رواية حقوق العشق محفوظة بقلمي ( رواية سعودية جريئة )

الموضوع في 'روايات' بواسطة دروب المحبه, بتاريخ ‏12 نوفمبر 2010.

  1. دروب المحبه
    Offline

    دروب المحبه .. كاتبة ..

    إنضم إلينا في:
    ‏12 نوفمبر 2010
    المشاركات:
    123
    الإعجابات المتلقاة:
    3
    نقاط الجائزة:
    0
    السلام عليكم

    كيف الحال ياحلوين


    حابة اشارك اليوم معكم وهذي اول مشاركة لي وهيا رواية بقلمي اتمنى تنال اعجابكم



    اتمنى لكم قراءة ممتعة

    وان شاء الله لو شفت حماس منكم راح انزل لكم كل يوم بارت

    /

    مهما غير الزمن علينا ودارت الايام ان كان لك بالقلب مكان بتبقى
    حقوق العشق محفوظة
    البارت الاول
    ... في المدرسة ...
    بعد ماانزفوا البنات زفة التخرج وكانو حلوين ومتزبطين ولابسين بالطو التخرج وتكرمو من ابلاتهم .....
    هيام _ تصدقوا يابنات المدرسة حتوحشني كثير
    فرح _ ايوا والله ماني مصدقة اليوم تخرجنا خلصنا المدرسة
    حنان _ والله يابنات حتوحشوني وحتوحشي لمتنا مرررة
    دنيا _ عااد حنون حنا كل يومين وحنا رازين وجوهنا مع بعض من غير مدرسة ولا شي واكثر شي عند غرغر
    غرام _ وشهو غرغر مالت عليك ماتعرفين تدلعين
    اسيل _ امشو نطلع الفصل ونهيص فيه
    ( طلعو البنات الفصل وكانو مبسوطين وفي نفس الوقت زعلانين اخر يوم في المدرسة )
    غرام _ غنولي ابغى ارقص
    دنيا تغني وترقص وغرام ترقص معاها وكان الكل يتفرج عليهم ويضحكو ...
    فرح _ بنات امشو نلعب شرعت عشان نودع ايام الطفولة
    هيام _ اوكي بس ظنتي الطفولة عند دنيا ماراح تودعها ههههههه
    لعبو البنات لمن شبعو كان يوم من احلى ايامهم بعدين نزلو يسلمو على ابلاتهم وقعدو يسلمون على بعض ويبكون دراما يعني ..
    حنان _ بنات خلونا نتجمع اليوم
    غرام _ ايوا طبعا لازم وعندي كمان
    فرح _ تمام حنا اليوم عند غرومة

    رجعو البنات على بيوتهم ورجعت غرام تزبط نفسها عشان صحباتها بيجوها وش رايكم تتعرفون على غرام اكثر ...
    غرام _ بنت غنية مررررة ومايترد لها طلب وامها مدلعتها على الاخر لان ابوها مات وهي صغيرة غرام شخصية طيبة بس منفتحة كثير بسبب حرية اهلها لها ( الحرية هاذي حضرها كثير حنعرف ليش بس بعدين )
    عيلة غرام ....
    امها _ سيدة اعمال وتدير اعمال زوجها بعد وفاته فهي مشغولة كثير ماتهتم ببيتها ابدا
    اخوها الكبير _ بسام هذا غرام دلعوته يحبها كثيررر ومايرد لها طلب عمره 23 سنة اخر سنة له في قسم ترجمة لغات غرام متعلقة ببسام مرررة بسبب بعد امها عنها
    بسام رجع من الجامعة ولقي اخته قاعدة في الصالة ..
    &&&&&&&&&&&&&&&&&&&&&&&
    بسام _ سلام عليكم
    غرام _ ياهلا وغلا باحلا اخ في الدنيا
    بسام _ وش الاستقبال الحلو هذا كيف كان يوم التخرج
    غرام _ والله يابسوم رووووعة ويجنن بس ناقصك كان هههههههههه
    بسام _ بغيت اجي بس بطلت ههههههههه وش رايك غرومة نخرج نفلها انا وانتي اليوم
    غرام _ يوووه يابسوم ياليت مااخترت الا اليوم صحباتي بيجون عندي
    بسام _ ماتطفشون من بعض ماشاء الله دوووم وانتو مع بعض
    غرام _ بسوم لاتكون عينك حارة وتحسدنا
    بسام _ ههههه لا خلاص اجل بخرج مع خوياي اليوم انا
    غرام _ وش رايك تخرجنا انا وصحباتي
    بسام _ لا ياشيخة واقعد في السيارة استناكم ولا ابشك معاكم احسن وش فايدة السواق
    غرام _ ههههههههه اشوفك عصبت خلاص بطلت
    بسام _ غرومة وين امي
    غرام _ ومن متى اعرف انا وين امي ياانها بالشغل او عند وحدة من خوياتها
    بسام _ طيب حبيبتي بطلع انام الحين
    غرام _ تصبح على خير
    بسام _ وانتي من اهله
    غرام _ ميري جهزي اليوم حلا ومعجنات وقهوة وعصير وكمان قولي للطباخ يحضر عشا صحباتي بيجون
    ميري _ حاضر
    &&&&&&&&&&&&&&&&&&&&&&&&&&&&&&&&&&&&

    في بيت اسيل ....
    اسيل عند المرايا تتزبط وتغني
    ام اسيل _ اشوف بنوتي الحلوة مبسوطة دوم يارب
    اسيل _ طبعا ياماما بروح اليوم عند غرام
    ام اسيل _ انبسطي حبيبتي اقول ترا السواق تحت ينتظرك
    اسيل طيب الحين انزل
    نزلت اسيل للسواق وعلى بيت غرام
    &&&&&&&&&&&&&&&&&&&&&&&&&&&&&&&&&&&&
    في بيت غرام ....
    غرام _ وشفيهم تاخرو هاذولي
    دق جرس الباب
    غرام _ استني ميري انا بفتح
    غرام _ اهلين اسولة توقعتك اول وحدة
    اسيل _ هلا فيكي ياقمر طبعا غرومة وانا اتاخر عنك كيف حالك وكيف حال اهلك
    غرام _ والله بخير
    اسيل _ اخوكي بسام بالبيت
    غرام _ لا بس ليش تسالين
    اسيل _ هاا لا لا بس عشان نفلها لحالنا
    دخلو اسيل وغرام وقعدو يتكلمون ودق الجرس بقوة كانه بيتكسر
    غرام _ وش فيكي هيام بتكسرين الباب
    دنيا _ هلا غرومة كيفك
    غرام _ ياهلا فيكي نورتو كيفكم
    هيام _ بنت وانتي وهيا وخرور حررر بموت غرومة حياتي مكيف بسرعة مخي ذاااب
    غرام _ وش فيها هاذي كانت بالربع الخالي
    دنيا _ ههههههه بس مكيف السيارة عطلان
    هيام _ لساعكم تهرجون اسعفوني
    غرام _ ادخلي المطافي جوا
    دخلو البنات وهما يضحكو على هيام وكملو جلستهم وهما مبسوطين وجو فرح وحنان مع بعض
    وكملت الشلة وصارو مسوين ازعاج في الحي ....
    هيام قاعدة ترقص مصري
    واسيل ماسكة كاسة العصير وتترنح كانها خمرا
    حنان _ اسيل عدلي نفسك لا تقلدينهم
    اسيل _ حنون لاتسويلي المطوعة خلينا ننبسط
    في هذا الوقت راحت غرام ولبست ثوب وشماغ وتلثمت وجات تفجع البنات ....
    البنات انفجعو حسبوها اخوها بسام واللي خبت وجهها بالمخدة واللي صارخت واللي رمت نفسها ورا الكنبة بعدين فكت غرام اللثمة وصارت تضحك ....
    فرح _ وجععع غرام والله خوفتيني وكمان تضحكين ) رمتها بالمخدة (
    دنيا خرجت من ورا الكنبة _ خليتيني اصير سوبر مان وانط ورا الكنبة والله انك هبلة
    هيام مقهورة راحت تضرب في غرام قطعت عليها رقصتها _ فيكي هبال مو طبيعي
    صار الكل يضرب غرام وغرام تضحك ولا يهمها .....
    بعد فترة ...
    غرام _ بنات وش رايكم اكلم السواق ونخرج
    فرح _ والله ماقلت لامي اننا بنخرج
    حنان _ بعقلك انتي طالعة الساعة كم
    غرام _ عادي بدري الساعة 12 اشبكم معقدات
    دنيا _ والله فلة امشو نسويها
    هيام _ عشان يجي اخوكي ويسحبكي من شعرك ويش مخرجك في ذا الوقت
    غرام _ خلاص خلاص بطلت بنات وين اسولة مختفية ماشفتها
    دنيا _ ايوا صح بسم الله دوبها كانت ترقص جنبي
    هيام _ دندون لا تكوني بس اكلتيها هههههه
    دنيا _ انقلعي يادبة وين راحت اسيل من جد
    فرح _ قالتلي بروح الحمام بس لها اكثر من نص ساعة صح والله اشبها
    غرام _ بروح اشوفها لا تاهت في الفيلا او غرقت في الحمام
    غرام راحت تدور اسيل في كل حمامات الفيلا مالقتها ونادت مير ي ودورو فوق وتحت وطلعو السطح كمان ومالقيوها
    غرام _ بنات والله دورتها في كل الفيلا مالقيتها وش اسوي شكلها تبخرت
    دنيا _ واو فيلم رعب واكشن
    فرح _ اقول اسكتي وقتك غرومة يمكن مادورتي زين
    غرام _ بنات والله جد دورت مزبوط وخليت ميري تدور معايا
    حنان _ لا تكون رجعت البيت
    هيام _ كانت قالت بدق على جوالها اشوف
    دنيا _ هيومة شوفي جوالها يرن هنا
    غرام _ ياويلي اهلها يقولو خطفناها
    اسيل كانت في مكان محد يقدر يتوقع انها فيه كانت تتجول في الغرفة وتفتح الدولاب وتشم الملابس
    اسيل _ ياعمري يابسام احبك
    وتعطرت بعطره كانت مبسوطة ونسيت نفسها وهي في الغرفة

    دق جوال غرام الكل ركز يحسبوها اسيل
    غرام _ لا بنات هذا اخوي بسام
    بسام _ الو هلا غرومة
    غرام _ هلا فيك
    بسام _ كيف سهرة
    غرام _ تجننن بس ناقصتك خخخخ
    بسام _ اووه غرومة اجيكي طيارة الحين
    غرام _ اعرفك عااد ماتصدق ههههه
    بسام _ اقول حبيبتي والله تعبان بجي انام الحين
    غرام _ بسام غريبة تفوت عليك سهرة وش فيك سلامتك
    بسام _ لا بس صداع وليا كم يوم ماانام زين بجي انام لاتزعجوني
    غرام _ واااه بسامو كيف نزعجك وانت غرفتك ابعد غرفة عن المجلس اللي قاعدين فيه
    بسام _ امزح يلا سلام
    اسيل كانت ناسية نفسها من جد في غرفته وماحست بالوقت ابد ...
    فرح _غرام دوري في الحديقة يمكن قعدت فيها
    غرام _ طيب الحين بنادي ميري وادور في الحديقة وباخذ جوالي عشان لو انخطفت انا بعد
    راحت غرام تدور في الحديقة
    اسيل كانت مبسوطة انسدحت على سريره وتتامل في صورته الموجودة في الكومدينا وتدور في الغرفة على صورة تاخدها
    اسيل _ ياعمري على جمالك احلا واحد بالكون
    كانت تتامل في طريقة ترتيب الغرفة وعلى ذوقه في اشيائه كانت في عالم ثاني عالم اسمه الحب
    وفجاة سمعت صوت احد جاي وعرفت انه رجال من صوته وهو يهرج في الجوال اتاكدت انه بسام ارتبكت ورمت البلوزة اللي كانت في يدها وتخبت تحت السرير....
    دخل بسام غرفته وقفل المكالمة وانسدح على السرير ودق من التلفون الموجود في غرفته
    بسام _ سلينا حبتين بندول وموية بس بسرررررررعة
    بسام _ ياالله احس راسي بينفجر
    اسيل تتكلم في نفسها _ ياعمري انا تعبان ماتشوف شر ليته فيني ولا فيك
    جا بسام بيفسخ القميص
    اسيل هنا ارتبكت واستحت مرررة خافت شكلها حتبات بسام ناوي على نومة

    غرام _ لحقو علي مالقيتها في الحديقة كمان
    فرح _ والله انا متاكدة قالتلي بروح الحمام مو معقولة
    حنان _ ياقلبي عليها عسى صارلها شي
    هيام _ فال الله ولا فالك اسكتي
    دنيا _ يمه بنات جوالها يرن امها تتصل وش نسوي
    غرام _ ردي عليها وقوليلها اسيل في الحمام

    بسام فسخ القميص واسيل ماتت من الحيا ....
    اسيل _ وجع وعلى ايه عنده حمام بالغرفة
    وجات سلينا وانقذتها قبل لايفسخ البنطلون واعطته البندول وقالتله _ مدمزيل غرام قالتلي تبغاك في موضوع ضروري
    اسيل _ يسعدك ياغرام انتي وسلينا انقذتوني من المناظر الباقية
    بسام _ يالله ياغرام والله تعبان ماني فايقلك
    اسيل _ ياقلبي اروح بدالك <<<< ولا كانها في مصيبة
    خرجت سلينا وبسام انسدح على السرير وشكله مهو ناوي يروح
    اسيل ماتت رعب مهي عارفة كيف حتخرج

    غرام _ دقيقة بروح اشوف بسام عشان تعبان واشوف يمكن اسولة عنده ههههه
    فرح _ واااي تخيلي
    دنيا _ والله انكم قليلات حيا
    &&&&&&&&&&&&&&&&&&&&&&&&&&&&&&&&&&&&
    ياترا كيف حتخرج اسيل من غرفة بسام والمصيبة اللي هيا فيها وحتشوفها غرام في غرفة بسا ولا لا حنشوف بعد شوي

    بما ان اسيل سوت اكشن ومغامرة خلوني اعرفكم عليها اكثر .....
    اسيل بنت حبوبة مرة وحلوة جدا احلا وحدة بالشلة فيها براءة اطفال ودلوعة لانها وحيد امها وابوها ابوها تاجر معروف
    واقرب وحدة لها من الشلة غرام تعتبرها مثل اختها وهما مع بعض من هما في الروضة

