أخيل

⭐️ عضو مميز ⭐️
في البداية قررنا انا وخويي "سامي" نسافر لبريطانيا بس قلنا بنجرب بعض في مصر ان صلحنا لبعض رحنا لبريطانيا وابيكم انتم تحكمون نصلح لبعض والا لا 😉

القصة :

سامي بالسيارة : طييييط طييييط ياخي عجل اخرتنا بتقلع الطياره عنّا
أخيل : ياخي اصبر وجع .. يالله مشينا
أخيل : اصبر اصبر ارجع نسيت جوازي
سامي : لحووووول الشرهه على الي يسافر معك مرة ثانية
أخيل : من زينك انت وجوازك اللي توك لاقيه في القبو
سامي : عجل علينا بس .. حول
أخيل : طيب
سامي بالمطار : زين باقي ثلاث ساعات
أخيل : ومزعجني عجل.. عجل وبالاخير باقي 3 ساعات
سامي : لاني أعرفك بتنكبنا بشي مدري وشو علشان كذا قلت نجي بدري
أخيل : اقول مشيتا خلنا نخلص التذاكر والجوازات وبعدين نتفاهم
موظف المطار : جوازاتكم لو سمحتوا
أخيل : انا عطيته جوازي عطه جوازك يا سامي
سامي : وينه ما لقيتة .. اظاهر نسيته
أخيل : والله اني داري ما وراك الا الدجه انت وجهك .. وتطنز فيني بعد
سامي : ياخي وش يدريني جل من لا يسهو 😁
موظف المطار : اقول ورا ما تهاوشون بعيد فيه بعدكم ناس
٠٠٠٠٠٠٠
جبنا الجواز ورجعنا للمطار
سامي بالطياره : الله حلوووه طيارتهم
أخيل : اي والله بس وراهم قالعينا ورا
سامي : شكلي بروح قدام الطياره فاضية .. تجي معي
أخيل : أخاف يهاوشونا
سامي : لا يا رجال لا تخاف انا معك 😉<< مسوي فاهم
سامي : شف شف اللي هناك شكلها يسرا
أخيل : يسرى والا يمنى
سامي : هههه فاضي تستخف دمك ..
مشينا نقعد جنبها
😁<<< بيودينا بداهيه
أخيل : رح انت انا بقعد هنا بالكراسي اللي جنبكم
سامي : بكيفك
سامي : السلام عليكم ابطيت عليك
أخيل : وشفيك رجعت ؟
سامي : طردتني

أخيل : هههههههههه احسن تستاهل
أخيل : ما شاءالله عليها شكلها تابت وعقلت هالحرمه
سامي : علشانها طردتني ؟
أخيل : ههههههههه لا علشانها متحجبة ولابسه ابيض شكلها صارت الحجة يسرا
سامي : اي والله ما شاء الله عليها
أخيل بمطار مصر : وجع وجع وشذا الزحمة ؟
سامي : مدري بس شف شف الي هناك وشي لابسه
أخيل : افاا هذي يسرا وراها صارت كذا توني مادحها هي وجها هالعجوز 😡
طلعنا برا المطار ندور تاكسي .. 20 واحد جايين علينا ويركضون 😳

سامي : وجع وجع وشفيهم ذولي .. انت مسوي شي يا أخيل
أخيل : لا ما سويت شي .. اخاف انهم اهل يسرا بينتقمون منّا
سامي : اجل حط رجلك
أخيل : ما يمدينا
تاكسي يا بيه .. تاكسي يا بيه

أخيل : ماااااااا نبغا تاكسييييي ساااااامييي قابلني عند الرصيف الثانييي
سامي : طيييييب
أخيل : اوفففف بغوا يذبحونا
سامي : شف يسرا هناك بتركب سيارتها الشبح (المرشيدس)
أخيل : ما ودك اروح معها واخليك
سامي : اقول اركد انا شايفها قبلك

((
نهاية الفصل الأول ))
 
التعديل الأخير:

وعد الشيمي

شرود
⭐️ عضو مميز ⭐️
@أخيل تجنن ماشاء الله هههه سامي مرا عامل فيها الله يصلحه عجبني سردك يجنن وحبيت إلى يجرووراكم هههههه وقلب مرا وحده عليها استنا الثاني يسعدك 😂🙂
 

أخيل

⭐️ عضو مميز ⭐️
  • كاتب الموضوع كاتب الموضوع
  • #3
@أخيل تجنن ماشاء الله هههه سامي مرا عامل فيها الله يصلحه عجبني سردك يجنن وحبيت إلى يجرووراكم هههههه وقلب مرا وحده عليها استنا الثاني يسعدك 😂🙂
من عيوني بكره رح انزل الفصل الثاني 👌🏻
الله يسعدك يا وعد 🌺
 

المتواجدين حالياً (عضو: 0, زائر: 1)

أعلى