رواية آآهـ ياحزني ترفق

الموضوع في 'روايات' بواسطة نيـ،ـ،ـونآ*, بتاريخ ‏27 فبراير 2014.

  1. نيـ،ـ،ـونآ*

    نيـ،ـ،ـونآ* عضو فعّال

    إنضم إلينا في:
    ‏24 فبراير 2014
    المشاركات:
    42
    الإعجابات المتلقاة:
    23
    نقاط الجائزة:
    110
    الجنس:
    أنثى
    الإقامة:
    المدينــ،ـ،ـه
    بســـم الله والصلاة والسلام على محمد

    أبدأ روايـتي الاولى "آآهـ ياحزني ترفق" بإبتسامه يملأها الامل وأخط بقلمي لنعيش معه أجمل أيام أبطالي...
    روايتي خياليه ,,فيها مواقف طريفه ,,وحزينه,, ومغامره....


    أحم بسم الله بدأنآ،،،
    البـــ،ـ،ـارت >1<

    في حاره فقيره وبالتحديد في بيت متهالك أبوابه شبه مكسورهـ ـ الفجر 5:30
    :نوره...نويــر...نويــروه قومي يلا
    نوره:هآآآه
    بشاير:آآآف يلا قومي
    نوره:خلاص هذا أنا قمت حاسدتني على النوم
    بشاير:أقول قومي شوفي أمي تبغآكِ
    نوره:امم..غريبه وش تبي أمك مني؟!
    بشايرترفع كتفها:اللهُ أعلم روحي شوفي بنفسكـ
    نوره تتنهد:eek:k
    قامت نوره وضت وصلت الفجر ...وراحت لأم بشاير<اللي تعتبرها زي أمها>
    نوره:خير اللهم أجعله خير إش بغيتي أمي خديجه
    أم بشاير الكبيره بالسن:تعالي يابنتي
    نوره أستغربت الوضع جلست جنب أم بشاير،،،
    أم بشاير تكمل:نوره يابنتي أنا خايفه عليك وعلى بشاير إذا متت محد يصرف عليكن أبغاك تقنعي بشاير تمشن اليوم وتدورن على شغل تصرفن فيه على حالكن
    نوره بصدمه: بس ياأمي خديجه حنا بنات و...
    قاطعتها ألام خديجه: أنا وآثقه فيكن ومربيتكن عن عشر رجال
    نوره ببتسامه :إن شاالله بروح اللحين أقنع بيشو
    نوره وهي تدخل على بشاير تنهدت...
    بشاير:إيش قالت أمي
    نوره بدون مقدمات :تجهزي شوي نطلع ندور على شغل
    بشاير فاتحه عينها على الاخر:نعععم!!
    نوره تجلس : اللي سمعتيه
    آآمم نعرف بالشخصيات ونعرف عنهم أكثر^-^

    بشاير"شخصيه قويه ومع هذا كله طيبه وقلبها أبيض تحب تظهر قوتها وتخفي طيبتها تموت بأمها ونوره عمرها-23-"
    نوره"
    قويــه صآرمه أحيان تكون غريبه وذكيه تحب تكون كلمتها وحده أمها ماتت وهي تولد فيها وأبوها مات وعمرها 3 سنوات وأخذتها جارتهم خديجه "ام بشاير"تربيها مع بنتها بشار عمرها-21-"
    العجوز خديجه "ام بشاير"
    طيبه حيييل وتعتبر نوره بنتها ...لكن هذي العجوز تخبي سر كبيير إيش هو محد يدري غيرها.."

    الســـاعه 9:00بعد مأشرقت الشمس


    بشاير ونوره ماخلن مكان إلاوراحن له لفن المحلات والشركات حتى المدارس علشان يتوضفن إن شاالله خالات "فراشات"