    راحت غرام لغرفة بسام ودخلت
    اسيل _ ياويلي غرام جات شكلها حتصير فضيحة بجلاجل انا ايش سويت في نفسي
    غرام _ كيفك حبيبي الحين
    بسام _ صرت احسن بس عيني مقفلة ابغى انام
    غرام _ طيب سلامتك وتصبح على خير
    وراحت بتجاه الباب بتخرج
    اسيل _ لا غرومة ارجوكي لا تسيبيني لحالي والله ببكي
    بسام _ غرومة وش الموضوع المهم اللي قالت عليه سيلينا وش تبغين
    غرام _ خلاص انت تعبان نام
    ومسكت الباب وبتخرج
    اسيل _ الله ياخدك ياغرام
    بسام _ استني غرومة والله ماتروحين الا تقوليلي
    اسيل _ يابعد عمري فزعة واباضاي
    غرام _ امممم وانت جاي ماشفت بنت قرب بيتنا
    بسام _ وش تقولين انتي
    غرام _ عااد انا كمان سؤالي اهبل اقول بس اعطيني مفتاح السيارة السودا سيارتي في التصليح
    بسام _ غرام قولي وش السالفة
    غرام _ وحدة من صحباتي اختفت وجوالها واشيائها معانا ودورتها في كل الفيلا ومالقيتها قلت بخرج مع السواق اشوفها حول البيت
    بسام _ فوازير رمضان هاذي
    اسيل _ ياويلي غرام تهرج عني ياربي يابسوم دمك عسل خفيف << خليكي في مصيبتكي
    غرام _ بسوم تستخف اعطيني المفتاح
    بسام _ اقول غرام بجي معك
    اسيل _ ياسلام عليكي ياغرومة صرفتيه اموت فيكي انتي واخوكي
    راح بسام ولبس قميصه واخد جواله وخرج
    ودوبها اسيل تخرج راسها من تحت السرير الا بسام رجع تاني دخلت راسها تاني وضربته على حافت السرير
    اخد بسام مفتاح السيارة وخرج
    اسيل _ والله اني مجنونة لو ايه تاني مااعيدها كنت اتمنى اشوفه وشفته ومن غير قميص كمان
    خرجت اسيل ونزلت للبنات بسرعة
    حنان _ اسيل وينك موتينا رعب عليكي
    دخلت غرام تقول للبنات انها بتخرج تدور على اسيل الا وتلاقي اسيل في وجهها
    غرام _ واااي بسم الله الله يفجعك وين كنتي يادبة دورتك في كل مكان
    دنيا _ حسبت البيت مسكون وخليتيني اتخيل فيلم رعب وين طسيتي
    اسيل مرتبكة مررة مهي عارفة وش تقول _ والله كنت بالحمام الله يكرمك وبعدين شفت باب صغير جنبه ودخلته لقافة طلع المخزن وطاح شي فوق راسي واغمى علي ودوبي صحيت
    غرام _ أي مخزن كان مقفول الباب انا متاكدة
    فرح _ والله ياغرام انك عميا مادورتي زين
    اسيل فرحت صدقو الكذبة
    راحت غرام وقالت لبسام ورجع لغرفته ونام
    &&&&&&&&&&&&&&&&&&&&&&&&&&&&&&&&&&
    فرح دق جوالها راحت بعيد وردت
    فيصل _ هلا والله بعمري انا
    فرح _ هلا حبيبي كيفك
    فيصل _ بخير دامني سمعت هالصوت الحلو
    فرح _ وواي فيصل احرجتني
    فيصل _ امووت في صوتك وانتي خجلانة
    فرح _ ايوا وكيف الجامعة
    فيصل _ فروحة تغيرين الموضوع اقول حبيبتي
    فرح _ لبيه
    فيصل _ احبك امووووت فيـــكي
    فرح _ وانا كمان
    فيصل _ ياعمري والله وحشتيني كيف سهرتك
    فرح _ حلوة وانا كمان ودي اشوفك
    فيصل _ خلاص حبيبتي اخيرررا بعد بكرة ملكتنا وبعدها اشوفك وقت ماابغى
    فرح _ ايوا حبيبي خلاص وبعدها نتزوج
    غرام _ اقوول جولييت مابتنضمي لنا كفاية بطفشي روميو
    فيصل _ ههههههه مين هاذي اللي تقول كدة
    فرح _ صحبتي غرام
    فيصل _ قوليلها انا عمري مااطفش منك ياروحي يلا طيب مع السلامة اكلمك لمن ترجعين البيت
    فرح _ طيب حبيبي في امان الله
    دنيا _ ياهووو اشوف كثرت اتصالاته
    فرح _ روقي خطيبي
    حنان _ ايش شعورك وبعد بكرة ملكتك
    فرح _ بطير من الفرح
    هيام _ ياواد انت اسم على مسمى
    غرام _ بنات ترا اليوم رحت وجبت الفساتين اللي صمممتها هيام من الخياطة
    دنيا _ بدري واشمعنا فستان فرح من قبل اسبوع وهو عندها
    هيام _ دندون وش فيكي غبية فرح العروسة غرام جيبي الفساتين
    خلت غرام ميري تجيب الفساتين
    هيام _ ياسلام عليها خياطة خطيرة نفس تصميمي بالضبط
    خلصو البنات من قياس الفساتين وكانو مررة مبسوطين وقعدو يخططو لزفة فرح وفيصل ويضحكو كان يوم من جد روعة من اوله لاخره وبعدين اذن الفجر وكل وحدة بيتك بيتك
    سلمو على غرام وخرجو البنات
    صحي بسام في الصبح وجا عند غرام
    بسام _ صباح الخير للحين مانمتي
    غرام _ صباح الورد والياسمين تعرفني بسوم ماانام الا لمن يجيني نوم
    بسام _ اقول تراني وانا جاي الحين لقيت خاتمك طايح في غرفتي خذي
    غرام _ واااي بسام وش جاب الخاتم هذا عندك
    بسام _ وانا ايش دراني اكيد لمن كنت في الغرفة طاح منك
    غرام _ في غرفتك اكيد
    بسام _ غرومة وش فيك ايوا لايكون مو خاتمك
    غرام _ الا الا بسوم خاتمي بس ضايع مني من زمان
    طيب بسام برح اكلم صاحبتي
    راحت غرام تبغى تكلم اسيل الا دق جوالها واحد من اللي تعرفهم
    غرام _ صباح الخير
    زياد _ صباح الحب والغرام يااحلى رنا في الدنيا كيفك
    غرام _ بخير دام حبيبي بخير
    زياد _ ياقلبي احبك
    غرام _ واي زياد لاتحرجني
    زياد _ اقول حبيبتي رنو ودي اشوفك وحشتيني مووت كل يوم اتخيل صورتك
    غرام _ يابعد عمري وانت بعد وحشتني خلاص يوم السبت اشوفك في مطعم ..... واستناك برة بعدين ندخل مكان العائلات
    زياد _ حبيبتي ليش بعد يومين والله بعيد
    غرام _ ملكة صحبتي بعد بكرة وبكرة ماني فاضية ابد ماينفع ياقلبي الا يوم السبت الساعة 8 اوكي
    زياد _ اوكي ياحلوة المهم اشوفك
    غرام _ اوكي يلا باي
    زياد _ دقيقة ابغى بوسة منك يارنو
    غرام _ زيود لاتخليني اعصب منك والله تحلم تعرفني اذا كررتها
    زياد _ خلاص خلاص كله الا زعل حبيبتي باي
    قفلت غرام _ تافه مرررة يازيود بس كلامك حلو
    دقت غرام على اسيل لقتها ماترد شكلها نايمة
    غرام _ وين بتروحين مني يااسيل كشفتك يانذلة ولاتقوليلي

    &&&&&&&&&&&&&&&&&&&&&&&&&&&&&&&&&&&&&&
    في اليوم اللي بعده

    فرح _ يمه خلاص بروح اكل
    ام فرح _ روحي كلي من الفواكه زين شوفي وجهك كيف صاير شاحب وبكرة شبكتك
    فرح _ يوه يمه ماصارت خلاص بقوم من شهر وانا بس اكل فواكه مليت والله
    قامت فرح وراحت للمطبخ تاكل من الفواكه وهي مبوزة < يحق لها رحمتها
    ام فرح _ والله ياهنادي يااختك ذي بتجنني ابد مو زيك والله انتي ماتعبت بزواجك زيها هذي راسها ناشف
    هنادي _ ماعليك منها يمه هي تتدلع خليها تسوي اللي تبغى
    ام فرح _ وشلون يابنيتي بكره وراها زفة وناس وطلعة وهيا طالعي كيف وجها مصفر مو راضي تاكل سي
    فرح جات ومعاها طبق الفواكه _ زين يمه تتشكي مني على هنودة هاااااااا
    ام فرح _ ايه والله انك طلعتي عيوني انا مدري وش بسوي فيك يوم زواجك
    خلونا نسيب فرح وامها وهنادي يكملوا نصايح على راسك يافروووحة الله يعينك ونروح لعند غرام
    &&&&&&&&&&&&&&&&&&&&&&&&&&&&&&&&&&&&&
    غرام تتصل على اسيل كل شوية بس ماحد يرد عليها
    عند اسيل
    اسيل _ يوه هذا نغمت غرام بس وين جوالي وين حطيته
    وقلبت الغرفة ولقت الجوال تحت المخده فكت الجوال ولقت 10 مكالمات من غرام لم يرد عليها
    اسيل _ الله يانشبة وش يفكني من لسان غرومة دحين واتصلت عليها
    غرام _ لحظة حبي وشافت رقم اسيل بالخط الثاني
    غرام في نفسها _ توك تفوقي يااسيل زين اراويكي شغلك بعدين
    غرام _ رجعت لمكالمتها سوري حمودي حبيبي بس امي تتصل علي
    محمد _ لا عادي حبيبتي
    غرام في نفسها _ وجعععع مايفهم هذا
    غرام _ اقول حمودي حبيبي شوي واكلمك اوك ياقلبي
    محمد _ طيب ياحبي بس لاتطولي علي ماقدر على غيابك
    غرام في نفسها _ اوووف ياثقل دمك
    غرام _ ولو حمودي دقايق بس اشوف امي وارجع يلا روحي راح توحشني سي يوووو
    محمد _ وانتي اكثر يابعد هلي باااااااااااااااي
    غرام سكرت منه اوف هذا غثيث انا ايش الله بلاني فيه وخذت الجوال وقررت انها تتصل على اسيل وتغسل شراعها << الله يعينك يااسيل
    ولسووووء حظ اسيل انها ردت اخذت اسيل كم تهزيئة من غرام
    غرام _ خلاص خلاص عذرتك بس لاتتكر ثاني فاهمة
    اسيل _ ان شاء الله عمتي
    غرام _ اقول اسولة مو ناسية شي عندنا
    اسيل _ قصدك عندك لا مو ناسية شي < على نياتك والله
    غرام _ جواب نهائي جواب نهائي
    اسيل ارتبكت وحست من نبرة صوت غرام ان في شي جواب نهائي _ ليش
    غرام _ لا بس اسأل < ياخبيثة
    غرام _ يعني امس مارحتي مني ولا مني ولا أي مكان
    اسيل حست ان الهرجة اللي في بالها صح وبكل ارتباك _ هااااااا لالالا
    غرام نفذ صبرها _ طيب يااسولة تكذبي علي ها
    اسيل _ اكذب في ايش
    غرام _ تحسبي امس مشت على ان دخلتي المخزن ومدري وشو ترى عرفت كنت وين اعترفي
    اسيل _ اعترف على ايش
    غرام _ اسولة لاتلعبي على انتي امس مو كنت في غرفة بسام اخوي
    اسيل _ حست كان موية باردة انكبت عليها انتي ايش تقولي غرومة أي غرفة واي خرابيط
    غرام _ اقول لاتلفي على انا غرام اكثر وحده اعرفك هااااا وبعدين بسام عطاني خاتمك طايح في غرفته
    اسيل _ غرومة لايكون عرف ان انا
    غرام _ لاماعليك ماعرف يحسب خاتمي خلاص ياسولة طحتي ومحد سمى عليك كشفتك تقولها بخبث
    اسيل _ .............
    غرام _ طيب ياهبلة يااسيل كان قلتي لي انك تحبي بسااااموا وانا اساعدك
    اسيل _ لو سمحتي لاتقولي له بساموا
    غرام _ اوووه السالفة متطورة والله كمان تدافعي تراه اخوي قبل لاتحبيه
    اسيل _ غرومة خلاص اسكتي
    غرام _ يعني دحين استحيتي ياختي
    طال الحوار بين اسيل وغرام متعودين انهم يوميا يتكلموا بالساعات وطبعا الحوار لايخلوا من معايرت غرام لاسيل
    &&&&&&&&&&&&&&&&&&&&&&&&&&&&&&&&&&
    خلص هذا اليوم عادي زي أي يوم ومع صباح يوم جديد وبالتحديد الساعة 11 صباحا
    خلونا نزور كل بيت ونشوف وش فيه
    عند فرح
    بيتهم كله مقلوب فوق تحت يجهزوا اغراضهم وفرح تلبس عشان تروح للكوافيرا
    &&&&&&&&&&&&&&&&&&&&&&&&&&&&&&&&&&&
    عند غرام
    قامت تفطر وبعدها بتروح تجهز اغراضها
    &&&&&&&&&&&&&&&&&&&&&&&&&&&&&&&&&&&&
    عند دنيا
    دنيا مسوية ازعاج في البيت اللي يشوفها يقول شبكتها هيا مو شبكة فرح وجالسة تجهز المفاجاءة < ياترى أي مفاجاءة راح نعرف بعدين
    وش رايكم نعرفكم على راعية المفاجأت اكثر
    دنيا
    بنت فرفوشة ومرجوجة تحب تعيش تجارب يعني تحب تغامر طايشة وراح تعرفوا ليش قلت عنها كذا من خلال الرواية اقرب وحده لها بنت عمتها وصديقتها هيام
    خلوني اعرفكم عن عايلتها شوي
    ابوها _ صاحب شركة وحالهم طيب
    امها _ حيل طيبة وتحب كل الناس
    عبد العزيز _ 30 سنة متزوج وعنده ولد عمره 5 سنين يزن وبنت سنة اسمها ليان
    احمد _24 سنة يشتغل ممرض بمستشفى
    خالد _ 20 سنة ثالث ثنوي >> فاشل
    دنيا _ 18 سنة ثالث ثنوي
    رهف _ 16 سنة اولى ثنوي
    &&&&&&&&&&&&&&&&&&&&&&&&&&&&&&&&&&&&
    عند هيام
    هيام نايمه ومودارية عن شي
    &&&&&&&&&&&&&&&&&&&&&&&&&&&&&&&&&&&&
    عند حنان
    حنان تجهز اغراضها وفرح دوشتها اتصالات كل شويه طبعا اقرب وحده لها ومن الخوف مو عارفة وش تسوي بس تتصل على حنونة
    &&&&&&&&&&&&&&&&&&&&&&&&&&&&&&&&&&&&
    عند اسيل
    كانت صاحية من الصبح تجهز نفسها لانها من النوع المهتم بنفسه مرة
    &&&&&&&&&&&&&&&&&&&&&&&&&&&&&&&&&&&&
    اخذنا لفة على كل بيت ودحين خلونا نروح لراعية الشي عروستنا فرح
    فرح راحت للكوافيرا هي وامها وهنادي
    ايش رايكم اعرفكم عن فرح وعايلتها اكثر
    فرح
    بنت حبوبة مرة وعاقلة يعني عقلها يوزن بلد بكاملها تحب فيصل ولد خالتها وخطيبها حاليا
    عائلة فرح
    ابوها _ رجال كبير سن واموره متيسرة
    امها _ معنى كلمة الام الزم ماعليها بناتها وولدها مهتمة في بيتها وكل جيرانها يحبوها
    تركي _ 27 سنة متزوج وعنده بنت عمرها 3 سنين جوري
    هنادي _ 21 سنة بالجامعة قسم تاريخ متزوجة ولد خالتها فهد
    فرح _ ثالث ثنوي مخطوبة لولد خالتها فيصل اخو فهد
    &&&&&&&&&&&&&&&&&&&&&&&&&&&&&&&&&&&
    على الساعة 3 العصر
    فرح يمه بتروحو ا وتسيبوني هنا
    ام فرح _ اركدي يابنت وش فيك لازم تقعدي هنا لسه ماخلصتي
    فرح _ يمه بس
    ام فرح _ ولا بس ولاغيره لو خلصتي برسل لك تركي
    فرح _ طيب
    راحوا اهل فرح على القاعة وكانت ام فيصل وبناتها كلهم هناك
    خلوني اعرفكم على خالة فرح وام زوجها
    عائلة خاله فرح
    فهد _ 25 سنة عسكري ومتزوج هنادي بنت خالته
    فيصل _ 24 محامي خطيب فرح
    ريهام _ 21 سنة قسم عربي
    ريم _ 18 سنة ثالث ثنوي
    &&&&&&&&&&&&&&&&&&&&&&&&&&&&&&
    ام فرح _ ريهام وانا خالتك روحي قولي لهنادي تتصل على فرح تشوف وش سوت
    ريهام _ من عنوني ياخالتي
    ريهام طلعت للبنات فوق في الغرف هنودة هنودة
    هنادي _ ها رمرم وش فيه
    ريهام _ تقولك خالتي اتصل على فرح شوفيها
    هنادي _ يوووه تصدقي نسيتها تلاقيها ولعت هناك
    ريم _ لا ماعليك والله تلاقيها ولا خطرنا على بالها جالسة تسولف مع اخوي اعرف حركاته
    هنادي وريهام _ هههههههههه
    ريهام _ في هذي صدقتي مدري بنات خالتي وش مسوين في خواني مهبلين بيهم
    هنادي _ احم احم هذا سر المهنة
    ريهام _ ماابي اعرف الطريقة لو ان تروك مو متزوج كان خذيتها
    هنادي _ والله ماسمعتك وجدان ولا كان ورتك شغلك
    ريهام _ هههههههههه
    ريم _ ها بنات وش رايكم حلو شكلي كذا
    هنادي وريهام _ تجنني
    ريهام _ هنودة اتصلي على فروحة وش فيك نسيتيها
    هنادي _ ايوا دحين بتصل
    وخذت جوالها واتصلت على فرح
    فرح كانت مو عارفة كيف تتصرف اول مادق الجوال رفعت على طول
    هنادي _ ماشاء الله عروستنا جالسة على الجوال ولا ايش
    فرح _ هنودة خير وش تبي
    هنادي _ هذا جزاتي بتصل اشوفك وش سويتي
    فرح _ لسه ماخلصت لمن اخلص ادق عليكم يلا باي
    هنادي _ باي
    ريهام _ غريبة فروحة تقفل بسرعة وماتطول
    هنادي _ شكلها مشغولة تقول لمن تخلص تدق
    ريم _ بنات يلا ننزل ترى المعزيم جو
    نزلوا هنادي وريم وريهام القاعة اللي امتلت ناس
    &&&&&&&&&&&&&&&&&&&&&&&&&&&&&&&&
    في صالون ............. ع الساعة 10
    غرام _ يلا بنات ترى تاخرنا
    حنان _ خلاص خلصنا بس نستنى دندون تلبس
    اسيل _ بنات كيف شكلي حلو
    هيام وحنان _ بردود مختلفة ايوا حلوة
    غرام قربت من اسيل
    غرام _ اقول اسولة والله لو شافك اخوي بسام يمكن يدوخ
    اسيل _ خدودها حمرت من الخجل بس اسكتي لاتفضحيني
    دنيا _ انا خلصت
    غرام _ طيب يلا دندون دقي على اخوكي خويلد خليه يجي قلتلكم لو نروح بسواقي ارحم
    دنيا _ ايش اسوي ان كان لك عند الكلب حاجة قولوا
    البنات _ ياسيدي
    دنيا _ هو دا
    دنيا _ راحت تكلم أخوها خالد عشان يجي وياخذهم ويجيب معاه المفاجاءة
    ورجعت للبنات
    دنيا _ حنونة اتصلي على فروحة وشوفي خلصت ولا لا عشان نشوف وين نحط ال..........
    حنان _ اوكي وخذت جوالها واتصلت على فرح
    فرح _ هلا حنونتي
    حنان _ هلا بالعروس ها خلصتي ولا لسه
    فرح _ لا لسه
    حنان _ يعني متى راح تجي
    فرح _ مدري يمكن ساعة كمان
    حنان _ اهااااااااا يلا اشوفك هناك
    فرح _ انتوا لسه مارحتوا القاعة
    حنان _ لا دحين بنخرج
    فرح _ طيب يلا اسيبك حنونة انا مرة مشغولة
    حنان _ طيب يلا سي يووووو
    حنان _ تقول لسه باقي لها زي ساعة
    هيام _ تمام
    دق خالد على دنيا وخرجوا وركبوا السيارة
    كانت سياره اهل دنيا جمس كبير ركبت دنيا قدام وخلف خالد هيام وجنبها حنان وجنبها اسيل واخر شي غرام وراحو على القاعة
    اول مادخلو كان في استقبالهم هنادي سلموا عليها وعلى اهل فرح و خالتها وريم وريهام وطلعوا فوق في غرفة فرح
    طبعا كانوا مخططين مع هنادي ومرتبين كل شي
    طلعوا الغرفة وجهزوا المفاجاءة ورتبوا كل شي واتزبطوا هما ونزلوا تحت كانت القاعة مرة
    زحمة المعازيم كثير
    وتقريبا بعدهم بنص ساعة وصلت فرح على الساعة 11 ونص وطلعت على الغرفة
    وكان في استقبالها امها وهنادي وخالتها وريم وريهام وجلست وهي مرة متوترة
    ام فرح _ ماشاء الله تبارك الرحمان بسم الله عليك يابنيتي
    ريهام _ ماشاء الله فروحة شكلك مرة غير
    ريم _ فروحة ياخوفي فيصلوا اليوم يدوخ ولا ينصرع علينا وش هالجمال ماشاء الله
    خلوني اوصف لكم حالة فرح وكيف كان شكلها
    فرح رشيقة نوعا ما طولها طيب بيضاء وشعرها لنص كتفها وصابغته بني عيونها سوده وماهي كبيرة ولا صغيرة
    فستانها كان لونه اصفر ومرة يجنن كان بحبال مرة نحيفة يعني عريان والكرستالات اللي فيه
    مديتوا جمال وبينه سعروا فرح ماكانت تحط مكياج كثير فالكل اعجب بيها لان طلعت لها طلعة مرة حلوة
    اما عن احساسها كان خوف وارتباك وتوتر وفي نفس الوقت امتزج بالفرح والسعادة
    وكانت خجلانة من كلام امها وخالتها وبنات خالتها من كلامهم <<< الله يعينك لو جا فيصل وش بتسوي

