
    توصل نهاية دربك وما تحسب حساب لـ ورى..
    مختال حيل بما ترى
    تلمس طرف شعرك دلع باصابعك
    تضحك تنام !
    وما أنام
    راجع عشان أبدى من اول ظل وحساب وتعب ..
    واوادعك !!


     
  6. دانة تغاريد

    دانة تغاريد مصممة .. عضو مميز ..

    إنضم إلينا في:
    ‏3 يناير 2007
    المشاركات:
    16,409
    الإعجابات المتلقاة:
    1,917
    نقاط الجائزة:
    400
    تدرين وش معنى ( الهدية )؟!
    يعني: انتي تذكريني ..
    وهذا أكبر شي ممكن اطمحه صدق ويجيني ..
    يعني: إنتي تذكريني ..
    يعني: وش باقي نبي ,مما نبي ..
    وانتي اول مطلبي ..
    وآخر احلامي يجي مثل الهدية ..
    من صبية !




    وه وه بسراحه مسجات غايه الروووعه

    وكلمات جد قوووية

    يسلموو خيوو نورت القسم

    ننطر جديدك لاعدمناك :40:
     
  7. لجين بنت فؤآز ..

    لجين بنت فؤآز .. عضو

    إنضم إلينا في:
    ‏4 ديسمبر 2008
    المشاركات:
    5,527
    الإعجابات المتلقاة:
    138
    نقاط الجائزة:
    0
    ابداااااااااااااع بشكل هستيري
    العنوان لحالة قصة
    عوافي يا استازي
     

الاعضاء الذين يشاهدون محتوى الموضوع(عضو: 0, زائر: 0)