    يشاير بتعب :آآف حر وجع وش هالعيشه
    نوره عاقده حواجبها:إصبري حتى نعيش
    بشاير: أقول حنى ليش ماناخذ مجله او جريده نشوف طلبات للعمل
    نوره : جبتيها ياأختي الكبيره
    رآآحو السوبرماركت وأخذو جريده وتصفحوهآ لين لقو طلب على ::
    طلب عمل خادمه سعوديه عمرها مابين 20-35
    وسائق سعودي مضمون يتراوح عمره مابين 20-40
    سيكون العمل في قصر رجل الاعمال السعودي..مشاري مروان آل حمود
    الصحفي:مشعل آل حمود
    ...........................................................................................................
    بشاير:آآووه الصحفي نفس قبيلة رجل الآعمال
    نوره بلامبالاه:تلقي رجل الاعمال عم الصحفي ولا خاله
    بشاير: الشغله موب شينه بس وحده مننا اللي راح تشتغل
    نوره ببتسامه جانبيه :وليه وحده خلينا نرجع للبيت حرر
    لما دخلو بيتهم اللي عباره عن- صاله - غرفتين -حمام - ومطبخ صغــير - لقوا ام بشاير بنتضارهم ...
    العجوز خديجه: هاه يابناتي بشرو
    بشاير بحماس تجلس جنب امها :يس لقينا
    ام بشاير: الحمد لله
    بشاير تعفس وجهها : بس لوحده مننا
    ام بشاير: وحده تمشينا براتبها لين ماتلقى الثانيه وظيفه
    نوره تجلس بالجهه الثانيه: أمي خديجه ترى بشاير هي اللي راح تتوضف أو بالصح تشتغل خدامه عند عايله مشهوره وغنيه حييل
    ام بشاير بتوتر:ومين هذي العيله؟
    نوره بإبتسامه خفيفه: عايلة مشاري آل حمود
    أم بشاير بسرعه: لا لا مستحيل تشتغل بشاير أو انتي عند هالعيله
    بشاير بعصبيه وأستغراب: لييييه؟
    ام بشاير توقف: أنا قلت لاا بكرا تروحين انتي وياها تدورون من جديد وتنسون ذا العايله
    نوره سكتت وباير إنقهرت طول اليوم يفرفرن يادوب لقن ذا الشغله .. لما دخلت خديجه غرفتها...
    بشاير بقهر : نوري بليييز حاولي معها هي ماينفع معها إلا أنتي
    نوره تناظرها بثقه: ولا يهمك أنا كلمتي وحده رآآح نشتغل
    بشاير تنهدت
    بــعد الغدا اللي يادوب يسد الجوع أم بشاير قامت ودخلت الغرفه نوره قامت وراها وغمزت لبشاير*-^
    دخلت لقت أم بشاير تصلي إنتظرتها لما خلصت وراحت لها وحضنتها...
    نوره: مامتي ..مام ...أمي ...ماما...يمــه...ما.
    قاطعتها خديجه: بس بس صدعتي راسي وش تبين
    نوره: تحبيني؟
    خديجه بتنهيده: هذا سؤال اللحين أكيد احبك يابنتي
    نوره: قولي تم علشان تثبتي لي
    خديجه بعصبيه: إذا علشان الشغل انا قلت لا العيله ذيك لااا
    نوره تبوز: طيب لييه قولي سبب واحد آقنعي مخي فيه
    خديجه تدف نوره: لاا يعني لاا ماتفهمين
    نوره توجهت للخطه 2 وبفعة حاجب: بس أنتي قلتي تثقين فينا
    خديجه: القصه مو قصة ثقه..
    نور بمقاطعه: أجل!!
    خديجه : يابنتي أنا أشوف مصلحتك أنتي وبشاير
    نوره بإقناع: بس مصلحتي أنا وبشاير أننا نشتغل ونعيش
    خديجه: صح بس موعند ذيك العيله
    نوره وقفت وبصرامه : إذا مانتي موافقه أنا بطلع ولاعاد تشوفي وجهي ولاحتى بالصدفه
    ام بشاير تنهدت : خلاص بس بشرطين
    نوره ببتسامه عريضه: قولي يا أحلى أم
    خديجه بعيون حزينه: اوعديني ماتتركيني أنا وبشاير طول مأحنا عايشين مهما صار
    نوره تبوس راس خديجه: مايحتاج تقولي كذا
    خديجه وهي تتذكر.. وعيونها تملاها الدموع: أوعديني يانوره
    نوره: اوعدك..أوعدك..وأوعك للمليون يالغاليه
    خديجه : الثاني أنك تكوني مع بشاير وإذا تشتغلو تشتغلو مع بعض
    نوره تتنهد: أووكي موافقه من عيوني
    نوره توجهت للباب اللي أصلا ماينقفل وقفتها خديجه: مافي أمل تبطلين اللي ناويه عليه
    نوره هزت راسها بـ لا وطلعت
    ام بشاير تفكر --هه طلعتي مثلهم طلعتي مثل أمك وأبوك وعايلتك كلها يانوره طلعتي قويه وكلمتك وحده--
    نــروح بالصاله عند بشاير،،نوره
    بشاير:وافقت؟؟؟
    نوره بإبتسامه : مبرووك علينا الشغل
    بشاير باستغراب : علينــا؟؟ بس أنتي..
    نوره قاطعتها : أمي خديجه شرطها أني ماأبعد عنك ولا أنتي تبعدي عني وكلنا مانبعد عن بعض
    بشاير رافعه حاجب: لم أفهم شي
    نوره تضحك: لحظه 5دقايق وجايه
    دخلت غرفتهن واتجهت لملابسها أخذت تيشرت واسع ولادي وجنزلايق عليها--نوره مو طويله ولاقصيره وسمراسمار حلــو أحلى مافيها عيونها العسليه الفاتحــه وحواجبها مرسومه --لبسة مشد ولبست ملابسها وطلعت ...
    بشاير عيونها أكبر حجم من الصدمه وقفت واتجهت لها...
    بشاير تناظر يمين يسار: وين نوره اوخيتي وينها
    نوره تضرب راس بشاير: بلا سخافه إيش رايك
    بشاير: روعه ...خقه... مزه ...ماعرفتك إلا من شعرك
    نوره وهي تمسك شعرها اللي يوصل لنهاية ضهرها: أقصه
    بشاير :لاوربي خساره
    نوره لمته فوق وجابت كاب ولبسته:كيف؟
    بشاير: وااو إنك رائع
    نوره : شوفي بس يأذن العصر نروح لعنوان الفله حقت مشاري
    بشاير: ماباقي شي بروح اتجهز بس شعرك ماراح تقصيه صح؟
    نوره تفكر: آآمم شوفي إذا قبلوني كـ سوآآآق راح اقصه أكيد وإذلا فماراح اقصه
    بشاير: ok يارب يقبلونا من جد محتاجين
    نوره تنزل راسها: الله يسمع منك
    آذن العصر وبشاير تلبس عباتها ونوره تنتضرها برا>وكانت لابسه لبسها الولاد والكب مضبطته*-<
    جاها واحد عمره يمكن 17او 18:السلام
    نوره بصوت رجالي وثقه: هلا أخوي
    الولد إبتسم: شكلك جديد بحارتنا ودي أتعرف عليك
    نوره بقلبها >كووويس أن باين علي ولد< :هههه إيه جديد
    الولد: يامرحبا بجارنا الجديد معك عمار 19سنه وأنت
    نوره تورطت وقالت أول أسم جا على بالها: معك عبد الله وعمري توقعه كم >تخاف تقول21يقول مبين انك اصغر<
    عمار:مبين ان عمرك 20 بس غريبه مالك شعر وجه
    نوره بتسليك: هههه عمري 20 صح بس انا ماحب شعر الوجه وكذا
    عمار مد يده : تشرفنا عبدالله هذا رقمي اعتبرنا أخوان
    نوره ابتسمت بصدق واخذت الرقم: أتمنى أجرب شعور الاخوه
    عمار : ماعندك اخوان؟
    نوره: لا عندي أخت وحده
    عمار يضرب كتفها:ههه ولاعليك بصير اخوك وصديقك
    بها اللحظه طلعت بشاير واستغربت من الولد واقف مع نــوره ..