    بعد ماسلموا عليها اهلها وكان فيصل راح يدخل طلبت فرح انها تشوف صاحباتها وتسلم عليهم قبل لاتتصور هي وفيصل
    نزلت هنادي تنادي البنات وطلعوا عند فرح
    في غرفة العروسة ......
    كانت الغرفة فاضية مافيها غير المصوراتية وفرح
    اول وحده دخلت حنان
    فرح _ حنونتي
    حنان اخذت فرح بالاحضان وبدوا الاثنين يدمعوا مايدروا هي دموع فرح ولا دموع ايش
    دنيا بعفويتها كعادتها _ اقول فروحة وحنونة هجدوا مسوين فلم هندي
    فرح _ انتي وش عرفك في هذي الاحاسيس
    غرام _ والله عشنا وشفنا عرايس وبعد لسانهم طويل انتي عروسة يعني ماتتكلمي بس تهزي راسك
    فرح _ ليه شايفتني هندية
    واخذوا بعض بالاحضان وجلسوا عندها البنات شويتين خففوا من توترها شوية
    لين ماجات هنادي وتقول ان فيصل بيدخل عند فرح
    اسيل _ لحول منك يافيصل مو مخلينا نرتاح معاك واقف لنا هنا
    فرح _ اسولة مااسمحلك
    اسيل وهيا تقلد صوت فرح _ اسولة مااسمحلك خلاص بنطلع يلا بنات
    هيام _ يلا فروحة حبيبتي انبسطي واحنا بنزل تحت نهيص ونترقص هذي ليلة صاحبتنا لازم نتخبل فيها
    غرام _ ايوا بننزل نترقص يمكن الله يفكنا من دندون وهيام ونلاقي حد يخطبهم
    دنيا _ ليه ياختي ماكلين من حلال زوجك ولا قاعدين على قلبك
    غرام _ ول مسجل انفك
    هيام _ ياسلام ياغرومة وايش معنى اسولة لا
    غرام وهي تغمز لاسيل _ لا اسولة عريسها عندي
    طبعا محد فهم شي لان السر بين اسيل وغرام
    هيام _ يلا خلونا ننزل قبل لافيصل يكرهنا اكثر
    سلما على فرح وهما نازلين عند الباب
    دنيا _ فروحة اسمعي كلامي زين احترمي نفسك في الصور ماعندنا بنات يتحضنوا ويتبوسوا ومدري ايش ترى كل الصور راح نشوفها هاااااااااااا وتقولها بخبث
    غرام _ سحبت دنيا خلي البنت براحتها ماعليك منها فروحة سوي اللي بخاطرك سيبك من الهبلة ذي
    فرح _ جالسة تضحك على صاحباتها وكان ودها تنزل معاهم بس حكم الزمن اقوى
    المصوراتية نيالك يافرح على هيك رفقة
    فرح _ ابتسمت لها وراحت ريهام تنادي فيصل ودخل عند عروستوا

    خلونا نسيب العرسان وننزل مع الهبلان اللي تحت
    &&&&&&&&&&&&&&&&&&&&&&&&&&&&&
    في غرفة عروستنا .....
    فيصل _ الليلة ليلة عمر انا فيها مع القمر
    فرح كانت بمووت من الحيا _ تسلم
    فيصل _ اليوم حلوة بزيادة
    فرح _ عيونك احلا
    الحين هذا كله وفرح راخية عينها تطالع في الارض قرب منها فيصل وباسها
    فرح وهي معصبة _ فييييصل عيييييييييب
    فيصل _ مافي عيب حبيبتي انتي زوجتي الحين
    وجا بيقرب منها تاني الا المصورة دخلت وماعطته فرصة وفرح انبسطت
    &&&&&&&&&&&&&&&&&&&&&&&&&&&&
    راحو البنات يجهزو للمفاجأة لان الزفة قربت
    الساعة 3 وربع
    بدت فرح تتجهز للزفة هيا وفيصل والمعازيم تغطوا
    نزلت فرح وكانه بدر كان شكلها مرة جونان الكل انبهر فيها
    ودخلت على موسيقى هادية واول ماوصل الممر بدت اغنية الزفة وكانت اغنية روعة فيها اسم فرح وفيصل
    بعد ماوصلت الكوشة جات ريم اخت فيصل وشايلة معاها علبة الشبكة وكانت مغلفة بشكل مرة حلو
    وقدمتها لفيصل عشان يلبس الشبكة فرح
    مسك يدها اللي كانت باردة زي الثلج وهي ترتجف من الخوف ولبسها الدبلة ولبسها طقم الشبكة
    وهي لبستوا الدبلة
    وبعد كذا اتفاجاءت فرح .......................
    &&&&&&&&&&&&&&&&&&&&&&&&&&&&&&&&&&
    في طاولة البنات
    هيام _ ياحليلك يافرح الله يوفقك
    غرام _ يارب يلا دندون روحي بسرعة
    راحت دنيا وقال للمطربة تشغل الشريط
    &&&&&&&&&&&&&&&&&&&&&&&&&&&&&&&&&
    عند فرح
    فرح تفاجاءت من الاغنية اللي سمعتها
    كانت اغنية اصالة بين ايديك انا بنسى روحي بين ايديك
    فرح كانت متوترة ومستغربة من اللي سمعتوا
    القاعة كلها كانت هادئة مافيها غير الصوت البنات وهما يهتفوا ويقولوا فرح فرح فرح فرح ويقولوها بلحن معين
    وبعدها يرجعوا يقولوا فيصل فيصل فيصل وبنفس اللحن
    فرح صارت مو عارفةايش تسوي وقطع افكارها فبصل وهو يمسك يدها ويقومها عشان ترقص معاه
    البنات اول ماشافوا فيصل قام سكتوا ومافي غير ريهام ودنيا يصفروا
    خلوني اوصف لكم شعور فرح
    فرح كانت تتمنى ان الارض تنشق وتبلعها كانت مرة مكسوفة من الناس عامة ومن فيصل
    خاصة والبنات مبسوطين ان خطتهم نجحت
    فيصل وفرح مندمجين مع الرقصة الرومنسية هذي وكانت الاجواء في القاعة تاهل لكذا كانت اضاءات خفيفة لونها احمر والضوء ساطع بس على العرسان
    فرح بهمس عن اذن فيصل _ فيصل خلينا نجلس
    فيصل حس ان فرح شوية وتدوخ من الحجل قلها طيب وجلسوا
    جاري تحميل الصفحة...
    آخر تعديل بواسطة المشرف: ‏15 نوفمبر 2010
    أعجب بهذه المشاركة بْـنيــة
  2. ملكة المملكة
    Offline

    ملكة المملكة عضو جديد

    إنضم إلينا في:
    ‏27 ابريل 2010
    المشاركات:
    141
    الإعجابات المتلقاة:
    4
    نقاط الجائزة:
    0
    رد: رواية حقوق العشق محفوظة بقلمي ( رواية سعودية جريئة )

    يسلمو خيتو على الطرح

    انا لسى ماقريت القصه اذا كملتيها راح اقرااها
  3. بْـنيــة
    Offline

    بْـنيــة .. عضو مميز .. .. عضو مميز ..

    إنضم إلينا في:
    ‏22 فبراير 2009
    المشاركات:
    5,042
    الإعجابات المتلقاة:
    1,005
    نقاط الجائزة:
    0
    رد: رواية حقوق العشق محفوظة بقلمي ( رواية سعودية جريئة )

    اهلاً دروب :55:
    عنوان الروايه رائع والمحتوى اتوقع بيكون نفس الشيئ لأني ماحملتها :tongue:
    بس ياليتك نزلتيها مباشره بدون ملف لآنه اسهل من شغلة التحميل ثانياً حفظاً لحقوقك
    ثالثأ والاهم حتى يكون قرأها اكثر لأن الزوار مايقدرون يحملون الملفات المرفقه

    فيا ليت ترجعين تنزلينها مره ثانيه مباشره بدون ملفات
    حتى اثبتها لك :55:



    شكرا :26:

  4. دروب المحبه
    Offline

    دروب المحبه .. كاتبة ..

    إنضم إلينا في:
    ‏12 نوفمبر 2010
    المشاركات:
    123
    الإعجابات المتلقاة:
    3
    نقاط الجائزة:
    0
    رد: رواية حقوق العشق محفوظة بقلمي ( رواية سعودية جريئة )

    اسعدني تواجدكم في صفحتي وان شاء الله راح انزلها بدون ارفاق يابنيه ثانكس صررراحة على النصيحة الامورة اللي مثلك

    /


    عند البنات
    دنيا خسارة جلسوا كنت ابغاهم يكملوا الاغنية كلها
    هيام _ بس عاد انتي والله تلاقي فروحة اغمى عليها
    ريم _ والله فيصلو طلع مو هين يعرف يرقص
    واشتغلت اغنية هادية وطلعت ريهام وطلعت الكيكة للعرسان وقطعوا الكيكة واكل فيصل فرح وفرح اكلت فيصل منها
    دنيا كانت مجهزة للمفاجاءة الثانية وهي ....................
    فيصل جالس يكلم فرح وفرح تحس انها انشلت مو قادرة تسوي شي وشوي الا اتفاجاءت فرح على شاشة العرض
    صورتها هي وفيصل وهما صغار فرح عرفت ان اللي مسوية الفيديو اكيييييييد اسيل ودنيا
    لانهم فنانين على الكمبيوتر وعجبتها المفاجاءة مرة وكانت العرض يجنن عبارة عن فيديو وفي اغاني وابيات شعر وبعض الصور اللي لاعبين فيها دنيا واسيل بالفتوشوب ومخلين ان فيصل ووفرح مع بعض في اغلب الصور وكان التنسيق له مرة حلو
    الكل انبسط خصوصا فيصل لكن فيصل خرج من القاعة وطلعوا الناس يسلموا على العروسة
    فرح كانت تسلم على الناس وعينها على صاحباتها اللي متعودة فيهم على الرقصة اللي خلوها ترقصها غصب
    حنان _ بنات طالعوا فروحة كيف تطالع فينا
    غرام _ ولا كانك شايفتها
    هيام _ ايش رايكم نطلع نتصور معاها والناس في عشان ماتخاصمنا على الاغنية
    اسيل _ والله صادقة يلا بنات
    طلعوا البنات وسلموا عليها وفرح مو قادرة تتكلم لان اهلها عمتها وحريم عمانها جنبها بعد مانزلو الناس
    دنيا اول ماشفت ان الكوشة مافيها غير هما وفرح قالت يلا بنات مع السلامة انا بروح تبغوا شي
    هيام تدق دنيا وتكلمها بشويش _ دندون انثبري هذي مو كانت فكرتك
    فرح _ مين فيكم سوت كذا
    غرام _ ايش سوينا
    فرح _ الاغنية
    الكل في حالة صمت
    دنيا _ هذي حنونة
    حنان _ وه دندون والله فروحة مو انا
    فرح _ بسرعة مين
    دنيا _ انا خير عندك شي عندك أي اعتراض
    فرح _ كنت عارفة ان انتي ام المصايب
    دنيا _ الله يسامحك وانا قلت وتغمز لفرح اخليكم تعيشوا جو رومنسي هذي جزاتي
    فرح _ بس يادندون
    اسيل _ خلاص بنات اللي صار صار خلونا نتصور بسرعة
    فرح _ تطالع في دنيا وتقلها حسابك بعدين
    اتصوروا الشلة مع بعض وخلوها صور تذكارية لهم والكل انبسط في هذا اليوم
    في البارت الجاي راح تكون مقابلة غرام لزياد وغيرها من واقف البنات الحلوة
    توقعاتكم ياحلويييييييييييييييييييييييييين
    &&&&&&&&&&&&&&&&&&&&&&&&&&&&&&&&&&
    البارت الثاني....
    رجع الكل من الملكة ونشوف كل وحدة كيف لمن رجعت
    عند فرح ....
    سهرت مع فيصل اكيد ورجعت البيت وكلمت فيصل قبل لا تنام ونامت وكانت في يومها اسم على مسمى
    &&&&&&&&&&&&&&&&&&&&&&&&&&&&&&&&&&&&&
    عند حنان .....
    نخليكم تتعرفو على حنان اكثر قبل
    حنان _ اسم على مسمى حنونة مررررة وتحب كل الناس متدينة شوية واقرب وحدة لها من صحباتها فرح وتعتبرها مثل اختها
    عيلة حنان ...
    ابوها _ صاحب عقارت وحالته طيبة
    محمد _ اخوها الكبير 26 سنة موظف في شركة
    وعد ووسن _ تواءم 20 سنة
    وليد _ 7 سنين دلوع العيلة بالابتدائي
    رجعت حنان وامها واخواتها من الملكة ولقو محمد ووليد يلعبو بلايستيشن
    وعد _ انت يالبزر وش مسهرك
    وسن _ حنا ماعندنا بزران يسهرون
    وليد زعل وشوية ويبكي
    حنان _ حبيبي سيبك منهم بعدين انت منت بزر انت رجال واكيد خسرت محمد
    وليد انبسط _ ايوا خسرته 3 مرات
    محمد _ والله انا غلطان قاعد العب مع بزارين تعايرني يالغبي
    ام حنان _ يلا وليد حبيبي تعال ننام
    وسن _ شفت يابزر ماتنام الا مع امك
    وليد يطلعلها لسانه وطلع مع امه
    &&&&&&&&&&&&&&&&&&&&&&&&&&&&&&&&&&&&
    عند اسيل ...
    رجعت هيا وامها تعبانة ونامت على طول
    &&&&&&&&&&&&&&&&&&&&&&&&&&&&&&&&&&&&
    عند غرام ....
    رجعت غرام ولقيت امها وبسام قاعدين
    غرام _ صباح الخير بسوم وحشتني طول اليوم ماشفتك
    بسام _ صباح النور غرومة وانتي بعد كيف الملكة
    ام غرام _ وانا غرومة مالي سلام
    غرام _ والله لو انك تحشميني احشمك اليوم كل صحباتي جو معهم امهاتهم الا انتي والكل يسالني عنك فشلتيني خليتيني اكذب واقول مريضة
    بسام _ عيب ياغرام مايصير
    ام غرام بكل برود _ طيش مراهقات
    وقامت وسابتهم
    قعدت غرام جنب بسام وهي تبكي
    غرام _ يالله تصدق حسيت اليوم اني وحيدة كل صحباتي والبنات الموجودين امهاتهم معاهم يزبطونهم وينتبهون عليهم ويقرون عليهم الا انا وكمان يسالوني عنها وصرت ماعرف ارد لان دوم يسالوني عنها والله يابسام احس لو انها ميتة احسن على الاقل يكون لها عذر
    بسام _ حبيبتي ماقدر اشوف دمعتك ولا تقولين كذا الله يهديها بس وش نقول
    غرام _ تدري بسام انت كل اهل مالي غيرك بعد ابوي
    حضن بسام غرام وهي كانت محتاجته لانها فاقدة حنان الاب والام
    وطلعت غرام لغرفتها عشان تنام ودق جوالها
    غرام _ هلا زيود
    زياد _ هلا حياتي وحشتيني
    غرام _ وانت بعد بس خلاص بكرة حاشوفك
    زياد _ ماني مصدق متى اشوفك يارنا
    غرام _ زين انك دقيت بغيت اقلك خلي الموعد الساعة 5 مرتبطة مع صحباتي باليل
    زياد _ اوكي حبيبتي المهم اشوفك
    غرام _ طيب الحين بنام عشان مرررة تعبانة
    زياد _ ياقلبي سلامتك اجي انام معك ادفيكي
    غرام _ اشوفك زيود تماديت شكلك ناوي تخسرني
    زياد _ خلاص انا اسف بس من لهفتي عليك مستني متى اشوفك واضمك
    غرام _ وش تضمني اقول زيود احترم نفسك
    زياد _ وش فيكي حبيبتي عصبتي خلاص عى العموم اسف
    غرام _ خلاص اوكي باي
    زياد _ باي ياعمري
    غرام _ والله يازيود تماديت تنام معي ياكلب والله لاراويك
    &&&&&&&&&&&&&&&&&&&&&&&&&&&
    عند دنيا ....
    رجعت دنيا وامها ولقت اخوانها ورهف قاعدين
    رهف _ تاخرتو اكيد الملكة كانت حلوة هيا دندون حكيني عن كل شي
    ام دنيا _ صلي على النبي دوبنا داخلين
    خالد يبغى يقهر رهف _ ياحرام يارهف تحزنين مارحتي عشانك معنقزة وشكلك مررة مو حلو
    دنيا _ ههههههههه تخيل لو راحت رهف تصير تخرع المعازيم بحبوبها
    رهف _ اهجدوا والله انكم ماتستحون دنيا خلصي حكيني هيا
    دنيا تطلعلها لسانها _ مابحكيلك
    أحمد _ يمى وش البزارين اللي جبتيهم
    دنيا _ حنا بزارين ياحمادة طيب وانا اللي جبتلك عروس هيا بطلت
    أحمد _ حمادة بعينك بعدين ماابغى عروس من عندك تكون مهبولة زي حالاتك
    رهف عصبت من دنيا وقامت تجري وراها وصارو يجرون ورا بعض
    &&&&&&&&&&&&&&&&&&&&&&&&&&&&&
    عند هيام .....
    هيام _ بالله ماما كيف الفساتين حقت البنات ترا انا مصممتها
    ام هيام _ احلا فساتين في القاعة فساتينهم وطبعا ياعمري انتي احلاهم
    شهد _ اقول ترا انا اغار
    ام هيام _ شهودة مايبغالها جمالك كان مغطي على الحفلة
    دخل ابو هيام ولقاهم يفسخو عباياتهم
    ابو هيام _ وينكم ياداشرات للحين برا البيت
    ام هيام _ حسبي الله ونعم الوكيل
    هيام _ بابا احنا قلنالك اليوم ملكة صحبتي ورحناها
    ابو هيام _ والله ماوراكم غير الدشرات والسهرات ياقليلات الحيا
    ام هيام _ وانت ماتسالنا ويننا الا لا جيت اسال نفسك وانت طول الوقت ماندري عنك
    ابو هيام _ اقول ياحرمة اهجدي الحين لا اوريك شغلك مو كفاية ماجبتيلي غير البنات والهم
    وطلع ينام
    وصارت ام هيام تحاول تهدي بناتها وتمزح عشان تخفف عليهم
    هيام _ تدري ماما انا مقدر اعيش يوم بدونك
    شهد _ يارب يجعل موتي هو نفس يوم موتك
    ام هيام _ لا تقولين كدة ياشهودة بسم الله عليك
    &&&&&&&&&&&&&&&&&&&&&&&&&&&&&&&&
    في اليوم الثاني
    صحيت غرام في العصر
    غرام _ يالله يادوب البس والحق على موعد زياد
    ولبست غرام وراحت لزياد
    زياد _ ياهلا حياتي وش فيكي تاخريتي قلقت عليك انا جيت قبل الساعة 5
    غرام _ مافي شي بعدين انت مين قلك تجي قبل الموعد
    ودخلو المطعم
    زياد _ وش فيكي حبيبتي تعامليني كذا
    غرام _ لا حبيبي بس عشان دوبي صاحية
    زياد _ حبيبتي متلهف اشوفك اشتقتلك اكشفي وجهك
    غرام فكت اللثمة
    زياد _ ياعمري صرتي احلا من اخر مرة شفتك فيها
    غرام _ ثانكس وش تبغى تطلب
    زياد _ اطلبيلي على ذوقك
    وبعد فترة بسيطة
    غرام _ زياد حبيبي اليوم انا جيت وابغى اقلك على موضوع مهم
    زياد _ آمري كم رنا عندي
    غرام _ والله يازياد ماني عارفة كيف اقلك اممم
    زياد انت تعرف انه انا احبك صح
    زياد _ ايوا حبيبتي وش السالفة
    غرام _ شوف زياد نا اكتشفت اني احبك
    بس احبك زي اخوي
    زياد _ هههه وش تقولين انتي اكيد تمزحي
    غرام _ وكيف امزح في موضوع زي كذا هذا مصير
    زياد _ ---------
    غرام وتسوي نفسها متأثرة _ والله ماقدرت احبك
    زياد عصب _ والله انا الغلطان اني عرفت وحدة سافلة زيك
    وقام وسابها
    غرام _ انا سافلة ياسافل والله لاوريك
    وتلثمت وراحت وراه وفي موقف السيارات
    غرام _ ياللي ماتستحي تمسكني ياابن الكلب واعطته كف
    الناس تلمو عليهم بس ماكان في ناس كثير بالموقف
    زياد تفاجأ من جراءتها
    وجا عليها بيضربها مسكوه الرجال
    الرجال باقوال مختلفة _ ياللي ماتستحي تعاكسها وبعد تبغى تضربها
    وكانت غرام معطية موعد لحبيبها الثاني محمد وجا محمد وشاف اللمة
    وراحت غرام عليه وبكل براءة _ حمودي لحق علي شوف هالكلب هذا عاكسني ومسكني بعد وانا استناك
    راح محمد على زياد وهو معصب ومسكه وسدحه ضرب لان كان زياد من النوع اللي جسمه نحيف بعكس محمد اللي كان طول بعرض وعضلات
    زياد وهو يحاول يقاوم محمد _ مين انت
    محمد _ انا خطيبها ياوسخ
    غرام كانت في قمة السعادة اخذت حقها من زياد وورته شغله
    وبعد مافرقه بينهم الرجال طبعا زياد ماصدق وشرد على طول
    محمد _ حبيبتي انتي وش جابك قبل الموعد
    غرام _ ياقلبي من شوقي ليك جيت قبل الوقت والا هالكلب يعاكسني
    ودخل المطعم غرام ومحمد وقعدو مع بعض وبعدين راح محمد
    خرجت غرام تستنى السواق برا والا تلاقي واحد في قمة الجمال والوسامة كان طويل وابيض وحلو وعيونه زرقا وشعره طويل شوية وقاصه قصه رووعة وكان لابس بنطلون ابيض وقميص سماوي نص كم وفاتح الازارير اللي فوق ولابس جزمة بيضا كان شكله فعلا وسيم
    غرام _ ياقلبي يجننننن ايش يجنن هذا مافي احد احلا منه ياويلي على الجمال والاناقة هذا لازم الفت نظره واخذ رقمه هذا معقول موجود بالسعودية
    بس للاسف كان الوسيم يتكلم في الجوال ومندمج مررة وهو يتكلم ضحك
    غرام _ يسعدو ياناس تهبل ضحكته
    لكن ماقدرت غرام تلفت نظره لانه كان مندمج في المكالمة لكن بعد فترة قليلة قفل المكالمة
    غرام _ اخيرا قفل المكالمة ياربي اروح استهبل واسالو عن أي شي بس عن ايش حسألو يالله بتجنن لو مااخذت رقمه
    لكن شكلها غرام حتتجنن لان الوسيم راح على سيارته وحرك
    غرام _ لااااااااااااا ياربي ليش راح
    ورجعت غرام للبيت وهي معصبة ولقت صحباتها سبقوها للبيت
    في بيت غرام
    دنيا _ هلا والله تحبين تشربين قهوة ولا شاي
    هيام _ لو ماجيتي وتعبتي حالك ترا جالسين لنا ساعة لحالنا في البيت
    اسيل _ بدري ماكان جيتي احسن
    غرام _ اسكتو بس مادريتو وش سويت في زياد اليوم تموتون ضحك
    فرح _ مين زياد
    غرام _ واحد دلخ اعرفه المهم ( وحكتهم وش سوت في زياد )
    حنان _ يالله انتي مرررة متهورة تعطي موعد لشخصين والله انك مجنونة
    دنيا _ ياغبية تخيلي لو زياد قال لمحمد انه يعرفك
    اسيل _ والله حبيبتي كذا مايصير مو كل مرة تسلم الجرة بس محمد طلع نشمي
    غرام _ اقول بس سيبوكم من هاذولي الاثنين اليوم شفت واحد وش يجنن كلمة حلو قليلة عليه بس ماقدرت اخذ رقمه
    هيام _ احسن والله انك مجنونة
    غرام _ وش رايكم نبطل الهرجة دي ونبتدي نسجل
    وقعدو البنات وكل وحدة قدامها الاب توب حقها عشان تسجل للجامعة
    حنان _ بنات محتارة كيميا ولا احياء
    اسيل _ وانا كمان انجليزي ولا حاسب
    فرح _ انا ودي ادخل كيميا
    غرام _اسولة ادخلي انجليزي زيي
    هيام _ ياحرام والله تحزنو وانتو محتارين
    دنيا _ طبعا مو انتي عارفة وش حتدخلي
    اسيل _ خلاص انا بدخل انجليزي مع غرومة اصلا انا احبه
    فرح _ ها حنو وش قررتي
    حنان _ تصدقي احس الكيميا احلا الاحياء فيه اشياء تقرف خلاص بدخل كيميا
    دنيا _ ياقلبي عليكم كلكم خلصتو الا انا مدري اصلا وش ادخل
    غرام _ دنودنة ادخلي طب خخخخخخ
    دنيا _ طيب واول وحدة بشرحها انتي
    اسيل _ دامك ماتدري وش بتدخلين ادخلي انجليزي معنا
    دنيا _ لا بالله فكينا مااحب الانجليزي
    هيام _ اممم دندونة جاتني فكرة حلوة ادخلي ادارة اعمال والله حلو ولايق عليكي
    دنيا _ تصدقين حلو
    هيام _ طبعا انا اقول شي مو حلو
    &&&&&&&&&&&&&&&&&&&&&&&&&&&&&
    وبعد ماخلصو البنات من التسجيل
    فرح _ بنااات مو جبت الصور معايا
    حنان _ الله ورينا هيا