    أنتهى البارت
    هذا أول بارت في روايتي "آآه ياحزني ترفق" أتمنى ينال أعجابكم علشان أكمل البارتات الجايه وبتكون فيها شخصيات جديده تبدأ آلام البعض منهم وبتكون أيام جميله على البعض تبدأ الاحداث بالتسلل والمفاجأت تضهـر ,,,,
    تحياتي :نيـ،ـ،ـونآ*
     
    جاري تحميل الصفحة...
    ضجـيج ؛ و amele معجبون بهذا.
  2. amele

    amele .. عضو مميز .. .. عضو مميز ..

    إنضم إلينا في:
    ‏29 سبتمبر 2013
    المشاركات:
    1,976
    الإعجابات المتلقاة:
    1,170
    نقاط الجائزة:
    320
    الجنس:
    أنثى
    الإقامة:
    الطائف
    سلام
    البارت مره حلو
    اعتقد ان العائله الي بتشتغل عندها نوره لها علاقه بنوره بس خديجه ماتبي تعلم نوره
    البارت متى ينزل
    نتظر البارت الجاي
     
  3. نيـ،ـ،ـونآ*

    نيـ،ـ،ـونآ* عضو فعّال

    إنضم إلينا في:
    ‏24 فبراير 2014
    المشاركات:
    42
    الإعجابات المتلقاة:
    23
    نقاط الجائزة:
    110
    الجنس:
    أنثى
    الإقامة:
    المدينــ،ـ،ـه

    أسعدني مروركـ والليله بنزل بارت إن شاءالله كونو بإنتظاري
     
  4. amele

    amele .. عضو مميز .. .. عضو مميز ..