    غرام _ ابغى صورك انتي وفيصل اول ابغى اشوف الفضايح
    وورتهم اول صورة اللي ماسكها من وسطها
    دنيا _ ياقليلين الحيا وش هذا كله
    اسيل _ وش فيك انتي مو مملكين وبعدين ياهبلة تبغيهم يتصوروا وبينهم متر احسن
    دنيا _ ايوا خليهم مؤدبين بدل المصخرة هذي
    وورتهم الصورة لثانية اللي حاضنها فيها
    دنيا _ اقول ترا تماديتو كان دخلتو احسن
    فرح _ دنيا انتي ناوية تنضربي اليوم اصلا انا حاقدة عليكي من امس اسكتي احسنلك
    هيام _ دندون وانتي ايش دخلك مسوية فيها المؤدبة اموت واشوفك انتي وزوجك
    دنيا _ ومين قلك بوريكي الصور
    وورتهم الصورة اللي بعدها اللي باسها فيها فيصل
    غرام _ وااااو تجنن الصورة مرة حلوة
    دنيا _ والله انك قليلة حيا عجبتك هاذي بعدين يابنت انا مو قلتلك احترمي نفسك في الصور
    فرح _ دنيا لو ماسكتي راح اذبحك مو اضربك
    دنيا _ طيب ياقليلة الحيا الشره مو عليك على اللي سايبك مع غريب بدون محرم لكن انا يوم زواجك اوريكي الصور والحركات هذي بطلعها من عيونك
    غرام _ بالله سكتوا هالهبلة هذي قال تدخلي محرم محرم مع وحده وزوجها انت عليك مخ كذا
    وورتهم باقي الصور وكانت كل شوية دنيا تنضرب على تعليقاتها
    &&&&&&&&&&&&&&&&&&&&&&&&&&&
    وقت البنات بيروحو
    غرام _ باتو معايا اصلا في الصباح حنروح التسجيل
    حنان _ لا حبيبتي ماينفع ماقلت لامي
    فرح _ وانا بعد وكمان ماقلت لفيصل
    دنيا _ ياهووو صرتي تاخدين اذنه والله وكبرنا يافروحة وصرنا ناخذ الشور
    فرح _ دنيا انقلعي
    هيام _ السواق حق دنيا جا وقلت لماما دحين بجي ماينفع
    اسيل _ اقول سيبيكي منهم انا حابات معاكي
    غرام _ ياعمري يااسولة
    وراحو البنات
    &&&&&&&&&&&&&&&&&&&&&&&&&&&&&&&&&&&
    طلعت اسيل وغرام لغرفتها
    غرام _ اسيل بتجنن اموت واعرف الولد اللي شفته
    اسيل _ غرومة حبيبتي والله كذا مايصير انا خايفة عليكي ترا مو كل مرة حتزبط زي ماتبغي
    غرام _ يااسيل هاذي حياتي مقدر اغيرها بعدين انا جيعانة امشي ننزل تحت واكلم الطباخ يسويلنا اكل
    اسيل _ اوكي يلا
    ونزلو وقعدت اسيل عند التلفزيون وراحت غرام تكلم الطباخ
    جات اغنية على التلفزيون اسيل تحبها رفعت اسيل الصوت على اخره وقامت ترقص
    وفي ذا الوقت جا بسام من برا وسمع صوت التلفزيون العالي فراح للغرفة وشاف
    بنت حلوة وشعرها قصير صابغته هاي لايت وبيضا وجسمها مرة حلو ولابسة برمودا ابيض
    وبلوزة بمبة فاتح عريان كان شكلها حلو وهي ترقص
    صنم بسام في مكانه وهو يتفرج عليها وهي ترقص
    واسيل ماشافته لانها لمن تندمج في الرقص تغمض عيونها
    وخلصت الاغنية ووقفت اسيل رقص وفتحت عينها وشافت بسام
    تفاجات اسيل وصنمت في مكانها
    وبقيو حوالي ثواني وهما مصنمين يطالعو في بعض
    بعدين بسام كأن احد فوقه فاق وراح بسرعة من الغرفة
    واسيل بقيت مصنمة في مكانها وجات غرام
    غرام _ بسم الله وش فيكي واقفة زي الصنم حتى عيونك ماتحركيها
    غرام _ اسيل يادبة اهرجي اشبك
    اسيل _ بـ ــ ـ ـ سااام بـ ـساام ياغرام بسام
    غرام _ وش فيه بسام
    اسيل _ بسام دخل وانا قاعدة ارقص وشافني وانا مانتبهت كنت مغمضة عيوني مندمجة وفتحت عيوني لقيته قدامي
    غرام _ طيب اهدي بس خلاص عادي ماعليكي
    اسيل _ غرومة والله احراج
    غرام _ هههههه اقول بس خليني اروح اشوف اخوي لا يكون اغمى عليه
    اسيل _ ايوا بالله واتسفي منه على الاحراج
    &&&&&&&&&&&&&&&&&&&&&&&&&&&&&
    بسام _ غراااام ليش ماقلتيلي ان صحباتك هنا
    غرام _ اشبك عصبت بعدين انت وش دخلك عندها
    بسام _ احسبها انتي
    غرام _ تقولك اسفة على الاحراج
    بسام _ لا خلاص عادي مين من صحباتك وش اسمها
    غرام _ وليش تبغى تعرف
    بسام _ فضول بعدين انت ايش دخلك قولي
    غرام _ ها ها ماراح اقولك باي بسوم تبغى شي
    &&&&&&&&&&&&&&&&&&&&&&&&&&&&&&&
    نامت غرام لكن اسيل ماقدرت تنام قاعدة تفكر في بسام وصحيو الصباح وراحو كلهم للجامعة وتقابلو هناك وسجلو بعد
    هيام _ صرنا بنات جامعة
    دنيا _ كبرنا وعجزنا
    فرح _ مين هاذي اللي كبرت دندون استحالة
    غرام _ والله احس ان دنيا حتقعد تلعب بعدين مع احفادها شرعت
    البنات _ ههههههههههه
    دنيا _ ومين قلك اني بتجوز عشان اجيب احفاد اصلا انا ماابغى اتجوز رافضا هالفكرة
    فرح _ ياشيخة انقلعي هيا يارب خلي دنيا اول وحدة تزوج بعدي
    حنان _ ههههههههههه امين يارب
    &&&&&&&&&&&&&&&&&&&&&&&&&&&&&
    رجع الكل على بيته ماعدا اسيل لأنها رجعت لبيت غرام وفرح راحت خرجت مع فيصل
    وحنان خرجت مع اهلها تتمشى
    اما هيام راحت لدنيا لان جمعت العيلة عندهم
    رهف _ ياهلا بعمتي سعاد وحشتينا
    ام هيام _ وانتي بعد حبيبتي
    ام دنيا _ نور البيت بوجودكم كيف حالك ياسعاد
    ام هيام _ والله بخير اقول اخوي ابو عمار بيجي
    ام دنيا _ ايوا تلاقيهم على وصول
    وبعد فترة وصل بيت ابو عمار
    حاعرفكم على خال هيام وعم دنيا اكثر
    ابو عمار _ صاحب محلات تجارية كثيرة حالته طيبة وهو عم دنيا وخال هيام
    اولاده ..
    عمار _ ولده الكبير 25 سنة مهندس معماري
    سارة _ 24 سنة متزوجة وعندها بنت عمرها 3 سنين
    عادل _ 22 سنة بالجامعة
    روان _ 18 سنة بالثانوي
    &&&&&&&&&&&&&&&&&&&&&&&&&&&&&&&&
    دنيا _ بنات امشو نطلع نقعد فوق طفشت من قعدة الحريم وسواليفهم
    روان _ ايوا بالله احسن
    طلعو البنات فوق
    هيام _ والله يادندون جات على بالي فكرة راح تعجبك
    رهف _ قولي قولي بسرعة
    هيام _ والله انك اكتسبتي هبال من اختك
    دنيا _ هيومة اهجدي واهرجي
    هيام _ شوفي ياستي وش رايك نسوي حفلة لفروحة
    روان _ الله صحبتكم اللي ملكت اعرفها والله فكرة حلوة
    دنيا _ ياافكارك ياكرافت طيب قولي وين نسوويها في بيت غرومة
    هيام _ لا لا نبغاها على نطاق واسع شوفي حنا نرتب ان كل العوايل تجي يعني فرح واهلها وخالتها ام فيصل وغرام واسيل وحنان باهلهم وانا وانتي وبيت عمي
    دنيا _ الله الله والله فللللللللة بس فين حنتجمع
    هيام _ بالكباين
    دنيا _ ياهوووووووووو ياخبيثة افكارك تجنن الحين اكلمهم واشوف
    ودنيا مااعطت فرصة لاحد يتكلم مسكت جوالها وعلى طول بدت تتصل على كل العوايل
    &&&&&&&&&&&&&&&&&&&&&&&&&&7
    عند الشباب
    ابو عمار وين راحوا عمار وخالد
    عبد العزيز _ راح المقلط يتفرجوا المبارة
    احمد _ ماسك بنت عبد العزيز وجالس يلعبها
    عبد العزيز _ حميد سيب بنوتتي بحالها
    احمد _ والله عمها وحر فيها انت اخرج من السالفة صح عموووو
    جوري _ تهز راسها تححححح
    في المقلط
    خالد _ شوف ياعمار كيف والله ان حكم ماعنده هرجة
    عمار _ ايوا ايو ميسي هيا هيا
    خالد وعمار _ بصوت واحد يووووه ضاعت
    في هذي اللحظات رن جوال خالد
    خالد _ من زود الحماس اللي فيه عمار شوف مين متصل
    عمار _ المرجوجة ههههههه اول مرة اشوف واحد يكتب اسم موزة مرجوجة
    خالد _ دخيلك قال موزة لو اعرف موزة كذا كان اتطوع واعتكف في البيت مااخرج
    عمار _ ليش شكلها مطلعة لك قرون
    خالد _ هههههههههه والله مطلعة لي هبل وصداع تدري مين ذي
    عمار _ مييييين
    خالد _ هذي المرجوجة اختي المصون دندون
    عمار _ ههههههههههههه الله يرجك احد يسمي اخته كذا
    خالد _ شوف شوف هذي
    خالد وعمار بصوت رج الفيلا رج _ قوووووووووووووووووووول
    &&&&&&&&&&&&&&&&&&&&&&&&&&&&&&
    عند البنات
    دنيا _ انا اوريك ياخويلد والله لاازعجك لين ماترد ورجعت اتصلت مرة ثانية
    &&&&&&&&&&&&&&&&&&&&&&&&&&&&&&&&
    عند خالد وعمار
    خالد _ لاحول شوف من جنبك مين
    عمار _ هذي المرجوجة
    خالد _ لا لا ياكرستيان تكفى لاتجيبها باقي 10 دقايق جملوها يابرشلونة
    عمار _ خذ خلود جوالك دندون تدق
    خالد مع الحماس طيب رد عليها وشوف وش تبي
    عمار _ طيب وفتح الخط
    دنيا _ دحين انت ياللي ماتستحي ليش ماترد من اليوم اتصل عليك لكن هين شغلك عندي ياخلود
    عمار شوية ويموت من الضحك لان الاخت ماسكة خط ماشاء الله
    دنيا _ المهم خلود اسمع كلم ابوي وعمي وقلهم ترى احنا بنروح الكباين يوم الخميس واتفق معاهم فاهم
    عمار _ في ذا الوقت ماقدر يسكت وقال الوووو
    دنيا في نفسها صوت مين هذا الحلو معقولة خلود صار صوته كذا
    وبصوت ناعم ومبحوح _ الوووو
    عمار _ هلا دنيا
    دنيا لا والله هذا يعرفني كمان بس مو صوت خالد
    دنيا _ خالد
    عمار _ لا انا مو خالد
    دنيا _ اجل مين
    عمار _ انا عمار
    دنيا استحت منه وتفشلت _ ايوا عمار كيف طيب سوري كنت احسب انك خالد وبعدين انت ليش ترد على جوال اخوي هااا
    عمار _ هههههههههههه بشويش علي طيب خالد يتفرج المبارة وقلي رد
    دنيا _ اهاااا طيب متى تخلص المبارة
    عمار _ يعني 10 دقايق
    دنيا _ طيب انا بعد 10 دقايق ادق عليه يلا سلام
    عمار _ مع السلامة
    &&&&&&&&&&&&&&&&&&&&&&&&&&&
    البنات هادندون وش سويتي
    دنيا مطنشتهم ومكملة شغلها
    اتصلت دنيا على غرام
    دنيا _ الو
    غرام _ هلا دندون
    دنيا هلا فيك غرغر اقول غرغر كلمي اهلك وكلمي اسولة وقولي لهم بنروح يوم الخميس الكباين جهزوا نفسكم
    غرام _ اولا غرغر في عينك ثانيا وش المناسبة
    دنيا _ بعدين اقلك خليني ابلغ الكل بعدين اكلمك يلا باي ولاتنسي قولي لااسولة
    غرام _ اوكي شاو
    اسيل _ ايش في ياغرومة
    غرام _ حكت اسيل وقالت لها ان دنيا قالت كذا بس ماهم فاهمين شي
    &&&&&&&&&&&&&&&&&&&&&&&&&&&&&&
    عند دنيا
    دنيا _ الوووووووووو
    فرح _ الويييييييييييين
    دنيا _ استخفي انتي يامراهقة انتي وحركاتك ذيك
    فرح _ دندون اهجدي
    دنيا اقول بس لاتكثري اسمعي كلمي اهلك وكلمي فصول واهله وقولي لهم اننا يوم الخميس بنروح الكباين كلنا
    فرح _ طيب ليه يعني واي كباين
    دنيا _ مااعطتها وجه وقفلت السماعة بوجها
    البنات كلهم مستغربين ومفهين من دنيا اللي ماسكة الجوال من ناس لناس
    دنيا _ بسم الله وش فيكم تطالعوا كذا اول مرة تشوفوا وحدة تكلم جوال
    ومااعطت فرصة احد يتكلم ومسكت الجوال وتتصل
    دنيا _ الووووو
    حنان _ هلا والله
    دنيا _ هلا فيك اسمعي حنون كلمي اهلك واتفقي معاهم وقولي لهم ترا يوم الخميس طالعين الكباين كلنا ويلا مع السلامة وقفلت
    حنان _ جالسة مو مستوعبة شي وجلست تضحك على هبال دنيا
    &&&&&&&&&&&&&&&&&&&&&&&&&&&&&&&
    دنيا _ مين بقي ميييييييييين
    هيام _ الحارس والسواق بس
    دنيا عطت هيام نظرة بمعني اسكتي
    دنيا _ ايوا نور
    رهف _ نور مين مرت عزوز ماغيرها
    دنيا _ ايون
    دنيا _ الووووو
    نور _ هلا والله دندون
    دنيا _ هلا فيك كيف مرت اخوي الغالية
    نور _ بخيييير
    دنيا _ وكيف كتاكيتك الصغار
    نور _ طيبين بس ترى مااسمحلك تقولي عليهم كتاكيت
    دنيا _ المهم نور اسمعي احنا بنطلع يوم الخميس الكباين متجمعين انا وصاحباتي وبيت عمي وبيت عمتي وكلنا
    نور _ ماشاء الله والله ماقلي عزوز
    دنيا _ لا هو لسه مايدري احنا خططنا بس
    نور _ اهاااا قولي ان شاء الله بس مدري دندون تدري انا حتى جمعتكم ماجيت عشان اختي رباب جات من السفر هيا وزوجها
    دنيا _ ايوا والله صح قولي لها الحمد لله على سلامتها وبعدين عادي الله يحيكي انتي واهلك كلهم اخواتك وحريم اخوانك واي احد
    نور _ خلاص اشوف ان شاء الله
    دنيا _ يلا قلبو اسيبك تنبسطي مع اهلك وسلميلي على كتاكيتنا عشان ماتزعلي
    نور _ هههههههه الله يسلمك يلا مع السلامة
    &&&&&&&&&&&&&&&&&&&&&&&&&&&&&&&&
    غرام تتصل على دنيا جوالها مشغول
    غرام _ ايش رايك اسولة خليني اتصل على على هيومة
    اسيل _ ايوا اتصلي
    غرام كلمت هيام وهيام قالت لها السالفة وجلست تحكيها عن دندون وش مسوية
    دنيا _ اسمعي ساروووونة زي ماقلتلك مو تقولي ماتقدري تجي ومدري ايش
    سارة _ ان شاء الله اكلم سليمان واشوف
    دنيا _ ايوا كلميه من دحين عشان لايجلس يقول معزوم ويستهبل علينا
    سارة _ اشوف لسانك طال على زوجي
    دنيا _ انقلعي انتي على زوجك يلا سلام
    سارة _ مع السلامة
    غرام _ ماشاء الله عليها ياهيومة اللي الان ماخلصت
    هيام _ دندون تخلص ترى العوايل كلها عند خبر في اقل من ثلث ساعة
    غرام _ هههههههههههههههههه طيب يلا روحي وخليني اتصل على حنونة واقول لاسولة السالفة زين
    هيام _ اوك يلا باي
    غرام باااااااااااااااي
    غرام جلست تحكي اسيل وفطسوا ضحك على دندون وكلموا حنونة وقالوا لها السالفة عدل وحنان كلمت فرح وقالت لها بس طبعا ماقالت لها انهم بيحتفلوا فيها
    نرجع للمرجوجة دنيا
    دنيا _ اسمع خويلد كلم ابوي وعمي وترا كل العوايل عرفت ولازم يوافقوا وقلهم اننا بنجلس اسبوع يلا روح خمسة دقايق واخذ الموافقة منك باي
    خالد _ بل بالعة مسجل هذي الدندون وكمان تسك الخط بوجهي
    عمار _ جالس يضحك لانه عارف السالفة من اول
    احمد _ خير ش فيها ذي الهبلة
    خالد _ جلس حكاهم عن اقتراح دندون وكلهم وافقوا وعجبتهم الفكرة واحمد قال ان بياخذ اجازة من المستشفى ويفلها معاهم وكلموا ابو عمار وابو عبد العزيز ووافقوا بعد اقناع من الشباب