    إنضم إلينا في:
    ‏29 سبتمبر 2013
    المشاركات:
    1,976
    الإعجابات المتلقاة:
    1,170
    نقاط الجائزة:
    320
    الجنس:
    أنثى
    الإقامة:
    الطائف
    جاري الانتظار ........
     
  5. عربجية غير

    عربجية غير مشرفة الترحيب مشرفة

    إنضم إلينا في:
    ‏21 يناير 2014
    المشاركات:
    12,951
    الإعجابات المتلقاة:
    9,927
    نقاط الجائزة:
    380
    الجنس:
    أنثى
    الإقامة:
    دنيآ فآنية ~
    ننتظرك وياااريت تسرعين بكتابة البارت
     
  6. نيـ،ـ،ـونآ*

    نيـ،ـ،ـونآ* عضو فعّال

    إنضم إلينا في:
    ‏24 فبراير 2014
    المشاركات:
    42
    الإعجابات المتلقاة:
    23
    نقاط الجائزة:
    110
    الجنس:
    أنثى
    الإقامة:
    المدينــ،ـ،ـه
    البـــارت >2<

    بهاللحظه طلعت بشاير وأستغربت أن ولد واقف مع نوره قررت تكلمها على إنها ولد....
    بشاير:أنا خلصت
    نوره تغمز لبشاير اللي فهمت: أخوكـ عبدالله ينتظرك وكويس إنك حسيتي فيه وطلعتي >يعني ترى أسمي عبدالله*-<
    عمار:يالله مع السلامه خل نشوفكـ ثاني
    نوره بإبتسامه :إن شاء الله
    ابتسم عمــار وراح مادرت نوره إلابيد على راسها لفت بعصبيه: آآآآآي
    بشاير: ياللي ماتستحين تكلمن الولد وتاخذين رقمه بعد
    نوره تضحك وهم يمشون: هههههه ياخي الدنيــا إيــزي
    بشاير لفت عليها بجديه : نوره أنا أكبر منك وأقول لك كنصيحه لاتعيدين تكلمين أولاد لو أنك متنكره بشخصية عبدالله
    نوره تناظرها بجديه أكبر: أنا أشكركـ بس لاتنسين إني أعرف إش أسوي
    بشاير تتنهد : أتمنى أنك من جد تعرفي إش تسوي!
    نوره بثقه وهي تزبط الكاب : لاتشيلي هم أنا قد الشغله اللي بسويها
    وصلــو لفلة رجل الاعمال >مشاري آل حمود< فتحو لهن الحراس بعد تحقيق وكانت نوره هي اللي تجاوب بما إنها ولد...
    دخلو لصاله كانت حييل كبيره وتدل على أنواع الفخامه ..جلسن وبدن بنتظرن شوي إلا ينزل واحد مبين عليه بالعشرين كآآشخ ناظر فيهم باستغرآب وبعدين بغرور ومشى طالع ..
    بعد دقايق نزلت بنت تحمل معاني النعومه والجمال شافتهم إتجهت لهم وجلست جنب بشاير: ســلام
    بشاير رفعت حاجب :وعليكم السلام بس ماتشوفين أخوي جالس >>بمعنى أخر ياحرمه أستحي وأنقلعي تغطي
    :عــاتي بس مين أنتو
    بشاير:الكلام مومعك مع مشاري
    البنت:آآو باباتي لحظه أناديــه
    قامت البنت بكل رقه وكانت لابسه فستان سماوي ناعم قصير >لنص الساق>
    بشاير: صــدق ماتستحي
    نوره: من جد لو أني ولد صدق كان كذا ســوت؟
    بشاير : ماعليك منها عمى فعينها
    نوره بتحذير: بس عاد أنتي تكلمي معها زي الناس مهما صار يعني بتكوني خدامه عندها
    بشاير بتنهيده: آآه بس يالقهر
    نزل رجل بكل هيبه وشمـوخ وقال: آآمم أتوقع انكم جايين تقدمون
    نوره تمثل الاحترام وتخشن صوتها : أيوا ياعم
    الرجل مشاري يجلس : أسمائكم وأعماركم
    بشاير: بشاير حمد عمري 23
    مشاري: وأنت السايق صح؟
    نوره منزله راسها لأن أي أحد يشوف عيونها ممكن يعرف حقيقتها>بنت<:أيه انا السواق