    بعد خمس دقائق وثلاثون ثانية <<< ادعس
    اتصلت دنيا على خالد
    دنيا _ ها وش قالوا
    خالد _ طيب قولي سلام قولي شي
    دنيا _ خلصني بسرعة
    خالد _ هذا جزاتي اني خليتهم يوافقوا
    دنيا _ احلف انهم وافقوا
    خالد _ والله
    دنيا _ تعال ياشيخ يبغالك قبلة على الجبين
    خالد _ ايوا الله يخلي المصلحة بس
    دنيا _ طيب يااحلى اخ بالدنيا اذلف دحين خليني اروح ابشر الخلق اللي اتفقت معاهم يلا مع السلامة
    ومانتظرت الرد من خالد ونزلت مثل الثاروخ على تحت تقول للحريم
    عند الحريم
    ام عمار _ والله فكرة ماهي شينة
    ام عبد العزيز _ والله انا ماعندي مانع على الاقل الواحد يفك عن نفسه
    ام هيام _ وانا كمان ماعندي مانع
    دنيا _ يسسسسسسسسسسسس طيب يمه كلمي ام اسيل وام فرح وام فيصل وام غرام واهل نور عشان تصير عزيمة حريم طيب يمه
    ام عبد العزيز _ اكيد يمه بتصل عليهم
    طلعت دنيا جري على فوق واخذت نظرة ع البنات واشكالهم تجنن كل وحده فاكلة فمها متر مستغربين وجلست تضحك بصوت عالي على اشكالهم
    واخذت جواله واتصلت على خالد
    خالد _ لاحول انتي ماعند غيري تزعجيني
    دنيا _ وش اسوي اخوي واحبك
    خالد _ خلصيني وش تبي
    دنيا _ اسمع كلم تركي اخو فرح وفيصل وبسام اخو غرام ومحمد اخو حنان وخلي عبد العزيز يكلم ارحامه الرجال ويعزمهم عشات تصير عزيمة رجال
    خالد _ ابشري عمتي تامري بشي ثاني
    دنيا _ لا سلامتك راااجو هههههههههههه
    خالد _ راجوا في عينك وقفل السماعة بوجها
    روان _دندون ارحمي نفسك في نص ساعة الخبر انتشر في جميع ارجاء جده
    دنيا _ رونا وجععععع قولي ماشاء الله انا اواكب عصر السرعة مو زيكم
    رهف _ يلا بنات خلوني نجهز ورتب كل شي مع البنات وبعدين نقوم ننبسط
    دنيا _ وه فديت اختي حبيبتي طالعة علي
    رهف _ تربيتك
    هيام _ رونا والله اني حزنانة عليك يارهيف لاتهبل فيك دندون
    دنيا _ انتي اسكتي بس اختي وحرة فيها
    شهد _ يلا بنات خلونا نتحرك
    دنيا _ اخيرا نطق ابو الهول اقصد شهودة
    هيام _ دندون ترى مااسمحلك على اختي
    شهد _ ماعليك منها يااختي العزيزة لاااخذ بكلام المجانين
    رهف قامت بسرعة الصاروخ وقامت تضرب في شهودة بس طبعا من باب المزح
    دنيا _ تصفر وتصفق لااختها أي كفوووووووووووا اختي تعجبيني خذي حقي منها
    وقاموا البنات يتضاربوا ويرموا بعض بالمخدات وهبلوا في بعض
    &&&&&&&&&&&&&&&&&&&&&&&&&&
    بعد مرور ساعة ونصف تقريبا مما حصل اعلاه
    دنيا _ خلاص دحين الكل وافق وكل شي تمام
    روان _ خلاص انا دحين بكلم عمار يوديني البيت عشان انام واقول العصر اجهز شنطتي
    هيام _ حتى انا بروح كمان مابقى غير يوم واحد خلونا نرتاح ونجهز اغراضنا
    خلص يوم الاربعاء وكان يوم حلو وممتع والكل راح ينام عشان يجهز لرحلة يوم الخميس
    راح نشوف كل التطورات رحلة الكباين هاذي راح تكون غير أي رحلة لان حتصير فيها مواقف وتغيرات حتغير من حياااة الكثييييير منهم حنعرف
    بس مو دحيييييييييييييين في البارت الجاااااااااااااي
    آخر تعديل بواسطة المشرف: ‏15 نوفمبر 2010
  5. دروب المحبه
    Offline

    دروب المحبه .. كاتبة ..

    إنضم إلينا في:
    ‏12 نوفمبر 2010
    المشاركات:
    123
    الإعجابات المتلقاة:
    3
    نقاط الجائزة:
    0
    رد: رواية حقوق العشق محفوظة بقلمي ( رواية سعودية جريئة )

    البارت الثالث

    مع اشراقة شمس يوم جديد الساعة 12 الظهر
    في بيت دنيا

    احمد _ خالد قوم قوم الغدا

    خالد _ يووووووه خليني انام كمان شوية

    احمد _ قوم ترى الساعة 12 واحنا ماشين ابحر الساعة 3 العصر

    خالد _ خلاص قايم

    قام خالد وغسل وجه ونزل هو واحمد _السلام عليكم وسلموا على راس امهم وابوهم

    دنيا _ واحنا مالنا سلام ولاشي

    احمد _ راح يبوس في رهف عناد في دنيا

    دنيا _ مالت

    ابو عبد العزيز _ خلاص ياعيال كانكم اطفال صغار اركدوا

    دنيا _ انت تامر امر

    كالعادة جلسوا دنيا واحمد مهاوشات ويمزحوا ع السفرة والعيلة كلها متعودة على هذي الرجة يوميااااا

    &&&&&&&&&&&&&&&&&&&&&&&&&&&&&&&&&

    خلونا نروح نزور بيت ثاني وهو بيت غرام

    غرام _ بسام خلاص لاتجلس تقلها روحي روحي هيا اصلا مو مهتمة خليها تروح مع صاحباتها نروح انا وانت

    بسام _ بس ياغرومة كيف مايصير

    غرام _ ماعليك منها اصلا انا اتعودت على غيابها لو راحت حيكون شي غريب وقامت تبكي

    بسام _ ليش الدموع هذي انا مااقدر اشوف دموع دلوعتي

    غرام _ بسام انا خايفة انتي اهلي ودنيتي كلها بس تكفى لاتسافر والله مااقدر على غيابك

    بسام _ ولا تزعلي نفسك بعدين غرومة كلها سنة وانا جايك وكل اجازة راح انط بوجهك وبعدين امي عندك

    غرام _ لاتجيب سيرتها بسوم وبعدين هي وانت هنا مو مهتمة لمن تروح بتهتم فيني

    بسام _ خلاص غرومة اهدي لاتبكي وبعدين مايصير تقولي كذا هذي برضها امك

    غرام _ زادت في البكى وصارت تشهق ووجها حمر

    بسام حضن غرام وجالس يهدي عليها وحاول يلطف الجو_ يلا قومي تجهزي خليني نمشي مشوار لمن نوصل ابحر وبعدين اقول غرومة صاحبتك هذيك ماتبينا نمر ناخذها معانا ويغمز لها

    غرام _ ضحكة على كلام بسام بسوم مين تقصد

    بسام _ لا مااقصد شي تعرفيني انا اخوك ماعندي سوالف بس ودي اعرف مين صاحبتك اللي كانت مبيته عندنا امس

    غرام _ أي أي اعرفك بس عناد ماراح اقلك

    بسام _ صار يدغدغ غرام وهي تضحك ههههههههههههههه بسسااااههههههههههههههههه بساااااامههههههههههههههههههه خلاص تكفي خلاص


    &&&&&&&&&&&&&&&&&&&&&&&&&&&&&&&

    في الشاليهات

    دنيا _ والله مرة تجنن

    رهف _ ايوا تخبل

    روان _ انا مو طلعة من هنا لو مين

    طبعا مافي احد وصل لسة غير عايلة دنيا عمها وعمتها

    هيام _ بنات تعالوا شوفوا

    دنيا _ قامت تخبط الكل وجر ها وش فيه

    هيام _ بسم الله صاروخ مترسل عليا

    دنيا _ قولي ماشاء الله وجععععععععععععع

    هيام _ شوفي مين وصل

    دنيا _ واي المراهقين وصلوا خلوني اروح استقبلهم واهبل فيهم شوية

    روان _ يلا ننزل كلناا

    &&&&&&&&&&&&&&&&&&&&&&&&&&&

    في سيارة بسام

    غرام _ يلا اسولة انزلي انا تحت

    بسام _ عرفت اسمها هذي هيا اسيل

    غرام _ ايوا هي ذي بسام اشوفك مهتم باسولة هاليومين

    بسام _ لا مهتم ولا شي

    غرام _ بحاول اصدقك

    اسيل جات وفتحت الباب السلام عليكم

    غرام وبسام _ وعليكم السلام

    ام اسيل _ كيفك ياغرام
    غرام _ الحمد لله ياخالة كيفك انتي

    ام اسيل _ الحمد لله بخير

    وكملوا طريقهم وصوت الاغاني في سيارة بسام وكل اغنية احلى من الثانية

    &&&&&&&&&&&&&&&&&&&&&&&&&&&&

    دنيا_ هلا والله بالمراهقة

    فرح _ دندون هجدي عني

    هيام تسلم على ريهام وريم وهنادي

    دنيا _ وين مراهقك

    فرح _ دخل عند العيال

    دنيا _ خسارة كنت ناوية اهبل فيكم

    هنادي _ يلا ياجماعة بنجلس في الشارع كذا

    هيام _ تعالوا ادخلوا حياكم

    دنيا _ تفضلوا تفضلوا الشاليه شاليهكم والبحر بحركم

    البنات _ ههههههههههههه

    روان _ من هنا غرفة الحريم ياخالة

    دخلوا ام فرح وام فيصل على الحريم واستقبلوهم والبنات طلعوا فوق عشان يفلوها
    خليني اوصف لكم الشاليه
    كان عبارة عن حوش كبير مزروع ورود واشجار وشي يجننن وفي العاب للاطفال وبعدين مسبح كبييييييييييييير وبعدين باب يدخلك على غرفة كبير وهي غرفة الحريم وقدامها صالة طيبة وفي الدور الثاني غرفتين كبار وصالة وبلوكنة وهذا الدور استحلوه البنات
    نجي لكبينة الشباب نفس التفصيل ونفس الشي الشياب تحت والشباب فوق ولكن الفرق عند الشباب ان عندهم بيت شعر ( خيمة ) زيادة وكان في باب فاصل بين الكبينتين

    حنان _ كم رقم الكبينة هيومة

    هيام _ 202

    حنان _ خلاص احنا وصلنا

    هيام _ تصرخ بنات قوموا حنونة جات

    دنيا طبعا اول الصواريخ اقصد اول المستقبلين وراحوا استقبلوا حنان واخواتها وامها دخلت عند الحريم ومحمد راح عند العيال وبعدها بشوي جات غرام واسيل واجتمعت الشلة كلها

    &&&&&&&&&&&&&&&&&&&&&&&&&&&&&&

    عند العيال
    تركي_ والله صراحة مرة حلوة

    احمد _ ايوا تستاهل

    عادل _ وش رايكم شباب نروح المقهى اللي برا

    خالد _ قصدك الي عند البوابة

    عادل _ ايه

    خالد _ يلا سرينا خلوني اروح ارقم كم وحده هناك

    عمار _ هذا اللي فالح فيه ترقيم بس

    خالد _ تبي تقنعني انك ماترقم ويغمز له

    عمار _ ابدااااا ولا افكر اجيب دوخ لراسي ليه ناقص وينعم صوته بيبي ابغى شحن بيبي ماما تعبانة ابغى مدري كم