    مشاري: أسمك وكم عمرك وإش السياره اللي تسوقها
    نوره اللي تعلمت السواقه وبمهاره بعد: عبدالله حمد 20 سنه جميع السيارات
    >>نوره محمد هو أسمها بس غيرته على أسم بشاير حمد علشان يكونون أخوان ومحد يقرب لبشايرمدام أخوها معها >>>
    مشاري رافع حاجب : أخوان
    عبدالله؛نوره؛ : أيوا
    مشاري :آآممم خلاص بوافق عليكم بس بشرط
    عبدالله: اللي هو؟
    مشاري: ماتطلعو من بيتي إلا للضروره
    عبدالله بسرعه وتهور: موافقــ..أحم موافق
    بشاير تهمس لنوره: يآآثور أمي مين يجلس عندها
    نوره تغمز لها*-:ههه عندك عبدالله المخ ماعليك كل شي علي
    طلعن من الفله بعد الاتفاق واللي هو:: بعد يومين راح يبدأ الشغل كـ خدامه وسواق رجعن للبيت وكآآآن هدووء..
    نوره:غريبه أمي خديجه ماقامت لآذان المغرب
    بشاير: روحي صحيها وبشريها
    راحت نوره وبدلت لبسها >>لأن خديجه ماتدري أنها تتقمص شخصية ولد<<<
    وراحت لغرفة ام بشاير شافتها على نفس الوضعيه اللي كانت عليها راحت لها..
    نوره : أمي.. أمي خديجه قومي أذن المغرب
    خديجه : ...لارد
    نوره بملل : يمه قومي يالله يمــه...يمه..مامي ..خدووج
    خديجه: ...لارد
    نوره بخوف وهي تهزها: أمي أمي يمه ردي أمــي
    نوره راحت نادت بشاير اللي توجهت لأمها تبكي نوره حاولت تهديها بس ماقدرت قامت وهي تتذكر شــي,,
    راحت للجنز اللي كانت لابسته لما راحو لمشاري.الولادي...وطلعت منه رقم عمار لبسة عباتها وراحت لوحده
    من جاراتهم أخذت جوال جارتهم ودقت على عمار وقالت له يجي البيت اللي كانت واقفه عنده>>طبعا كلمته علىإنها عبدالله<<
    رجعت للبيت ولبست ولادي وطلعت عند الباب لمحة سياره من بعيد قربة السياره
    ونزل منها عمار راسم إبتسامه :سلااام
    نوره راحت له بخوف : عمار وأنا اخوك امي طاحت علنا وما عرف غيــرك
    عمار: آآفا عبدالله حنا أخوان اللحين طلع أمك نوديها الستشفى
    بعد عناء أخذو أم بشاير على المستشفى كان عمار يسوق بجنبه ونوره جنبه متوتره وبشاير ماينسمع إلا شهقات خوفها
    وهي جالسه ورى عند أمها الممدده وصلو أخذو خديجه ودخلوها الطوارئ عمار وقف جنبهم وماتركهم..
    نوره جالسه جنب بشاير: أهدي ياروحي مافيها شي ان شاء الله
    بشاير بدموع: ليش ماترد علي لما أناديها؟
    نوره: ياعمري خلاص كذا ماراح تستفيدي شي أدعي لها
    بشاير تجمع قوتها وتمسح دموعها: الله يقومها بالسلامه
    نوره قامت وراحت لعمار اللي واقف بعيد عنهم: عمــار
    عمار رفع راسه لها: هلا
    عبدالله: أعذرني ياخوك تعبتك معي بس..
    عمار يقاطعه وهو يحط يده على كتف عبدالله: لاتقول بس..حنا أخوان ويمكن أحتاجك عاد وش فايدة الاخوان إذا ماساعدو أخوانهم
    عبدالله"نوره": أنت شخص نـادر ومافيه مثلك كثير
    عمار يضحكـ: هههههههههههههه ترى أستحــي
    نوره رغمحزنها على خديجه إبتسمت ..
    طلع دكتور من الغرفه ومبين عليه التعب..
    بشاير وقفت : بشــر دكتووور
    الدكتور بحزن: حالتها صعبه وتعبنا معها كثير
    نوره وأعصابها فلتانه: تكلــم إش صار لها