    العيال _ هههههههههههههههههههه

    خالد _ يلا بس خلونا نلحق

    بسام _ مستعجل ع الترقيم ها ترى جالس اسبوع ماراح يطيروا البنات

    خالد _ ها وش رايكم في الشكل تمام كذا

    بسام _ تخقق

    محمد _ تطيح الطير من السما

    خالد _ لاداعي ادري ادري اني وسيم وجميل

    خرجوا كل العيال ومابقى غير عبد العزيز وتركي

    فهد _ يلا عيال وش فيكم جالسين

    تركي _ انا عندي اخلاص ماابغى اروح ارقم

    عبد العزيز _ وانا عندي وفاء اخلاقي ماتسمح لي

    فهد _ امش انت وهو بلا اخلاص بلا وفاء بلا امل تعالوا تبغوا العزاب يشمتوا فينا

    وراحوا الثلاثة وهما يضحكوا وصلوا عند العيال في المقهى


    &&&&&&&&&&&&&&&&&&&&&&&&&&

    شهد _ بنات تعالوا شوفوا

    دنيا _ وش فيه وش فيه

    شهد _ بسم الله بشويش

    دنيا _ تخبطها بكوعها اسكتي بس

    البنات بردود مختلفة ايش فيه

    دنيا _ طالعوا العيال وين رايحين

    غرام _ اكيييييييييييييد اكيييييييييييييد رايحين يرقموا ويدشروا

    سارة _ وه يرقموا سلومي معاهم ليه رايح

    هيام _ تقلد صوت ساره سلومي رايح ليه معاهم

    روان _ لاتنصدمي في سليمانك ياوانا اختك

    دنيا _ هههههههههههه تلقيه يسوي اكثر من كذا

    سارة انقلعي انا واثقة في حبيبي سلومي

    فرح _ بنات شوية شوية فصولي معاهم

    دنيا _ وجععععععععع يالمراهقة لاتدفي ايوا معاهم اكيييييد مو مراهق

    فرح _ انطمي انتي انا اوريك يافيصل هين

    ريم _ هنادي تعالي شوفي فهد متشيك ورايح معاهم
    هنادي _ خليه

    حنان _ شوفوا الناس العاقلة مو انتم يالمخفة

    دنيا _ تصفق تعجبني ياواثق

    ريهام _ بنات وش رايكم نسوي مقلب بالعيال

    دنيا _ يااااي حماس يلا

    هيام _ بس تاكدوا هما وين راحوا

    ريم _ فروحة اتصلي على فيصل واساليه

    فرح _ ماابغى اكلموا

    دنيا _ اقول كلميه وخلصينا قبل لايجيك كف مني

    فرح _ طيب اوف واصلت على فيصل وعرفت منه انهم راحوا يجلسوا بالمقهى

    فرح _ يقول بالمقهي راحوا يجلسوا

    دنيا _ لقيتها يلا تعالوا وراي

    اسيل _ والله انتم بتودونا في داهية

    دنيا _ امشي وانتي ساكته

    نزلوا البنات حبة حبة من الدرج وخرجوا من الباب الخلفي وراحوا كبينة العيال

    &&&&&&&&&&&&&&&&&&&&&&&&&&&&&&&

    في المقهى

    عبد العزيز _ طالع بس المراهقين ذول

    تركي _ بيتزوجوا ويعقلوا

    عبد العزيز _ الا قول بيتجننوا

    عمار _ انا سامع كلام عننا

    عبد العزيز _ ولو انا اقدر اتكلم في ولد العم
    عمار _ ايه احسب

    عادل _ خلودي شوف القمر اللي ماشي

    خالد _ ياويلي ع العيون اللي تشق المخ شق

    خالد بصوت عالي _ عمار ياحبي فديت عيونك الحلوة

    عمار _ تسلم يابعد عمري انت

    والعيال فاطسين ضحك ع عمار وخالد

    خالد _ عمار سجل رقمي الجديد عندك

    عمار _ كم ياقلبي

    خالد _ ...........05555

    خالد _ انتظر منك مكالمة ياحبي

    عمار _ ابشر استناني ع الليل

    والعيال ماتوا ضحك وخالد مبسوط وعمار جالس يستهبل معاه

    وبقيوا على حالهم هذا طول الليل كل واحد ياخذ له فصل ولعبوا بلوت وشربوا معسل وهيصوا

    &&&&&&&&&&&&&&&&&&&&&&&&&

    عند البنات

    دنيا _ رمرم روحي جيبي الخل بسرعة

    اسيل _ حرام عليكم في احد يشرب بيبسي بالخل والملح

    دنيا _ ايوا هذا ينشرب مع ليز بالملح والخل عشان يرتفع الضغط

    اسيل _ والله انتم مجرمين

    ريهام _ هذي علبة الخل يامعلم

    فرح _ لا بنات بطلوا اجرام سوا أي شي ثاني حرام فصولي يحب البيبسي اخاف يشرب منه

    غرام _ اهجدي يالمراهقة على قولت دندون
    روان _ يلا عادي فروحة خلينا نسوي حماس

    دنيا _ رهيف اختي حبيبتي سوي اللي قلتلك عليه

    رهف _ على ذا الخشم ياختي العزيزة

    رهف قربت من فرح واتضاربت معاها واخذت منها الجوال

    فرح _ رهوفة وش فيك هاتي جوالي

    رهف _ والله هذي اوامر المعلم بيومي <<< بيومي هذا تراه دندون

    فرح _ دندون قولي لها تجيب جوالي

    دنيا _ انطمي تبغى الجوال عشان تفضحينا

    غرام _ والله صح ماخطرت على بالنا انها ممكن تروح تقول لفصولها

    البنات بردود مختلفة ايه صح

    وسن _ والله زين ماسويتي ياعصابة

    فرح _ ليه شايفيني بزر افتن

    ريم _ لا مراهقة انتي واخوي العزيز

    فرح _ اشوف مسكت معاكم مراهقة

    دنيا _ بنات يلا نطلع قبل لايجوا

    ريهام _ تمام ياباشا

    خرجوا البنات من كبينة العيال اللي مساكين جالسين مهيصين برا مايدروا ان البيبسي صار بطعم الملح والخل

    حنان _ نفسي اشوف شكل العيال كيف لمن يشربوا البيبسي

    غرام _ بنستى يجوا ونشوف ردة الفعل

    اسيل _ والله انتم حرام عليكم

    دنيا _ بتهجدوا هالبنت عني ولا اقوم اكفنها لكم

    اسيل _ يمه بسم الله خلاص سكتت مالي شغل

    هيام _ بنات مايجون الى بالعين التركواز

    شهد _ العين الزرقة يااختي

    هيام _ اوه خبرك زمان دحين صارت تركواز

    وسن _ ايه وسمعت انهم بيخلوها تفاحي

    دنيا _ بنات تعالوا العيال جاين

    وماعاد تشوف في الغرفة الا غبار كلهم تناقزوا يروحوا للبلكونة

    حنان _ الله فلة

    غرام _ ياحليلك يابسومي وش بيكون ردة فعلك

    وعد _ تتوقعوا راح يعرفوا ان احنا

    روان _ اكييييييييييييييييد دون ادنى شك

    &&&&&&&&&&&&&&&&&&&
  6. دروب المحبه
    Offline

    دروب المحبه .. كاتبة ..

    إنضم إلينا في:
    ‏12 نوفمبر 2010
    المشاركات:
    123
    الإعجابات المتلقاة:
    3
    نقاط الجائزة:
    0
    رد: رواية حقوق العشق محفوظة بقلمي ( رواية سعودية جريئة )

    عند الشباب

    عادل _ والله الكباين هذي فله احلى من اللي رحناها قبل

    خالد _ والله من جد ابو الفله

    بسام _ ايوا حضرتك مبسوط عشان المزز

    خالد _ افااااا عليك بس

    احمد _ اقول فهود جيب معاك البيبسي والشيبس خلينا نطلع نفرش برا ع البحر

    فهد _ ابشر يلا شيلوا الفرشات برا

    شالوا العيال فرشاتهم وسوا لهم نصبة برا قدام البحر وعاشوا الجو

    احمد _ مين يبغى بيبسي مين يبغى ميرندا

    عمار _ انا بيبسي
    فيصل _ وانا كمان

    تركي _ لا انا ميرندا


    صبوا كاسات العصير وجالسين يلعبوا ضومنة

    عمار _ اخخخخخخخخخخخخخخخ وع وش هذا

    فيصل _ وع وش هذا الطعم

    احمد _ ايش فيه

    فيصل _ ذوق طعم البيبسي كيف مانه خل مو بيبسي

    خالد _ لا ياشيخ اعطوني اذوق

    خالد _ كححححححح كححححح اععععععععععع

    محمد _ مين فيكم سوا كذا ايش السخافة ذي

    خالد _ والله انا اقول هالسوات ماراحت بعيد عن البنات

    العيال بردود مختلفة ايوا صح اكيد هما لكن هين

    &&&&&&&&&&&&&&&&&&&&&&&&&

    عند البنات

    دنيا _ هههههههههههههههههههه شوفوا اشكالهم كيف

    غرام _ والله تحفة

    اسيل _ الله يستر لايسوا فينا مقلب

    ريهام _ عادي خليهم نعيش مغامرات ياااااي وناسه

    &&&&&&&&&&&&&&&&&&&&&&&

    عند الشباب

    خالد _ خلاص اتفقنا

    العيال _ اتفقنا

    بسام _ بس متى التنفيذ

    خالد _ بكرة

    عادل _ يلا شباب وش رايكم ننام عشان نجهز للحرب بكرة

    العيال _ يلا وقاموا شالوا اشيائهم ودخلوا الكبينة حقتهم وكل واحد حط راسوا بينام

    الا عاشقنا الولهان ماصدق خبر فرصة عشان يكلم فرح

    &&&&&&&&&&&&&&&&&&&&&&&&&&&&&

    عند البنات

    رن جوال فرح قامت من عند البنات ودخلت البلكونة

    فرح _ هلا بيبي

    فيصل _ كيفك حبي

    فرح _ بخير ياقلبي كيفك انت

    فيصل _ طول ماانا معاك اكييييييييد بكون بخيررررررر

    دنيا _ طيب يالمراهقة انا اوريك قولي له يسيبك لنا ولا مايصير خير وتصرخ باعلى صوتها

    فيصل _ من ذي

    فرح _ ماعليك منها فصولي هذي دندون

    فيصل _ قولي لها تمووووت من القهر ماراح اسيبك ايش عندها

    فرح _ يقلك موتي قهر ماراح يسيبني ايش عندك

    دنيا _ انا اوريك انتي وهو ايش عندي بس اصبروا علي ان كان مانسيتكم اساميكم

    فرح _ وجععععععععععععععععع دندون اهجدي

    فيصل _ اتركيك منها انا زعلان يافروحة
    فرح _ وه حبيبي ليش

    فيصل _ كذا تسوا مقلب فينا من دون ماتوقلي لي

    فرح _ فصولي لاتزعل بس ايش اسوي البنات حبوا يسوا لكم اكشن

    جلسوا عشاقنا يتكلموا ويتغزلوا في بعض

    خلونا نسيبهم ونروح عن البنات

    دنيا _ طالعوا بالله شكلها

    اسيل _ دندون سيبك منها خليها تاخذ راحتها

    هيام _ مع دندون لاراحة بعد اليوم

    دنيا _ احنا ماعندنا بنات يسو حركات كذا

    غرام _ بس بشوفك لمن تنخطبي وش بتسوي

    دنيا _ ومين قال اني بنخطب

    ريهام _ كلام كلام بس

    ريم _ فروحة انتبهي لاتطيحي من البلكونة

    البنات _ هههههههههههههههه بصوت عالي

    فرح تاشر لهم بيدها بمعنى يصير خير

    ريهام _ ياحليلها بنت خالتي واخوي الدلخ مسوين رومنسين وحركات

    دنيا _ على بالهم عصافير زينة لكن الصقر بيوريهم

    البنات _ ههههههههههه

    وسن _ بنات وش رايكم ندخل ننام عشان نصحي قبل الظهر

    حنان _ بدري دوبها الساعة 3

    وسن _ والله انا جاني النوم

    غرام _ ايوا صح خلونا ننام عشان بكرة نسوي برنامج لنا
    دخلوا البنات غرفتهم اللي كانوا فيها دنيا ورهف وروان وهيام وشهد وغرام واسيل وحنان ووسن ووعد وريهام وريم وفرح

    والغرفة الثانية فيها سارة وبنتها وهنادي ووجدان زوجة تركي وولدها ونور زوجة عبد العزيز وعيالها

    والحريم كانت غرفتهم زي ماقلت تحت

    دخل الكل ينام وفرح قفلت من فيصل ودخلت معاهم تنام كلهم ناموا الا دنيا جاعت وراحت تسوي لها اكل من المطبخ

    &&&&&&&&&&&&&&&&&&&&&&&&&&&&&

    عمار _ يوه هيا وين الاقي الخبز

    وقلب المطبخ اللي عند العيال فوق تحت لمن ياس قال خليني اتصل على روان اقلها تجيب لي خبز من عندهم

    عمار _ وش فيها ذي ماترد شكلها نامت واتصل على امه نفس الشي واتصل على سارة كمان نايمة
    عمار _ دام كلهم نايمين خليني اروح بسرعة قبل لا احد يشوفني

    &&&&&&&&&&&&&&&&&&&&&&&&

    دنيا _ ايش ااحط جبنة كيري ولا بوك لاخليني احط كيري احلى

    دنيا وهي خارجة من باب المطبخ قابلت شخص وانصدمت يوم شافته

    &&&&&&&&&&&&&&&&&&&&&&&&&&&&&&&

    غرام بصوت كله نوم _ حمودي حبيبي قلت لك لمن اصحى اتفاهم معك مالي خلق

    محمد _ يارنو لازم تكلميني ضروري فاهمة

    غرام _ اوكي بيبي بس خليني انام والله تعبانة

    محمد _ عساه فيني ولا فيم يارب

    غرام _ بسم الله عليك

    محمد _ تخافي علي

    غرام _ اكيييييييييييد اخاف عليك مو حبيبي
    محمد _ يلا ياعمري روحي نامي واحلمي بيا

    غرام _ بدون لاتقول انا راح احلم فيك لان مافي احد في بالي غيرك

    محمد _ يلا حبي بايييييييييييييييي

    غرام _ باااااااااااااااي

    غرام _ اووووف غثى والله فراش دندون فاضي وين راحت هالخبلة وانا اشلي خليني اكمل نوم احسن لي

    &&&&&&&&&&&&&&&&&&&&&&&&&&&&&&

    في المطبخ

    طاحت كاسة العصير من يد دنيا اااااااااااااااااااااااااااااه

    عمار في نفسه سبحان الله من الملاك هذي ايش الجمال هذا كله
    وجالس يطالع في دنيا اللي كان شكلها مرة برئ كانت لابسة بيجامة برمودا فوشي وبلوزة بيضة توب من عند الصدر وفيها حروف بالفوشي وكانت رافعة شعرها بطريقة مهملة وشكلها طالع مرة كيوت

    خلوني اوصف لكم عن شكل دنيا وملامحها دنيا بشرتها بيضة طولها متوسط عيونها عسلي شعرها صابغته غزالي جسمها حلو شعرها لنص ظهرها وقاصته الفرولة
    عيونها كانت وساع ورموشها كثيرة فمها صغير وانفها كانه سيف

    دنيا من الصدمة تحس انها انشلت عن الحركة وجلسوا يطالعوا بعض حوالي دقيقتين

    دنيا _ وه يافشلة هذا عمار يارب مايعرفني اني انا دنيا

    عمار _ مين الحلوة ذي اول مرة اشوفها بس عيونها مو غريبة عني

    دنيا _ استوعبة الموضوع وراحت تجري وخرجت من الباب الثاني وعمار مازال مصنم في الجمال اللي شاوفو قبل شوية

    رجعت دنيا عند البنات وقلبها يرجف وراحت اتغطت وتبغى تنام لكن أي نوم يجيها وهي كذا مرتعبه

    عند عمار

    عمار _ ياربي هذي العيون مو غريبة عليا عيون مين اكيد وحدة من بنات عمي بس مين هيا دنيا ولا رهف ماشاء الله صاروا كذا حلوين والله جمال البنت هذي مو طبيعي اول مرة اشوف وحده كذا وجلس في دوامة افكاروا وفي البنت اللي شافها بس ماعرف مين هيا وطار من عينوا النوم ونسي انه كان جيعان وجلس يفكر


    عند دنيا

    دنيا _ يالله تخيلي يكون عرفني بس كيف يعرفني وانا اتغطى منه وليه كذا كان يطالعني وايش يبغى جاي عند المطبخ يووووووه اسالة كثير والله تعبت ودخت انام احسن لي


    &&&&&&&&&&&&&&&&&&&&&&&&&&&&

    الساعة 11 الصبح

    ام هيام _ يلا يابنات قوموا

    شهد _ ماما خلونا ننام كمان شويه

    ام دنيا _ قوموا بلا دلع

    جلسوا الامهات ومعاهم هنادي وسارة ونور ووجدان

    ام اسيل _ الله يصلحهم البنات مايصحوا بدري عشان السهر

    وجدان _ واله ياخالتي ماراح يصحوا لو ايش

    ساره _ ياحظهم يناموا مو زينا كل شوية تقومي عشان الصغار هذول

    ام فيصل _ شفتوا كيف تعبنا فيكم احنا عشان تعرفوا وش كثر الام تتعب

    غرام _ بنات يلا قوموا الساعة 11 ورانا دشرة

    دنيا _ تتقلب كانها دجاجة على الشواية

    قاموا البنات يغسلوا وجههم وكل وحدة دخلت تلبس عشان ينزلوا تحت

    اسيل _ فروحة قومي

    فرح _ اممممممممم خلوه شوية

    دنيا _ قومي خلخلوا ضروسك خليك يالمراهقة جالسة سهرانة مع فصول هذا حقك

    فرح _ قامت والعين صارت مفتوحة متر اقول دندون احترمي نفسك مو اصغر عيالك هو
    حنان _ يمه منك من اليوم نصحيك ماتصحي من يوم سمعتي صاري فيصل صحيتي


    ريم _ احم احم والله اخوي واقع وموقع

    ريهام _ وينك يافيصل تشوف اللي اشوفه

    اسيل _ لو كان موجود كان اغمى عليه

    البنات _ هههههههههههه

    فرح _ اعطتهم نظرة ودخلت الحمام

    هيام _ بنات حرام خلونا نخف عليها شوية

    دنيا _ ياشيخة خلينا نتونس فيها كل يوم عندنا وحدة بتنخطب

    البنات _ هههههههههههههههههههه

    البنات كل وحدة منهم اتجهزت ونزلوا عند الامهات وجلسوا معاهم وكانت الصالة اللي تحت كلها رجة من البزران والبنات

    حنان يلا بنات نطلع نتمشى

    وسن _ يلا مشينا

    قاموا لبسوا عبايتهم ولفوا الطرح ومشوا

    ريهام _ بنات اتفرقوا عن بعض شكلنا كذا يفجع كاننا نمل

    وعد _ امشي بس مين بينتبه لنا

    راحوا البنات يمشوا ع البحر ومبسوطين ومهيصين وجالسين يطرطشوا بعض بالموية ومنزلين رجولهم بالبحر


    هيام _ الله من زمان عن اجواء اللمات هذي


    رهف _ ايوا والله لنا فترة مااتجمعنا كلنا

    عند فرح

    فرح _ مقدر والله البنات بيفضحوني

    فيصل _ ماعليك منهم انا بكلم خالتي واقلها نروح نتمشى

    فرح _ اممممممممممم طيب

    فيصل _ خلاص اكلمها واعطيكي خبر

    فرح _ اوكي

    فيصل _ يلا حبي سي يووووو

    فرح _ باااااااااي


    عند الشباب

    محمد _ يلا متى المقلب ترى متشوق له

    خالد _ اصبر لين مايوقعوا

    خالد _ عمار عمار عمااااااااااااااااااااااااااار

    عمار _ هاااااااااااا خير ايش تبي

    خالد _ ياعيني ياعيني وصرنا نسرح يابش مهندس اللي ماخذ عقلك يتهنابوا

    عمار في نفسه اه اخذت عقلي وبس اموت واعرف مين هي _ خير ايش عندك

    خالد _ كنت بقلك شفت البنت اللي برا اليوم ايش سوت

    عمار _ ههههههههههههههههههههههه وجلسوا يحكوا العيال على موقف صار معاهم ولمن راحوا يجيبوا الغدا

    &&&&&&&&&&&&&&&&&&&&&&&&&&&&&&

  7. دروب المحبه
    Offline

    دروب المحبه .. كاتبة ..

    إنضم إلينا في:
    ‏12 نوفمبر 2010
    المشاركات:
    123
    الإعجابات المتلقاة:
    3
    نقاط الجائزة:
    0
    رد: رواية حقوق العشق محفوظة بقلمي ( رواية سعودية جريئة )

    فيصل _ يلا فروحتي انا جايك دحين

    فرح _ اوكي بيبي

    فرح _ يلا بنات مع السلامة
    غرام _ وين رايحة

    فرح _ بروح اتمشى مع فصولي

    دنيا _ نعم نعم تتمشي مع مين

    فرح _ تتدلع مع فييييييييييييييييصل

    دنيا _ اقول اترزعي هنا ماعندنا بنات يمشوا مع شباب

    اسيل _ روحي فروحة وسوي اللي براسك ماعليك من المرجوجة دي

    دنيا _ انتي حسابك عندي بعدين وانتي يالمراهقة يالمخفة اجلسي

    ريهام _ عاد دندون خلي اخوي ضعيف يوسع صدروا

    دنيا _ انا قلت كلمة مافي يعني مافي

    فرح _ اعطت دنيا نظرة ولفت ظهرها ومشيت

    دنيا اخذت موية بيدها وكبتها عليها

    فرح _ الله يلعن شياطينك يادندون

    البنات _ ههههههههههههههههههه

    هيام _ هذا جزات اللي مايسمعون كلام اهاليهم

    فرح كانت ودها ترد بس شافت فيصل قدامها طالعة فيه بنظرة كلها حب وهو يمد لها يدوا ويبتسم لها طالعة في البنات وقال لهم شااااااااااااااااو

    دنيا _ تصارخ هين يافصيل اوريك شغلك

    فيصل _ لاحول انتي وش حارق رزك

    دنيا _ خليها عندنا نبغى نجلس معاها

    فيصل _ والله حرمتي وحر فيها

    دنيا _ مالت عليك وعلى حرمتك

    ريم _ اخوي خذ فروحة وروح ماعليك منها

    فيصل _ اصلا مو مستني كلمتها وشبك يدوا بيد فرح وراحوا

    رهف _ دندون يلي ماتستحي شلون تكلمي فيصل طيب عند عزوز

    دنيا _ وش اسوي له هو والمراهقة اللي معه عصبني

    غرام _ بس عيب عليك خليهم براحتهم

    دنيا _ طيب اخليهم ان كان ماطلعت الشيب في روسهم مااكون انا دندون

    هيام _ وه ايش دعوة ماكلين حلالك

    دنيا _ لا كذا حابة استهبل عليهم

    حنان _ ضربت دنيا ظهرها امشي بس امشي

    دخلوا كل البنات ومابقي غير غرام واسيل على طرف البحر جالسين

    اسيل _ خلاص غرومة والله راح ابكي

    غرام _ اسولة والله مو قادرة مااتخيل حياتي من دون بسام

    اسيل _ ولا انا مااتخيل حياتي من دونه

    غرام _ ها وش قلتي اشوفك مرة خاقة

    اسيل _ اهجدي غرومة

    غرام _ الا ماقلتلك مو بسام سال عنك

    اسيل _ قولي والله متى

    غرام _ يوم كنا جاين ع الكباين قال ماتبغينا نمر على ذيك صاحبتك

    اسيل _ وه فديته ياناس

    غرام _ شكلك وقعتي اخوي يالصة

    اسيل _ بتنهيدة اااااه

    غرام _ سلامتك من الاه ياقلبي بس ماقلتيلي من متى الحب والعشق هذا

    اسيل _ من المتوسط

    غرام _ الله من المتوسط وانا مو حاسة فيك مثل ثور الله في برسيموا

    اسيل _ راح بالها عند بسام جلست مع غرام عشان تواسيها وهي تبغى من يواسيها

    مر نص ساعة وهما جالسين يهرجوا على بسام واتفقوا انهم يسوا شي مرة خطيرررررر

    اسيل _ غرومة بس اخاف يعرف

    غرام _ ماعليك انا ازبطك بس انتي وافقي

    اسيل _ امممممممم طيب موافقة

    غرام _ خلاص اتفقنا يلا خلينا نرجع عند البنات

    اسيل _ يلا


    دخلوا اسيل وغرام ولقوا البنات مسوين مرقص جوا كانت هيام لابسة برمودا بيضة وتيشريت اسود
    وريهام كانت لابسة تنورة جينزقصيرة فوق الفخذ وبولزة اورنج توب من الصدر ومسوية اثنين وشكلها يجنن وروان لابسة شورت بيج وبولزة حمرا عريان وفيها حزام على الخصر لونه بيج ودنيا لابسة ثوب رجال ومثلثمة هيا وريم وحنان لابسة بنطلون جينز فاتح وبولزة صفرا وشكلها روعة ورهف لابسة فستان وردي عريان مرة وقصير ومموج بالون الابيض وشكلها كانها طفلة

    دخلت غرام اوف يالخيانة كباريه من ورانا

    دنيا _ قوموا البسوا وتعالو سريع

    غرام _ طيران وتغني مع دنيا

    غرام _ يلا اسولة دحين التنفيذ فرصة يلا البسي التنورة هذي والبلوزة هذي

    اسيل _ غرومة والله خايفة

    غرام _ ماعليك

    اسيل _ لبسة التنورة وكانت تنورة سودا قصيرة نص الفخذ ولبسة عليها بلوزة حمراء ربط في الرقبة وشوية من الظهر باين ورفعت شعرها واحد على فوق وحطت روج وغلوس وزبطط نفسها وطلعت زي القمر لانها كانت زي ماقلت قبل انها احلى وحدة في الشلة

    غرام _ اوووووووووووووف وش هالحلى كله والله لو عندي ولد كان خطبتك له


    اسيل _ احم احم احم

    غرام _ ياخوفي اخوي ينجلط بس يلا خلينا نخرج

    خرجوا للبنات والكل انبهر بشكل اسيل اللي كانت تجنن كانها عروسة وغرام كان حلو برضوا شكلها وكانت لابسة فستان بنفسجي ربط في الرقبة وقصير وفيه كرستالات عند الخصر

    دنيا _ لا كذا انا اتهور ايش الاغراء هذا كله وحده فاتحة البطن ووحدة الفخذ ووحدة الظهر شكلكم تبغوني انحرف

    ريم _ انا شكلي بقلب ولد من جد

    وكملوا رقص وانبسطوا اخر شي وكانت غرام تترنح بالكاسة ودنيا ترقص بالعصاية وريهام جايبة مناديل وتنقط عليهم ورهف تغطرف

    وكانت ليلة خيالية لدرجة ان اصوات المسجل والبنات واصلة عند العيال

    تركي _ والله اشوف البنات مهيصين

    عادل _ ايوا اسمع الصوت كيف فضحونا

    بسام _ شكلنا ماراح نسوي المقلب فيهم اليوم

    محمد _ يلا كل تاخيرة وفيها خيرة

    خالد _ حمود حسستني اننا بنسافر مو بنسوي مقلب

    الشباب كلهم ههههههههههههههه

    عند البنات في الكباريه اقصد في الكبينة

    غرام _ يلا اسولة تعالي

    اسيل _ لا خلاص بطلت ماعاد ابغى

    غرام _ اقول تعالي وخذت الجوال واتصلت على بسام

    بسام _ هلا غرومتي

    غرام _ هلا حبيبي كيفك

    بسام _بخير كيفك انتي

    غرام _ تمام

    بسام _ ولاتسالي عن اخوكي ولا من لقى احبابه نسي اخوانه

    غرام _ هههههههههه ولو انا اقدر على بعادك تعالي بسوم بغيتك في سالفة

    بسام _ وين اجيك

    غرام _ تعالي لي عند باب المطبخ الخلفي

    بسام _ خلاص دحين جاي

    غرام _ يلا اسولة انا سويت اللي عليا روحي انتي وسوي اللي عليك

    اسيل _ الله يستر من افكارك ياغرومة

    غرام _ روحي روحي بس ارفقي باخوي وتغمز لها

    اسيل وهي في طريقها للمطبخ اتراجعت مليون مرة

    بسام وينها ذي تناديني وماتجي وتوه مسك الجوال الا شاف ملاك قدامه واقف عند البرادة خلوني اوصف لكم ملامح اسييل كانت بيضة مرة وشعرها قصير وصابغته هاي لايت يوصل لين كتفها وعيونها خضرا لان امها كانت سورية وفمها مرة صغير وعيونها وساع ورموشها كثيرة وجسمها يجنن كانها من عارضان الازياء وانفها صغير وكانه سيف ماشاء الله وكل من شافها انهبل عندها

    بسام في نفسه هذي مو اسولة ياويل قلبي وش هالحلا كله ابين لها اني موجود ولا اجلس اطالع واسكت لا خليني اكلمها احسن احم احم

    اسيل _ سوت نفسها انها انفجعت هاااااااااااااااااء

    بسام _ بسم الله عليك يااسولة

    اسيل في نفسها _ واه ياحلاة اسمي منك

    اسيل _ بسااااااااااااااااااااااااام

    بسام _ ايوا كيفك

    اسيل _ الحمد لله بخير كيفك انت وتقولها بنفس مقطع

    بسام _ بشوفتك احسن

    اسيل _ في نفسها والله شكل السالفة زبطة ياغرومة

    اسيل _ عن اذنك بسام
    بسام _ اسولة لحظة ابغاكي في موضوع

    اسيل _ تحس ان قلبها بيوقف خصوصا وهو يطالع لها بنظرات تذوب الحجر

    اسيل _ امر وش عندك

    بسام _ لاماينفع هنا ممكن اخذ رقمك واكلمك

    اسيل _ هااااااااااااا وفاتحة فمها

    بسام _ لو مااحرجك يعني

    اسيل _ هاااا اممممم طيب

    بسام _ ابتسم ابتسامة طيحت قلب اسيل وسجل الرقم خلاص انتظريني اليوم بالليل اكلمك

    اسيل _ ان شاء الله يلا باي قبل لااحد يشوفني

    بسام _ في امان الله وهو متنح ونظراته تلاحق اسيل لين مابعدت عن عينه

    في دخلة غرام

    غرام _ بسوم انت هنا من اول

    بسام _ مسرح ومارد عليها

    غرام _ بسااااااااااااااااااااام

    بسام _ هلا قلبي

    غرام _ ايش فيك اللي ماخذ عقلك يتهنابو

    بسام _ ايش كنتي تبغى ياغرومة

    غرام _ كنت ابغى اقول لك ان ماما قالت يمكن تجي بعد بكرة

    بسام _ طيب

    غرام _ طيب يلا مع السلامة

    بسام _ مع السلامة وواقف عند الباب

    غرام _ بس انت وش فيك اليوم مو طبيعي شفت شي ولا ايش

    بسام _ هااااا لاخلاص انابروح عند الشباب يلا تبغى شي

    غرام _ لالا ماابغى

    غرام تمشي وهي تضحك على شكل أخوها وعرفت ان خطتها نجحت رغم انها كانت متاكدة ان خطتها راح تنجح لانها تعرف جمال اسيل اللي يذبح ويفتن


    وبكذا انتهى البارت وراح نشوف كل التطورات لابطالنا خلال هالاسبوع اللي راح يقضوه بالكباين ايش يبغى بسام من اسيل حيلعب عليها !!!! ولا لا

مشاركة هذه الصفحة

الاعضاء الذين يشاهدون محتوى الموضوع(عضو: 0, زائر: 2)