    عمار يمسك نوره: عبد الله إهدا شوي تكلم دكتور
    الدكتور بأمل: حنا ولله الحمد سيطرنا عليها بس هي فجأه تتمتم بأسم
    بشاير بفرحه: أسم مييين؟؟
    الدكتور: اتوقع كانت تقول نوره
    بشاير بإحباط: آآها
    نوره كانت بتقول انا بس حمدت ربها إنها تذكرت عمار...
    الدكتور: حضرتكم عيالها
    عبدالله: إيهبس دكتور متى تطلع
    الدكتور بحزن: باقي عليها كثير وممكن يجيها صرع
    عمار يتنهد: الله يصبرك ياخوي
    بشــاير حضنت نوره وقعدت تتكلم وهي ناسيه هي وين ومين يسمعها ومين راح تفضح..
    بشايروهي حاضنه نوره: نوره أمي ماعــاد ترجع لنا نوره أبغى أمي نوره ليش ماطلبتني أنا؟؟!
    عمـأر معقد حواجبه: نــوره!!!
    نوره ترقع: بشاير أي نوره ..نوره بالبيت ماجت معنا
    عمار : عندك أخت ثانيه
    نوره بدون ماتحس: وأنــت وش حـــاشركـ!!
    عمار رفع حاجب: نــعم
    نوره إنتبهت >بــدري>:لا ولاشي أعذرني بس ماأحب أحد يسأل عن خواتي ^-^|>كفوصراحه>|
    عمارويده بشعره: معذوره بس كمان انا دخلت حالي
    بشاير تاخذ نفس طويل بعد البكا: يالله نرجع البيت
    نوره :خلينا نسأل متى تطلع امي
    بشاير: طيب
    راحو الثلاثه ..عمار بما أن ماله إلا أخو واحد ومايعطيه إهتمام ماصدق لقى عبدالله وحسبه مثل الاخو...
    سألو وقال لهم الدكتور راح تصحى بكرا لأن مفعول البنج أثر عليها..
    رجع كل واحــد على بيته..
    نوره على فراشها: يآآآحبيله عمار
    بشاير بإبتسامه حزينه: اي ماقصر بس نوره تتوقعين أمي..
    نوره بمقاطعه وهي تغمز لها*-: غرتي لأنها قالت أسمي
    بشاير رافعه حاجب: والله ماناقص إلا أغار منك
    نوره تضحكـ: ههه عاد تدري يمكن مخبيه شي علينا!!
    بشاير لفت لنوره بسرعه : وليش تتوقعي كذا!
    نوره بتركيز: من تصرفاتها انا ماتفوتني حركآآت التوتر إذاجبنا سيرة عائله غنيه وخاصةً عائلة آل حمود
    بشاير تضرب كتف نوره بمزح: من وين مستأجره مخكـ
    نوره تكمل هبل: من أبو ريالين>>برآ الله يستر عليس
    كملوآ ليلتهم بضحك وحزن ومضاربات وأخيرا نآمو..
    نرووح لبطلنا عمــار..
    دخل البيت وهو يصقع بالجدران من النوم دخل الصاله: سلااام
    أمه وأخوه: وعليكم السلام
    مشعل أخو عماروقف بعصبيه : ممكن تقول وين كنت ؟؟
    أم مشعل وعمار بغرور:أكيــد رايح لحارة الفقــر!!



    أنتهى البارت

    أتمنى ينال أعجابكم عــاد شديت حيلي فيه .. لاتبخلو بالردود والتوقعات ................
    ملاحظه: اللي ناوي ينقل الروايه ينقل أسمي معها ولاينسبها لنفسه
    نيـ،ـ،ـونآ*
     
    أعجب بهذه المشاركة ضجـيج ؛
  7. نيـ،ـ،ـونآ*

    نيـ،ـ،ـونآ* عضو فعّال

    إنضم إلينا في:
    ‏24 فبراير 2014
    المشاركات:
    42
    الإعجابات المتلقاة:
    23
    نقاط الجائزة:
    110
    الجنس:
    أنثى
    الإقامة:
    المدينــ،ـ،ـه
    اللي عنده نقد يقوله وراح أستقبله بكل صدر رحــب
    بس يكون بحترام:rolleyes:...
    :55:أشكـــر متابعتكم""
     

مشاركة هذه الصفحة

الاعضاء الذين يشاهدون محتوى الموضوع(عضو: 0, زائر: 0)